Вистината за “ТРЕБОШ“ - 11 Ноември 2001 год.
По барање од истражниот судија од Тетово, македонската полиција требаше да го обезбеди просторот околу “масовната гробница“ во близина на селото Требош, за да може да се врши непречен ископ и работа на форензичарите на Алексеј Дума! Од нашата разузнавачка служба имавме информација за точната локација на “масовната гробница“, точно на земјениот пат меѓу Требош и Шемшево, “замаскирана“ под локалната депонија! Во извештајот се кажуваше дека тука се закопани четворица (4) од (12) дванаесте “исчезнати“ македонски цивили, а дека другите (8) осуммина ги однеле во Шипковица и дека таму ги ликвидирале! Тргнавме на задача...
11 Ноември 2001-та. Тмурно попладне, грдо, сиво... Таму некаде меѓу Требош и Непроштено не “очекуваше“ лоша позиција! Требаше да влеземе во “процеп“ меѓу две вооружени формации на паравоената 112 бригада на УЧК! Во оклопните возила, молкум, јуревме кон Тетово со огромна брзина! Поделени во три патроли требаше да извршиме брз препад врз секторот! Командуваше еден искусен, борбен и цврст офицер од Единицата за Специјални Задачи “Тигар“! Јас бев со него, во првата патрола!
Некаде околу 17 часот свртевме кон Требош! На првиот подвозник - прва несреќа! На нашиот митролезец, кој беше горе на купола, на подвозникот му закачи митролезот и му го распара лицето! Го симнавме и веднаш продолживме! “Лош знак“ - си помислив!...
ПРВАТА патрола енергично и брзо ја запоседна позицијата околу “масовната гробница“. Веднаш по нас ВТОРАТА патрола ја запоседна раскрсницата Требош - Непроштено и ни “обезбеди грб“!... Но, од правецот на селото Шемшево во “обрачот“ ни влетаа две коли со (7) седуммина терористи вооружени “до заби“! Тргнале да проверат што се случува во “нивниот“ сектор! Беа страшно изненадени (заради нашата успешна маскирност; ние, така исполегнати ни меѓу себе не можевме да се видиме), па така шокирани, блокирани, ги извадивме од возилата и ги легнавме во ендекот! Со мене ја зедов само екипата на МТВ (новинарката Кате и снимателот Војче) заради документирање на настанот, па тие го регистрираа и апсењето! Меѓу уапсените беше и Командантот на УЧК од Шемшево! Убаво... Веднаш, со едно оклопно возило и пратечко обезбедување ги транспортиравме за Скопје!...
Состојбата стана - запаллива!... “Како почна“ - си реков - “Само Господ Бог знае како сево ова ќе заврши“?!?!... И почна! Министерот ми јави дека низ целиот Полог УЧК киднапира наши македонци, цивили, 85 на број, како реакција-одмазда, “противтежа“ за нивните уапсени!... Почна лошо!
Но, не рекол џабе народот: “Од лошо - има и полошо!...
Завладеа “гробна тишина“... Се бев затскрил зад еден стар, отфрлен шпорет на дрва во депонијата... точно над “гробницата“... Цел еден час - молк! Ни радиостаници, ни ништо!... 18:30.
Одеднаш - ПУКОТНИЦИ, експлозии, непрекинати рафали, викотници... од кај Требош!!!... ТРЕТАТА ПАТРОЛА?!?! Таа требаше да ја завземе и обезбеди раскрсницата кон с.Требош!... Покрај дрворедот тргнавме натаму! Никогаш побрзо не сум трчал!... Кога стигнавме... веќе беше доцна! На местото веќе беше пристигнал интервентниот вод на “тигрите“ и видов како ги извлекуваат безживотните тела на Бобо и Драго од “ладата“... на Оливер! И заминаа!... А тоа “учките“ од Требош се “вметнале меѓу 2-та и 3-та патрола, поставиле заседа и - удриле! Потоа брзо-брзо се повлекле во селото, да се скријат ко мали деца, зад фустаните на мајките!!!... Арно ама, од “судбината“ - никој не избегал!!!... “Судбината“ ги “снајде“ потоа...
Веднаш се издаде наредба за засилување и за опкружување на селото Требош во “челична алка“!...“Пиле не можеше да прелета“... Специјалните единици на МВР по сите правци, во поширок периметар, ја блокираа областа! Го оневозможивме и можното содејство на УЧК од Шемшево, Непроштено и Џепчиште!... Оставивме само еден клин-правец кон с. Шемшево за извлекување на цивилите, ако сакаат да го искористат, ако не... Алах да им е на помош! Го искористија! За неполни два часа жените, децата и старците од Требош се префрлија во Шемшево!... Убаво... Останавме само војски! На едната страна “модерната“ балистичка паравојска на УЧК, а на другата - регуларните формации на МАКЕДОНСКАТА ПОЛИЦИЈА!... Убаво...
За прв пат ми се допадна “состојбата“! Барем нема да се кријат зад жените и децата ко во Слупчане, Ваксинце, Матејче... па после ние - “македонските окупатори“ сме пукале врз цивили?!... “Е сега сме сами - си реков - сега ќе ја решиме машки!!!... Арно, ама не било така...
