Не ме носеле на утакмици, ама навивале за Вардар и не ми бранеле да одам.
Знаеме дека на 90% од нас роднините ни се доселени во Скопје минатиот век и затоа под скопјани кои ја правеле фан базата на клубот не ги сметам само старите скопјани туку и сите генерации кои потекнале од оние што се доселиле тука меѓу 1945 и 1970 година.
Моите фамилијарно се доселени во 1955 (мајка ми) и во 1965 година (татко ми). Ниту еден роднина немам во друг град, сите до еден во овој период се доселиле овде. Сите наредни генерации се растени во Скопје. Овие што се доселиле не носеле комплекси кон Скопје, ниту пак фудбалот бил развиен во тој период за да имаат љубов кон клубот од своето родно место. Растеле со јак ФК Вардар.
За разлика од овие генерации, новите кои доаѓаат веќе се поврзани на некаков начин (макар симпатии) со локалните нивни клубови. Повеќето растеле со омраза кон Скопје која се јавува со ривалството меѓу градовите по осамостојувањето. Не може некој што пеел да се врати 63-та, да му дозволи на детето да оди со Комити на трибина.
Да не коментирам каква слика имаат за навивачите во нивните глави, со оглед на тоа што во голем дел од другите градови најголемиот локален шлајм ги води групите (не дека и кај нас нема такви фаци, ама бар не се во организација).
И тие споредби со други држави, како оддалеченоста од стадион/сала не влијаеле врз број на публика, врска ви немаат.
Скопје е УБЕДЛИВО најлош поголем град во Европа во поглед на јавен сообраќај и поврзаност со периферија. Друго е во помал македонски град. Пешки го одиш за пола саат од крај до крај. Ќе се соберат младите или пензионеритр, пешки се одма на стадион и така дремат по паркови/плоштади/кафичи што се на 5 минути од сала/стадион. Не му треба да пали кола, не му треба да е заглавен пола саат во сообраќај, не му треба да кине нерви за наоѓање паркинг.
Сум правел споредба со Малме, дека внук ми е член на навивачите и знам дека 90% идат од периферија. Ама се качува во воз и за 5 минути стигнува на главна станица, одма фаќа друг превоз и одма стигнува на стадион. Никакви нервози, плус дружба со другите фанови.
Цел живот сум одел со јавен превоз или пешки на утакмици. Нека не ми кажува некој дека немало влијание. Кога игравме во Маџари, нерви искинав. Прво одиш пола саат за да фатиш бус до таму, па не дошол, па преполн, умираш внатре. Па за назад не застанува на станица кога ќе види 200 луѓе дека чекаат и така ми отишол пола ден.
Сега одам со кола на ракомет во Аеродеом. Паркирам на паркинг, на некое кретениште му текнало дека може да паркира во пролазот од едниот во другиот дел на паркингот. Излегов порано, морав преку жардињери да возам за да излезам, гробот да му го ебам. Да не коментирам колку време кружев за да најдам место.
Во периодот до 30 и нешто години не ми сметаше, имав време и можев да си дозволам и цел ден да го изгубам (алал да им е на сите што ме толерирале
), ама сега 20 пати ќе се размислам.
Во ситуација кога фан базата живее предалеку од стадионите и салите, локацијата на истите и те како е важна. Можеби со градскиве возови ќе се подобри малку ситуацијата, инаку со овој јавен превоз толку е.
На Кадино-Вардар имаше 2500 луѓе во публика што се вика. Таму имаме голема база. Ама дека некој постар човек ќе изгуби 2 саати за да дојде до стадион/сала, мало морген.
Расадник за нас ќе беше топ решение прд 10-15 години. Тогаш во општин Кисела Вода имаше убедливо најголема фан база. Гарантирам дека по 2000 луѓе само од тука ќе идеа. Сега веќе не е така, се испоотселија сите, се населија нови луѓе од други градови. Замреа и тукашните подгрупи, никој не остана во Македонија.
Исто со споредбите за цените. Во кино, театар, концерт итн, каде што е поскапа картата еднаш или два пати годишно ќе отидеш, нормално е дека ќе дадеш и 1500 денари. Утакмици има еден тон во годината. Ако ги следиш и ФК и РК имаш 40+ домашни утакмици. Само за споредба, Ѕвезда што за нас е Реал Мадрид на навивачка трибина наплаќа иста или малку поголема цена од она што ние го бараме без членска (200 денари). За цените на неутрална на РК да не правиме муабет. И не е само цената на билетот. Целата нерва што ја јадеш со сообраќај, саатите кои ти се потребни, аматерските противници, нормално е да е ваква посетеноста.
www.eurohandball.com
