Изборот на Перо за кандидат за градоначалник на Скопје е многу дискутабилен за мои поимања. Вакви глупи аргументи "голем и познат левичар", не би ги коментирал, но за мене е големо разочарување. На страна кој е противник, пијандура, глупак, неработник и се' чкарт претставено преку ликот и делото на петре ш (и никса), човеков е де факто инфлуенсер и ништо друго. Бил директор во Мтв музичка и касетна продукција, имал група која ги користела ресурсите, студијата на мтв, после тоа работи со организација на настани, озвучување и светло....и во слободно време: трчање, точак, мотори, фејсбук, трошење пари од некои златни времиња и хајка против некој што сега ги лапа тендерите. Дека има претстава за комуналните проблеми на ова неконтролирано чудовиште, оваа стихија од град и дека има план и луѓе да работи на решавање на истите, јас лично немам впечаток. Но, потенцирам, не сум изненаден од него, туку од решението на Левица да го поддржи. Он е самопромотор, големо его, фалбаџија и може да си мисли за себе дека има потенцијал за да стане астронаут, ама Левица треба да стаи на кантар и да реши. Доста ни е од сечење ленти за нови плочници на истите 300 квадрати у центар и продавање на тоа како некои романтики, стари скопја и други слични умрени работи. Иако лично го познавам, мислам дека фијаското кое се гледа однапред не го заслужија луѓето што имаат симпатии кон Левица, иако тој и да освои 3 гласа, тоа ќе го продава како голем триумф и "душманите му се сителе на неуспехот".
"Независната" Ана Петровска ја спомнав у претходниот пост и се' повеќе верувам во тоа дека е тројанец од најлош калибар, но веќе ќе биде ирелевантно во ваква консталација од кандидати. Све што "излегло" од дом е за очекување да се прешалта брзо у некои неочекувани (за наивни луѓе) табори, затоа што тоа е дувло на опортунисти, кои не виделе, не знаат што значи да се биде опозиција. Бетер од учк се.
Катастрофална понуда за избориве...големо разочарување. Да видиме што ќе исфрли Левица во листата на кандидати за советници, тоа им е шанса да се поправат, а и реално да делуваат.
novatv.mk
