PloTwist
...
- Член од
- 24 октомври 2013
- Мислења
- 12.836
- Поени од реакции
- 28.718
Против! Не за инеат, туку затоа што навистина така размислувам.
Деликтната способност се врзува со оваа твоја возрасна граница, а до 18 години имаш и право на работа (уживаш и посебна заштита), како и имаш право да склучиш брак. Правото за брак, пред 18 годишна возраст, е врзано со неколку претпоставки, односно не претставува изворно право кое секој малолетник со наполнети 16 години може слободно да го ползува.
Во однос на возраста за возење автомобил, мора да се врзе со полнолетноста. Фатални се статистиките каде малолетници, од курч, гинат, убиваат сограѓани или прават огромна материјална штета. Немаш психофизичка зрелост на 16 години да управуваш со моторно возило. Овој аргумент не ти оди во значителна полза.
Друга работа, во одредени држави во Африка, па и во Азија, прагот за стекнување на работоспособност е премногу низок, некаде почнува и на 10 години, за што се зборува и за експлоатација на детскиот труд. Секое поместување на границите може негативно да се одрази по целокупниот општествен поредок, така, тиквата зелена ќе може да се отпише или воопшто да не се запише во средно училиште и да си го заебе целиот живот. Друго, низ историскиот развој на трудовото право, со причина, првите заштитни конвенции се за ограничувањето на правата на жените и децата. Децата, низ историјата, биле принудени да работат, притоа немало никакви стандари за работа, ни заштита и безбедност при работа, што ова темпо на живот се одразувало на нивниот психофизички развој.
Правото, генерално, е тесно поврзано со многу други науки (философија, социолигија, историја, економија, биологија, медицина, психологија...) и често влече заклучоци од овие науки, како закрила, со цел општите начела да ги пласира како задолжителни при контролата на општествениот поредок. Овој проблем се изучува и во граѓанското, трудовото и во кривичното право, па и сегментално во уставното право. Тука е и Конвензијата за правата на детето која го дефинира детето како секое човечко суштество кое не наполнило 18 годишна возраст.
Претпоставувам дека алудираш на кривичните постапки, па види го чл. 6-а од од Кривичниот законик (таму е предвидена возрасната граница).
И не би навлегувал во историјата на смртната казна во САД, тесно поврзан со твојата тема. Секоја среќа што, денес, е забранета поради Врховниот суд. По ова прашање не можам да се сложам со Федералистите, вклучително и со конзервативците, ова е чисто морал аспект. Правниот аспект, во овој случај, е малку комплициран.
Секогаш сум за унапредување на правата на децата, вклучувајќи ги и неродените бебиња, кои по секоја здрава логика се човечки суштества кои мораат да го уживаат правото на живот. Тие се иднината, тие се генерацијата за која вложување и живееме.
