Партијата посилна и од просекот на Медицински факултет
Околу 350 лекари и 1.400 медицински сестри чекаат вработување додека ветените 1.117 се стопирани. ВМРО-ДПМНЕ и СДСМ меѓусебно се обвинуваат кој ги кочи и дали министерот за финансиии Бесими од ДУИ издал согласност за нив. Вработувањата на медицински кадар имаше само во болницата во Гостивар.
www.slobodnaevropa.mk
цитирам :
„Важи ли правичната застапеност, на која се повикуваат поединци (ама само тогаш – кога им одговара), за вработувања во гостиварската општа болница? Погледнете убаво и уверете се дали и како се спроведуваат во Гостивар балансерот и Бадинтерот?? “
Инспекторатот за труд минатата недела направи вонреден инспекциски надзор во болницата во Гостивар, откако порталот „Порталикс“објави снимка на која се тврди дека се слуша гласот на Илбер Адеми, директор на болницата, како на кандидат за вработување му вели дека на огласот имало еден куп кандидати, дека било пекол, но дека на крај не одлучува тој, туку партијата.
Директорот Адеми не негира дека е тој на снимката, а за телевизијата Канал 5 изјави: „Знаете партиски интервенции горе долу, меѓутоа мојата одлука не се оснива директно на некоја партиска одлука. Туку на моја лична одлука. Професионална одлука изјави Адеми...“
На тоа се жалат и младите лекари - дека не можат да се вработат во јавно здравство ни со висок просек од студиите, бидејќи тука се вработува најчесто преку партија или по „други критериуми“.
„Се повторуваат истите шеми со вработувањата во здравството, само што сега во случајот со Гостивар имаме 100 % етничка компонента. Слични случаи имавме на Клиника за гинекологија, на Инфективна клиника.
Ние повторно ги повикуваме
колегите да излегуваат јавно и да ги кажуваат проблемите. Ама, тие што се храбри, си отидоа од тука“, вели д-р Ненад Лазаров од Асоцијација на специјализанти и млади лекари....“
Инспекторатот има рок од десет дена да се произнесе дали имало неправилности околу овој оглас.
Во меѓувреме на сите 1.117 лица повторно им се дадени нови договори и ќе продолжат да работат за 12.000 денари и без здравствено осигурување.
„После изборите, обезбедени се средства од Министерство за финансии, ќе се пристапи кон отворање на конкурси да не се прекршуваат законските прописи и истите ќе бидат вработени“, изјави новиот министер за здравство, Илир Демири, на 15 февруари. “
Податоците од Лекарската комора се дека од 2017 година досега, околу 600 лекари побарале потврда дека против нив не се води никаква постапка пред Судот на честа при комората. Оваа потврда им е потребна на сите оние кои одат на специјализација во странство, како и на оние кои заминуваат засекогаш.
Според податоците од Синдикатот на Клинички центар, пак, од 450 лекари кои годишно добиваат лиценци за работа од комората, 430 земаат дипломи за странски јазик, што е показател дека заминуват да работат во други држави.
Изјава на техничкиот Министер за здравство ИД од Алијансата на Албанците, околу партиските вработувања во гостиварската општа болница чиј директор бил од редовите на партијата ДУИ :
ТУКА - PortaliX (новинар Furkan Saliu)
Државниот инспекторат за труд пред недела дена го извештајот од инспекцијата во гостиварската општа болница, Министерот сеуште не знаел НИШТО!
П.С.
Многу јак овој новинар Фуркан!