Премалку агресивност, премногу мек пристап во дуелите и премногу страв имаше во играчите на Рома. Прв и основен показател е тоа што добија само еден жолт картон се до 88ма (вториот и онака беше за спречкување) против тим кој што е брз, агилен и кој што има играчи кои лесно се ослободуваат еден на еден. Класичен пример е голот за 2-0, едноставно таму мораше да има фаул на центарот по многу мала цена како што е жолтиот картон.
Мораше да им ја сецкаат играта повеќе, мораше да бидат поагресивни и погруби. Ди Франческо можеби сакаше да игра "европски" фудбал, ама тоа не може против играчи кои што со стартниот чекор се веќе позади твоите.
Друга работа е дефинитивно грешката со тројка во одбрана и премногу дефанзивниот пристап. Ливерпул сезонава е тим против кого не може да се одбраниш и тоа мора секој да го сфати. Затоа пак имаат лабилна одбрана и не смееше да оди на некој си мал резултат, мораше да има искалкулирано дека без минимум два или три гола не може да си оди од Англија.
Да дојдеше 5-3 дуелот дефинитивно ќе беше отворен, вака може да се надеваме на интересен реванш ама сепак шансите се ептен минимални.
