Прилично лоша работа.
Кога си со некој 5 дена неделно, плус во некои случаи и искачања преку викенд, поголеми се шансите да се избламираш, кажеш нешто без размислување што не би требало да го кажеш, или направиш нешто со кое ќе си ги упропастиш сите шанси за да бидете заедно или пак ќе го расипеш другарството. Од друга страна, не е ист филингот кога ќе се обрукаш пред некој што не го знаеш, и пред оној/онаа кој/а го/ја свиѓаш. Вториот случај е поинтересен.
Другарство веќе нема. Затоа, има две варијанти: да го жртвуваш пријателството и да бидете заедно, и еден ден кога ќе раскинете да не сакате очи да си видите, и да ги криеш и потиснуваш емоциите и да страдаш во себе додека тој/таа ти ги доверува интимните тајни. И во двата случаи, ќе помине доста долго време за пак да се врати другарскиот однос или пак да не се врати воопшто.
Најинтересниот дел во сето ова е што со нетрпение чекаш да отидеш во школо, стануваш 3 саати однапред за да се спремиш, кога ќе го/ја видиш бегаш како ѓавол од крст, правиш милион третоодделенски глупости каде што апла се приметува дека има нешто. Најлошото што може да го направиш е се што ќе кажеш да има двосмислено значење, и да влезеш во конфликт со таа персона. Тогаш ненормално многу се приметува. И, кога ќе завршат часовите а ти е срам да го/ја викнеш да напраите муабет, седиш и им вршиш тортура на сите твои блиски соученици кои знаат кој/а ти се свиѓа и се обидуваш по стоти пат да ги протолкуваш неговите/нејзините зборови и што тие би можеле да значат (ко и оној/онаа во кој/а сте заљубен/а да се замара колку вас да смислува дво, тро и полисмислени реченици).
Е тоа е љубов. Ако ништо друго, барем е интересно. Има со што да се пополни времето, а е тронаменско - заљубен/а си, сакаш да идеш во школо и одеднаш добиваш ненормална желба да почнеш да учиш за да му/и кажуваш на тестови. Плус, изиграваш Шерлок Холмс и ги развиваш сивите мозочни ќелии за да ја разрешиш мистеријата дали и тој/таа чувствува нешто према тебе во зависност од се што ќе каже и направи во текот на денот.
Лошиот дел доаѓа кога останатите почнуваат да приметуваат и почнуваат со ремет. Во некои случаи, и професорите реметат. Тоа е стварно бедно.
Ми се случило да ми се свиѓаат луѓе со кои сум учела, но тоа траело најмногу 3 дена. Заљубување во некој од клас... Еднаш, и МНОГУ лошо искуство. И покрај тоа што траеше една година, ми беше пред се многу добар другар и поминавме прекрасни работи заедно, имаме заеднички спомени и секогаш кога се сеќавам на сето тоа се смеам, пред него се имам обрукано премногу. Дури и денес (затоа што останавме другари и ништо не се случи) знам да го погодам моментот и да кажам нешто што не треба а он да го сфати погрешно. Се надевам дека нема пак да ми се случи нешто слично.
Како и да е, спомнав и претходно, барем е интересно затоа што имаш со што да се замараш.