Јебига, со новите правила ваквите потписи ни се нужно зло ако сакаме да останиме компетитивни. Само си мислам дека од цела ова "стратегија" ќар ќе имат домашните играчи и то не квалитативно, туку финансиски. Клубскиот рејтинг и квалитет кој насекако е во пад, дефинитивно ќе претрпи удар. Репрезентативно не би очекувал нешто подобро од ова шо е моментално(тој шо покажал квалитет мислам и досега добивал шанса) , а ракометниот пазар ќе се напрај ко кошаркарскиот, секој играч кој нема две леви нозе, да биди преплатен далеку над своите можности и со никаква желба и амбиција за подобро пошто надвор никој не би го платил толку.
Тоа не се нови правила, донесени се од пред 6-7 години. Уште тогаш беше договорено да се почне од 12 странци и секоја следна сезона да се намалува за по 1 се додека не се стигне до 6 - што се постигна ако не грешам минатата сезона.
Инаку се согласувам дека финансиски ќе ќарат нашите играчи, ама на тоа не гледам негативно. Напротив, добро е да имаат финансиска мотивација за да се посветат на ракометот, наместо паралелно да тераат и алтернативни кариери. Е сега некои тоа ќе го злоупотребат, ама од тоа нема бегање, во секое добро има и нешто лошо.
Инаку според мене ок е потписот на Танкоски. Најдобрите години се пред него, а секако е доволно добар за да биде еден од двата потребни средна бека во екипата. Е сега дали ќе биде прва опција или втора ќе зависи од конкуренцијата во екипата и амбициите на клубот.
Во принцип Пелистер има солиден "македонски костур" од помлади играчи, на подолг рок:
? / Кизиќ
Петар Атанасијевиќ / Кузманоски
Костески / Белистојановски
? / Пешевски / Арсеновски
? / Павле Атанасијевиќ / Ѓорговски
? / Танкоски
? / Велковски
Ова се 16 играчи на сосема солидна екипа на подолг рок. 5те прашалници се или странци или квалитетни македонци. Од постоечките ако веќе Хосни сигурно си оди, Лесјак останува како опција што вреди да се задржи. Можеби и Сери, но само под услов да е добра прогнозата за негово опоравување од повреда (и онака е потребен некој со поизразени дефанзивни карактеристики).
Ако постои можност, нормално треба да се проба да се донесе Кузмановски и да се гради екипата околу него. Ако не, веројатно ќе мора да се гледа надвор.