Ме изненадуваат позитивните реакции за филмот. Очекував дека многу ќе се жалат дека е долг, досаден и предвидлив, па поради тоа ќе добива пониски оценки.
Реално и ова му се и мааните на филмот што е развлечен повеќе од што треба и предвидлив. Тие што сте ги навеле вие, и јас ги приметив додека го гледав пред еден месец.
И позитивните критики кои ги наведовте, се баш оние кои ме привлекоа кај овој филм и поради тоа решив да го предложам.
Уште од самиот старт се гледа дека се работи за инди филм, без огромен буџет, без некоја претенциозност, дека е филм со обична емотивна приказна, можеби веќе видена, но сепак уникатна.
Она што го издвојува од масата овакви филмови за мене беше предобрата глума на Били Боб, и секако хемијата што ја имаше со детето. Како само добар кастинг направил со неговиот избор, секоја му чест. Тоа е, тоа, што го дига филмот на еден висок левел.
Не знам како не добил оскар за оваа улога таа година, но сите се сложивме дека конкуренцијата била голема. Го немам гледано Shine, па тоа ќе биде сигурно следниот филм на вачлистата.
Иако беше малку развлечен, со неколку непотребни сцени како што сте рекле, мене ми се допадна, посебно после гледање на многу нови филмови кои имаат fast pacing со многу cuts меѓу сцените, правејќи ги што е можно пократки, и за мој вкус, попластични, ладни, и нереални.
Единствената точка, каде што некој би помислил дека Карл може да почне нов живот беше моментот кога почна да работи, и сцената со жената која и се допадна иако јас уште во првата сцена кога беше во болницата знаев дека ако се најде во иста ситуација, пак ќе убие.
За тоа колку лесно го примија семејството, би рекол дека не е до толку чудно, знаејќи се сите таму, во малото градче, веројатно биле запознаени со целата приказна на кој начин го извршил убиството, па од една страна дури имаа и разбирање за него, а и не го сметаа како опасност и убиец.
Џонтра го опиша филмот најдобро што можеше да се опише, и после неговиот пост, секој е сувишен, мхм.
Тогаш се мислев меѓу 8 и 9, му ставив 8ца. Сега не го репризирав, уште ми е свеж, па ќе ја задржам таа оценка.
8/10
Sent from my ONEPLUS A6013 using Tapatalk
