Брзо живеење: Да/Не

[Gurdjieff]

Светот свети, луѓето живеат. Кој како наумил, знаел, сакал, или па и не сакал а морал. Сите го мислат најдоброто за себе, освен декадентните, тие го мислат најдоброто за сите. Функционирањето на сите луѓе заедно зависи од самите нив т.е. нивната умисла за правилноста на живеењето, но никој од нив не е целосно сигурен во тоа. Кои се приоритетите? И треба ли да се менуваат според околностите?

Задржување на својственоста (духовноста, идентитетот) во текот на живеењето е премногу тешка обрска, освен тоа, често се покажува и како непотребна. Луѓето се навикнуваат на брз и обврзан живот со прекумерно работно време и прекумерна социјализација, а тоа ги прави помалку духовни и повеќе слични едни со други бидејќи социјализацијата не е ништо друго освен копирање и вградување повторливи и едноставни навики.

Дилемата која ме натера да размислувам околу ова, е муабетот со една другарка која ми даде интересна причина за претварање на луѓето во несвесни, површни и брзи живеачи. Причината беше дека тие всушност уживаат во тоа. Едноставно, но и доста издржливо. Двоумислата ми е: дали е вредно да се продава едното за другото?
Ima pravo drugarkati!!


.

 

[Гладиус]

Можеби го напиша ова како пример, но не е исклучиво токму тоа да е твојата причина за таков избор. Ако размислиме околу пријателските врски, ќе приметиме дека низ годините сме изгубиле многу од нив, но и многу нови сме создале, што доведува до заклучок дека пријателите се минливи исто толку колку што се минливи нашите приоритети во животот и нивната зависност од околностите. Секако, имаме два-тројца пријатели кои се тука цел живот, но останатите се менуваат, па затоа ние сами треба да си одлучиме за своите приоритети. Освен тоа, ако како што спомна во примерот „пријателите по секоја цена се тука за тебе без разлика на сѐ“ тогаш не би требало да се грижиш дали ќе им се смачи од тебе или не. Секако, ова го земаме само хипотетички.

Од друга страна, доколку твојата динамика дозволува време за когнитивно размислување, ти всушност го изолираш сајд ефектот (објаснет во зачнување на темата), па всушност правиш микс кој тешко се контролира, но сепак можно. И тоа е сосема во ред, и убаво Јас повеќе се фокусирав на динамичноста во која дома доаѓаш само на спиење, а остнатото време го трошиш на работа и со пријатели (не многу блиски пријатели). Јас последниов месец го истрошив токму така, вчера прв пат (после цел месец) седнав на интернет за подолго, а пред тоа пишував блог постови секој втор ден..

Значи нема некоја посебно лоша причина да се живее токму оној живот кој го спомна... Доаѓаш дома за спиење а сè ти е потрошено на работа и пријатели.
Можеби вака размислувам затоа што себеси се гледам повеќе како кариерист одошто како семеен човек, меѓутоа мора во предвид да го земеме фактот дека и за време на таа работа можат да се остварат контакти со луѓе кои понатаму ќе ти значат многу. Токму времето поминато на таа работа може да ти помогне да напреднеш на професионален план, па кога убаво ќе се сместиш во некоја фотелја на некоја фина позиција ќе имаш и финансиски средства а и време да планираш лежерен живот и уживање во опуштената атмосфера.

Не е убаво тотално да се заборават оние кои се дома, но не е убаво па и поради нив да останеме (условно речено) ’онеспособени’ за малку побрзо темпо, затоа што во некои ситуации во животот нема да можеме да избереме сами темпо на одвивање на работите, а многу од тие ситуации од нас може да бараат интезивност во начинот на кој функционираме.

Потребен е баланс помеѓу двете, но сега за сега лично јас сметам дека динамиката многу повеќе ми одговара за постигнување на целите кои си ги поставив пред некое време. До кога и каде ќе терам со овој начин на живеење останува на времето да покаже, како и на мојата ефективност при ваквиот начин на живеење.

 

[shutrak]

brzo ., vs., sporo., sredno mu e majkata

 

[lo6ko piratot]

ни под разно!

 

[Беркут]

I'm gettin lost in the weed, man, gettin high
Livin everday, like I'm gon' die
(2pac - Lord Knowz)

 

[Very Nice Girl]

Брзиот начин на живот не го задржува сопствениот идентитет - не се согласувам. Доколку човек кој секојдневно е навикнат на брзо живеење, тој се идентификува како таков и едноставно не може да се навикне на друга динамика со помал интензитет.
Секако дека тој ги изградува своите вредности на таа основа. Вистинските вредности остануваат исти, и динамиката со која еден човек живее му дозволува да ги задржи тие вредности бидејќи се неменливи.
Не значи дека ако живееш брзо си нечовек. Тој потешко би се ‘зауздал‘, но и тоа си стапува на сила.

 

[outTake]

Не гледам ништо лошо во прекумерната социјализација. Човекот е суштество кое само по себе е неспособно да опстои без да се социјализира.
И не се согласувам дека така стануваме многу слични едни на други. Напротив, колку повеќе луѓе комуницираат со нас, толку е поголема веројатноста да се прават безброј комбинации од карактерни особини, навики и размислувања.
Избирам брзо живеење затоа што сакам динамика.

Прочитај го ова: http://www.idividi.com.mk/Futurama/Nauka/695526/index.html

Таму е обајснето како научниците дошле до цврсти докази дека социјализацијата ни ја заменува нашата меморија со лажна. Мислам дека тоа ја потврдува мојата теза за губење на својственоста при социјализација. Бидејќи меморијата е она што сме, без неа сме ништо. Можеш и да забележиш дека луѓето со брзи животи вклучувајќи ги бизнисмените нели „зафатените луѓе“, се всушност лажни т.е. луѓе со лажна меморија, со изгубен дух некаде на патот во потрага по пари и забава..

 

[Гладиус]

Прочитај го ова: http://www.idividi.com.mk/Futurama/Nauka/695526/index.html

Таму е обајснето како научниците дошле до цврсти докази дека социјализацијата ни ја заменува нашата меморија со лажна. Мислам дека тоа ја потврдува мојата теза за губење на својственоста при социјализација. Бидејќи меморијата е она што сме, без неа сме ништо. Можеш и да забележиш дека луѓето со брзи животи вклучувајќи ги бизнисмените нели „зафатените луѓе“, се всушност лажни т.е. луѓе со лажна меморија, со изгубен дух некаде на патот во потрага по пари и забава..

Значи, во текстов се збори за социјализација која би ја имал човек доколку одбере да го живее полежерниот живот во кој ќе има време да седне да си се присети на добрите моменти со пријателите. Динамиката за која јас зборувам и за која првично сфатив дека е отворена темава е онаа динамика која како што пишува на почетокот, не му дава време на човекот за воспоставување на било какви подлабоки односи со луѓето.
Текстов воопшто не е поврзан со твојата тема а ниту со социјализацијата за која јас зборувам.
Она за кое јас зборувам во постот е среќавање нови луѓе, споделување нови искуства со нив - а не, присетување на старите преку долг муабет со веќе стекнатите пријатели од детството или од подоцнежниот период на животот.
Текстов е за седнување на кафе со средношколски пријатели и присетување на некој заеднички одмор и слично...

 

[outTake]

Текстов е за седнување на кафе со средношколски пријатели и присетување на некој заеднички одмор и слично...

Доаѓаш до границата до која губам потреба да муабетам натаму.. Погоре полемизирам со твојот став дека „нема ништо лошо од прекумерната социјализација“, а делењето на видови социјализација е мислам начин да се дигресира темата.

Текстов воопшто не е поврзан со твојата тема а ниту со социјализацијата за која јас зборувам.

Текстот е свршено поврзан и обајснив погоре како и во која насока. Немам сега баш волја за дообјаснување : )

 

[Гладиус]

Доаѓаш до границата до која губам потреба да муабетам натаму.. Погоре полемизирам со твојот став дека „нема ништо лошо од прекумерната социјализација“, а делењето на видови социјализација е мислам начин да се дигресира темата.

Текстот е свршено поврзан и обајснив погоре како и во која насока. Немам баш волја за преформулирање : )

Не можеме се да гледаме во една група. Постојат различни начини на социјализација, кои можеби не знам да ги кажам по формула, ама сум ги почувствувал и сум ги применил повеќето.
Текстот е поврзан ти кажав со каков тип на социјализација... Онаква која не можеме да ја имаме доколку се посветуваме на динамиката на животот.
Ако не ти се објаснува, во ред. Никој со сила не те тера на тоа.

 

[Пепси_]

Јас би сакал да биде брзо живеење ама некако моево е ептен тапа и лежерно без исполнетост. Дефинитивно тоа не може да го имам во ова мало градче али јбг се надевам по натаки ќе се управе нешто.