Како лиферуваат од Собранието предлагач ќе е т.н. независна пратеничка група на ВМРО – ДПМНЕ и коалицијата, предводена од поранешната министерка за култура, пратеничката Елизабета Канческа Милевска која откако гласаше за уставни измени, сега ќе биде “факторот” за помирување и делење правда.
Имено законското решение, неофицијално иако тврди дека не го видела, т.е. дека не постои наишло на одобрување и од министерката за правда, Рената Дескоска а Канческа Милевска за правни консултации го ангажирала, како информираат извори од Собранието, адвокатот Никола Тодоров, поранешен нејзин колега и во владата и во ВМРО – ДПМНЕ.
Изворите од Собранието ова го посочуваат со масовните изјави на осомничени и обвинети во немилите настани во Собранието минатата година, кои ги повлекуваат доказните материјали а во дел и барањата за распит на нивни сведоци со случајот што се води активно во Кривичниот Суд во Скопје.
Она што ќе е плод на хибриден закон кој во основа ќе е решение на Дескоска, Тодоров и Канческа Милевска сепак има и елемент на изненадување, точно како што претскажаа тројцата пратеници кои се првоосомничени во случајот.
Имено со предлог Законот за амнестија ќе бидат опфатени и случаите во изминатите 10 години, поточно со него ќе се амнестираат и терористите од Диво Насеље но и убијците од Смилковско езеро.
Извори од владата не сакаат да ги потврдат или негираат информациите, но констатираат дека како на повидок е нова политичка криза, и само со вакво решение Заев може да си ја спаси премиерската фотелја, би ги обезбедил гласовите од одметнатите пратеници за уставни измени но и гласовите од албанските опозициони партии кои веќе повлекоа пет пратеници во поддршка.
Датумот не е фиксен, но извори од Собранието сметаат дека е тактички позициониран како тоа би бил периодот кога би се разгорела расправата за уставните амандмани кои на дневен ред на пленарна седница се закажани за први декември.
