123 МАКЕДОНСКИ АЛБУМИ КОИ МОРА ДА ГИ ПРЕСЛУШАШ ВО ЖИВОТОТ

[Zlatikevichius]

29.09.2025, одиме со вториот албум:

Спојлер

002. Баклава - Баклава (2006, SJF Records)



Баклава е македонски етно-бенд познат по акустичната музика, кој се стреми да создава современа оригинална музика базирана на естетиката од традиционалната македонска музика. Основан беше како квартет во кој членуваа Елена Христова - вокал и укулеле, Дејан Сибиновски - Сибо кој свири деф и удирачки инструменти, Никола Николов на тамбура и Владимир Мартиновски (да, писателот и денес декан на Филолошки факултет - Владимир Мартиновски) на бас-тамбура и хафун. Денес, на сцена можете да ги видите Елена Христова (вокал, укулеле), Владимир Стојчевски (бас гитара), Сибо (перкусии), Тимко Чичаковски (канун), Петар Христов (саксофон и кларинет), Влатко Терзиски (кларинет), Дејан Теодосиевски (виолончело)…

Баклава има пет различни изданија, претежно авторски песни, мешавина од повеќе јазици и музички стилови… Додека нивниот прв албум „Баклава“ е концертен, „Калемар“ е нивниот прв студиски албум, создаден од композиции од самите членови. На третиот албум „Me mankas mucho“, ќе сведочите на мелодијата од различни народи, култури и религии. „Четворката“ е нивниот најличен албум, кој излезе првпат и на винил, и буквално е дефиниција за World Music или музика на светот. Петтиот албум „За Скопје со љубов“ излезе на ЦД и винил во 2023 година, под брендот на издавачот CPL Music. (Насловот на македонски означува дека го посветуваат албумот на нивниот роден град, додека на англиски од каде доаѓаат) Бендот го продолжува своето музичко патување и тоа не толку далеку, раскажувајќи приказни за нивниот роден град. Баклава создава легенди за градот но, исто им се препушта на детските спомени, бои и вкусови. Со музиката на Елена Христова, успеваат да ги спојат традиционалните звуци со модерни звуци од целиот свет…

По многу настапи и спотови, свој документарен филм, имаат и неколку песни и во филмовите „Трето полувреме“ и „Златна петорка“. Баклава е основана во 2004 година, и, како четворка, именувањето во Баклава не беше земен само како синоним на турскиот, исклучително благ деликатес, туку како синоним на ромб, совршената геометриска форма, или пак боја во картите. Во исто време, баклавата е вообичаен симбол на македонската традиција, претставувајќи еднаквост на културните разлики во уметноста и четирите страни на светот.

Албумот Баклава (подоцна познат и како Баклава I) е снимен во живо во МКЦ на концерт во декември 2005. Сите песни освен Глас и Фаланга се традиционални македонски песни со аранжмани на Баклава.

ЛИНКОВИ ЗА ПРЕСЛУШУВАЊЕ НА АЛБУМОТ:

 

[Zlatikevichius]

002. Баклава - Баклава (2006, SJF Records)

Првенчето на Баклава не е моето најомилено, туку вториот албум, Калемар, кој за жал не се најде на листата. Од мене имате препорака да го преслушате ако ја сакате нивната музика. Освен тие 2 албуми, се што понатаму направи Баклава (а веќе издаде и шести албум во 2025, на турски јазик), is not my cup of tea. Албумот Баклава е тивок, со прекрасни оркестрации на акустичните народни инструменти и гласот на Елена кој ја има доволно онаа магија која ја поседуваат вокалите кои пејат ваква музика за да те навлечат. Но кај нејзе ми фали малце таа техника на назално пеење карактеристична за македонската традиционална музика, а која несомнено ја имаат вокалистки како Вера Милошевска или Добрила Грашеска, а и пејачките на Синтезис, кои се па посебна приказна. Можеби тоа е во прашање, можеби аранжманите, но еден мал зачин ми недостасува за кога ги слушам песните од албумов срцето да ми затрепери или да се наежам како што обично бидува со македонската етно музика. Само заради отсуството на таа емоција, тука не можам да дадам највисока оценка. Ова ми е измеѓу 3 и 4. Ќе добие 4/5, сепак, заради Мори чупи Костурчанки, Мома оди за вода, и прекрасната авторска композиција Глас која во студио верзија ја има и во Калемар. Уште еднаш ќе ви сугерирам - слушнете го тој албум.

 

[ComfortablyNumb]

002. Баклава - Баклава (2006)

Реално, ваков стил знае некогаш да ме опушти додека го слушам. Мислам дека највеќе е заради инструменталот. Во албумот Баклава инструменталот е стварно добар но тоа што ми дава негативно мислење за албумов е текстот. Гласот перфектен, ама некако песните не ми се допаднаа. Исто, нешто што ми пречеше е што албумот е на Спотифај, го немам купено па знаете - реклами, рандом песни итн.

3/5

 

[placeb]

Злате оти повеќе го сака 2-от албум затоа не го стави од јутуб...и јас песна по песна слушав додека не го најдов целиот на еден линк.

002. Баклава - Баклава (2006)
Фала на сите што сте гласале за овој албум оти јас првпат го ислушав благодарение на оваа тема.
Сакам едноставни работи а ова е синоним за тоа, чиста емоција како од планински извор.
Убавина. Храна за душа.

пет од пет.

 

[Zlatikevichius]

Злате оти повеќе го сака 2-от албум затоа не го стави од јутуб

Злате не го најде на youtube, затоа Не, озбилно, линковите се од нивната официјална страница, они сами не го ставиле youtube, а јас ете, сум го испуштил, па така...

Инаку, имате spotify premium .apk фајлови кои може да си ги инсталирате и да имате премиум spotify за без пари некое време. Јас така функионирав долго време се додека не почнав со предизвикот 1001 Albums, па по втор пат во животот си платив премиум Spotify.

 

[ComfortablyNumb]

Инаку, имате spotify premium .apk фајлови кои може да си ги инсталирате и да имате премиум spotify за без пари некое време.

И за iOS? И ја на андроидот имав кракиран спотифај.

 

[Zlatikevichius]

И за iOS? И ја на андроидот имав кракиран спотифај.

Е за iOS не знам. Никогаш не сум користел никаков Apple продукт, освен Apple TV+.

 

[placeb]

Злате не го најде на youtube, затоа Не, озбилно, линковите се од нивната официјална страница, они сами не го ставиле youtube, а јас ете, сум го испуштил, па така...

Инаку, имате spotify premium .apk фајлови кои може да си ги инсталирате и да имате премиум spotify за без пари некое време. Јас така функионирав долго време се додека не почнав со предизвикот 1001 Albums, па по втор пат во животот си платив премиум Spotify.

Јас колку многу го имам слушано The path of the sun на ДДК а сум го пропуштил албумов па и целата група.
МКЦ има многу добра акустика а ваква музика како и класичната најдобро се восприма кога во истиот момент се создава.
Би сакал да ги слушнам во живо.
Уште еднаш големо браво за овој албум.

 

[Darklady]

002. Баклава - Баклава (2006)

Она што го нуди Баклава е еден сплет на нежни интерпретации со одличен инструментален дел, една музичка моќ со широк спектар на влијанија, крајно пријатен за уво. Низ целиов албум преовладува една музичка градација која држи внимание до крај.
Посебен впечаток ми остави Елена Христова, чии вокални способности совршено се вклопуваат со емотивните мелодии и традиционалната музика.
„Мори чупи костурчанки“ повеќе ми се допаѓа изведбата на Вера Милошевска (Љубојна), побрзо темпо, тука ми беше преспора. А би ги издвоила Фаланга и Врбиче. 4/5

П.С. На која песна ве потсетува „Невеста жито требеше“?

П.С.С. @Zlatikevichius ако ги регистрираш гласовите, направив промена кај Кисмет, затоа што мислам дека го оштетив во споредба со Баклава. Балкава ќе ми оди со 4/5, а Кисмет со 5/5

 

[Zlatikevichius]

„Мори чупи костурчанки“ повеќе ми се допаѓа изведбата на Вера Милошевска (Љубојна), побрзо темпо, тука ми беше преспора. А би ги издвоила Фаланга и Врбиче. 4/5

Исто и мене. И не само таа туку скоро сите што им се заеднички. Плус и на Синтезис, ДД и Чалгија Саунд Систем. Причината е што сите останати се повеќе верни на оригиналите и традицијата и затоа се ежам секогаш кога ќе ги слушнам. Кај Баклава само тој момент ми фали, зашто аранжманите на Баклава се повеќе минималистички и jazz-y. Ете слушај ги сите изведби на Твоите очи Лено, на пример, и ќе сфатиш за што зборувам. Баклава се бенд кој македонската и сите други традиционални музики се стремат да ги направат музика на светот (од таму и се декларираат како World band) и да потсетат на универзалноста на музичкиот израз (така на албумот Me Mankas Mucho имаат песни испејани на 3 јазици: ладино, македонски и турски. Значи иста мелодија, иста народна песна во 3 различни универзуми. Еве пример, слушнете го ова):

Баклава - El amor kon un estranyo (Вљубена во странец)

Официјално видео од Баклава, за песната "El amor kon un estranyo" (Вљубена во странец).Ова е од нивниот албум "Ме mankas mucho" (Многу ми недостасуваш), обја...

youtu.be

Не велам дека е тоа лошо, напротив. Само ете, до мене помалце допира.

 

[ohrid66]

Исто и мене. И не само таа туку скоро сите што им се заеднички. Плус и на Синтезис, ДД и Чалгија Саунд Систем. Причината е што сите останати се повеќе верни на оригиналите и традицијата и затоа се ежам секогаш кога ќе ги слушнам. Кај Баклава само тој момент ми фали, зашто аранжманите на Баклава се повеќе минималистички и jazz-y. Ете слушај ги сите изведби на Твоите очи Лено, на пример, и ќе сфатиш за што зборувам. Баклава се бенд кој македонската и сите други традиционални музики се стремат да ги направат музика на светот (од таму и се декларираат како World band) и да потсетат на универзалноста на музичкиот израз (така на албумот Me Mankas Mucho имаат песни испејани на 3 јазици: ладино, македонски и турски. Значи иста мелодија, иста народна песна во 3 различни универзуми. Еве пример, слушнете го ова):

Баклава - El amor kon un estranyo (Вљубена во странец)

Официјално видео од Баклава, за песната "El amor kon un estranyo" (Вљубена во странец).Ова е од нивниот албум "Ме mankas mucho" (Многу ми недостасуваш), обја...

youtu.be

Не велам дека е тоа лошо, напротив. Само ете, до мене помалце допира.

Вера е една и едина ,најтешките македонски народни песни само тааааа перфекно ке ги испејт.

 

[Zlatikevichius]

01.10.2025, одиме на трета мајка:

Спојлер

003. Пепи Бафтировски - Заветна (1991, РТС)



Пепи Бафтировски е роден 1941 г. во Битола и живеел во долниот дел од битолската Стара Чаршија и пазарот. Почетоците на музичката кариера ги започнал пеејќи во живо на емисиите на Радио Битола.

Беше еден од најпознатите фолк пејачи на македонската сцена. Се прослави со песната „Сине мој“ која ја снимаше на почетокот од деведесеттите години на минатиот век, како повратник од печалба во САД. Но и покрај тоа што беше голема ѕвезда во својата држава, Пепи не беше задоволен од третманот на луѓето од естрадата во Македонија и повторно реши да заплови „преку барата“, но овој пат со сопругата Ава Керш, ќерката Марина и синот Емил. Тој заедно со семејството во Америка заминува во 2003 година каде е решен да започне нов живот. Но по неколку години заеднички живот во туѓина, Пепи и Ава ќе се разделат во 2007 година, а по некое време на пејачот ќе му биде диjaгностициpaна тешката бoлecт. Пепи по кратко боледување, ќе ја изгуби битката со болecта во април 2008 година, на 66 годишна возраст и само пет години по неговото повторно доаѓање во Америка. Пепи и Ава до последниот момент останале блиски, иако беа разделени и не живееја заедно. Последните години, како што велат неговите пријатели тој ги поминал сам, не јавувајќи се на никој.

Се разделил од сопругата и останал сам во туѓина, а откако му беше дијагнocтициран paк на белите дробови, и кога беше хocпитализиран, неговите пријатели од САД преку интернет бараа пари за да се соберат финансиски средства за тој да се врати во Македонија што беше една од неговите најголеми желби во тие негови последни моменти. Во писмото што тогаш кружеше на интернет, со апел за собирање на финансиска помош, пишуваше: „Сега, кога е болен и осамен, Македонија е неговата последна желба. Помогнете ни да го вратиме Пепи во неговата татковина, во земјата од каде што потекнува. Пепи верува во добрината на нашите луѓе. Тој се надева дека таа добрина ќе му помогне да се врати дома и таму да го мине времето што му преостанува. Се надева дека ќе се врати меѓу своите луѓе. А надежта последна yмиpa…“

За жал неговата желба не се остварила. Починал во 2008 во Чикаго, САД каде е и погребан. Никогаш не се вратил назад во Македонија. Неговата поранешна сопруга, пред хуманитарниот концерт со кој ја одбележаа десетгодишнината од cмpтта на Пепи, изјави дека парите од концертот ќе ги донираат за црквата Свети Кирил и Методиј во Чикаго, нешто што пејачката му го ветила на Пепи пред да ја изгуби битката од тешката болест.

Пепи зад себе остави голем број на хитови кои и денес се слушаат. ,,Ако згрешам нека изгорам” ,,Друга љубов не сакам”, ,,Заветна” и ,,Сине мој” се само дел од неговите антологиски песни. Успешната кариера ја направи кон крајот на осумдесеттите години на минатиот век, по години поминати надвор од земјава, кога се врати во Македонија и пред повторно да замине во 2003 година.

Насловната песна на неговиот албум „Заветна“, нема Македонец кој не ја знае. Ја нарекуваат дури и „неофицијална химна на Македонците“. Песната прв пат е испеана на 8 септември 1991 година, на плоштадот Македонија, за време на прославата за осамостојувањето на нашата држава. Напишана е од Ѓорѓи Барбаровски, во аранжман на Миле Барбаровски и Живојин Глишиќ. „Ако згрешам“, „Самотна“, „Само една песна“ се уште дел од легендарните песни на безвременскиот албум издаден од Радио и телевизија Скопје. Песните од албумот и ден денес се изведуваат и преработуваат од бројни пејачи како на народна, така и на забавна музика (па така, ја знаеме и верзијата на Каролина Гочева на „Ако згрешам нека изгорам“) и се популарни и ден денес исто како и пред повеќе од 30 години.

За жал албумот не можеше да се најде за преслушување. Јас успеав да направам една листа (клик на линкот подолу), но на youtube не можев да ги најдам песните „Ти ми требаш“ и „Самотна“, па така доколку сакате да ги слушнете и нив, „Ти ми требаш“ ја има во изведба на Алексо Димов и Игор Ангелов:

Алексо Димов ТУКА
Игор Ангелов ТУКА

а „Самотна“, за жал, не успеав да ја најдам никаде. Таа треба да е дует со Виолета Томовска, но не успеав да ја најдам ни меѓу нејзините песни.

ЛИНК ЗА ПРЕСЛУШУВАЊЕ НА (ЗА ЖАЛ САМО ДЕЛ ОД) АЛБУМОТ

 

[PticaSelica]

@Zlatikevichius @Darklady
може да ве замолам, да се зголеми на три дена по албум?!
Ужасно сум зафанат периодов, па ете го испуштив вториот
И таман 123х3=369 една година би траел маратонов.

 

[Zlatikevichius]

@Zlatikevichius @Darklady
може да ве замолам, да се зголеми на три дена по албум?!
Ужасно сум зафанат периодов, па ете го испуштив вториот
И таман 123х3=369 една година би траел маратонов.

Можеш да надоместиш и отпосле, и да испуштиш некој. Искрено, тешко би ми било за организација, зашто ќе треба да помнам кога сум отворил, па да сметам кога да отворам следен... А вака - знам, месецов е секој непарен ден. Наредниот ќе премине во секој парен. Така, ако е на 3 дена, 100% ќе заборавам и ќе испуштам некој.