Not great, not terrible. Покетино е добар тренер, не е некој вчерашен дибидус. Покетино не е елитен тренер. Интересно, мандатот во Челзи може да го претвори во таков. Втора шанса, откако не ја искористи првата во ПСЖ.
Мојот избор беше Нагелсман, не се договориле, Боже мој. Ма да, после тоа што прочитав во врска со неговото недоаѓање и причините, можеби и подобро што не дојде. Енрике и сличните на него, не благодарам. Опциите како Гаљардо (со пресметан ризик) и Де Зерби, ми фаќаа око ептен. Нема врска.
Мислам дека помеѓу фан-базата најголем антагонизам кон Покетино се создава поради неговото минато со Тотенхем. Лично мене тоа не ми претставува проблем. Дополнително поради тоа што се работи за тренерска професија. На овие што креваат галама, да им го понудиш Кејн сега со две раце ќе го потпишат. За волја на вистината, за разлика од еден Бенитез своевремено, Покетино никогаш нема лош збор за Челзи кажано. Единствено, мечот на Бриџ кога се бореа за титула ми пречи во таа смисла. Ужасен пристап, ужасно однесување, се надевам дека Челзи со него нема никогаш да одигра таков меч.
На крајот, односно на почетокот, на Челзи во моментов му недостасува човек што повторно ќе го реорганизира, ќе создаде структура. Синхронизација на терен, тактички, позициски. Сезонава личевме како седмоодделенци на физичко. Ужас жив, расуло. Како никогаш во послендиве 20 години.
Е Покетино верувам дека може минимум тоа да го направи. Да создаде тим што ќе може да се натпреварува. Дали ќе може со тој тим подоцна нешто и да освои, ќе видиме.
Добро е што негува прилично напаѓачки и директен (важно) фудбал, знае со млади и талентирани играчи. А ние поседуваме такви. Лошо е што неговиот фудбал исто така е базиран на многу борба, интензитет и трчање, а ние засега не располагаме со кадар што ќе може да одговори на тие барања.
Во секој случај, очекувам да биде новиот тренер презентиран во следниве две седмици максимум, за да веќе од мај почне со подготовки за следната сезона.
