Олимпија
Македонија во срцето!!!
- Член од
- 26 март 2008
- Мислења
- 5.624
- Поени од реакции
- 9.146
Нашата земја изобилува со прекрасни места и градби, меѓу кои се секако уникатните православни цркви кои се архитектонски ремек-дела. Едни поинакви цркви се оние кои се изградени во внатрешноста на пештера, односно во карпа. Тие се еден прекрасен бисер на Македонија и се одлично место за викенд-прошетка.
Некои од градбите се манастири, додека некои се само цркви. Секоја од нив е опколена од прекрасна природа и е вистински извор на мир и убавина. Најбројни се околу крајбрежјето на Охридското и Преспанското Езеро и засега се регистрирани преку 50 пештерни цркви во Македонија.
Св.Стефан, Охрид
Свети Стефан е пештерна црква која се наоѓа под охридското село Шипокно, веднаш над населбата Свети Стефан, Охрид. Тоа е манастирска црква на истоимениот манастир. Кога се градела црквата, пештерата била затворена со голем камен. Малата црква има полукружен таван, сместен на карпи. Дури во 15 век оваа црква добила фрески, но малечката црква во шуплината на карпата постоела од порано. Внатрешноста на црквата е исликана со прекрасен фреско-живопис, но е оштетен.
Св.Архангел и Михаил, Струга
Над селото Радожда се наоѓа уште една црква во природна пештера. Оваа се смета за една од најстарите пештерни цркви откриени на бреговите на Охридското Езеро. Фреските датираат од 13 век а црквата е посветена на Св. Архангел Михаил. Во оваа црква е откриена едно од најстарите претстави на композиција во монументалниот живопис на Византија. Во Втората Светска Војна, локалните жители се криеле во црквата и го избегнувале бомбандирањето, што често се случувало поради блискоста на селото со албанската граница.
Св.Атанасиј, Струга
Црквата Свети Атанасиј се наоѓа во Калишта. Изградена е во 14 век и до неа може да се стигне по скали од камен. Внатрешноста на црквата е многу мала, но полна со фрески од 14 век, а дел се насликани и во 19 век.
Св.Јован Крстител, Велес
Манастирот Свети Јован Крстител се наоѓа на 25 км северно од Велес во близина на патот кон Скопје, на падините под селото Ветерско. Се претпоставува дека манастирот е изграден во 1670 година. Според написите на големиот македонски преродбеник Јордан Хаџи Константинов - Џинот, овој сакрален објект во средината на 19 век, поседувал голема библиотека со ракописии, печатени книги што укажува дека во манастирот престојувале монаси кои препишувале црковни текстови, собирале ракописи и укоричувале книги што се користеле за културно и просветно издигнување на самите калуѓери и месното население.
Св.Еразмо, Охрид
Свети Еразмо се наоѓа на 2км оддалеченост од Охрид, од десната страна на патот што води кон Струга. Се верува дека таа била првата пештера адаптирана за црква. Фреските се насликани на природните карпи на пештерата и се многу добро сочувани.
Сте биле ли во некоја пештерска црква во Македонија и во која?
Некои од градбите се манастири, додека некои се само цркви. Секоја од нив е опколена од прекрасна природа и е вистински извор на мир и убавина. Најбројни се околу крајбрежјето на Охридското и Преспанското Езеро и засега се регистрирани преку 50 пештерни цркви во Македонија.
Св.Стефан, Охрид
Свети Стефан е пештерна црква која се наоѓа под охридското село Шипокно, веднаш над населбата Свети Стефан, Охрид. Тоа е манастирска црква на истоимениот манастир. Кога се градела црквата, пештерата била затворена со голем камен. Малата црква има полукружен таван, сместен на карпи. Дури во 15 век оваа црква добила фрески, но малечката црква во шуплината на карпата постоела од порано. Внатрешноста на црквата е исликана со прекрасен фреско-живопис, но е оштетен.
Св.Архангел и Михаил, Струга
Над селото Радожда се наоѓа уште една црква во природна пештера. Оваа се смета за една од најстарите пештерни цркви откриени на бреговите на Охридското Езеро. Фреските датираат од 13 век а црквата е посветена на Св. Архангел Михаил. Во оваа црква е откриена едно од најстарите претстави на композиција во монументалниот живопис на Византија. Во Втората Светска Војна, локалните жители се криеле во црквата и го избегнувале бомбандирањето, што често се случувало поради блискоста на селото со албанската граница.
Св.Атанасиј, Струга
Црквата Свети Атанасиј се наоѓа во Калишта. Изградена е во 14 век и до неа може да се стигне по скали од камен. Внатрешноста на црквата е многу мала, но полна со фрески од 14 век, а дел се насликани и во 19 век.
Св.Јован Крстител, Велес
Манастирот Свети Јован Крстител се наоѓа на 25 км северно од Велес во близина на патот кон Скопје, на падините под селото Ветерско. Се претпоставува дека манастирот е изграден во 1670 година. Според написите на големиот македонски преродбеник Јордан Хаџи Константинов - Џинот, овој сакрален објект во средината на 19 век, поседувал голема библиотека со ракописии, печатени книги што укажува дека во манастирот престојувале монаси кои препишувале црковни текстови, собирале ракописи и укоричувале книги што се користеле за културно и просветно издигнување на самите калуѓери и месното население.
Св.Еразмо, Охрид
Свети Еразмо се наоѓа на 2км оддалеченост од Охрид, од десната страна на патот што води кон Струга. Се верува дека таа била првата пештера адаптирана за црква. Фреските се насликани на природните карпи на пештерата и се многу добро сочувани.
Сте биле ли во некоја пештерска црква во Македонија и во која?
