После потпишан договор пред петнаесетина дена и чекање од моја страна да ми се јават за да си ја подигнам опремата, вчера ме известија дека немале техничка можност за продавање на нивните услуги на подрачјето на кое што живеам. Ок ќе беше се да се работеше за склучен договор за користење на оптички интернет, но сепак договорот беше склучен за обичен, те. АДСЛ интернет кој што оди преку бакарна жица. Јас секако сум корисник на услуги на друг оператор, но мојот договор е истечен веќе неколку месеци и по автоматизам се продолжува месец за месец. Преку тој оператор користам АДСЛ интернет, што ќе каже дека техничка можност за користење на таков интернет постои. Не ја разбирам политиката на Неотел на одбивање на своите потенцијални корисници, уште повеќе што јас веќе дејуре и станав нивен корисник со потпишување на договорот. Дали се работи за некакви заткулисни игри на операторите или едноставно катастрофално лош менаџмент, навистина не можам да разберам. А да не спомнувам и прашам кој тоа мене ќе ме заштити што они еднострано го поништуваат договорот бидејќи така сакаат, и изгубени две недели. Сега сум принуден да се префрлам во Ти Хоум и се надевам дека барем таму ќе наидам на коректен однос, со оглед на цените на услугите кои ги нудат.
На крајот на денот, морам уште еднаш да ја потенцирам мојата разочараност од понудата на пазарот. Се добива впечаток дека се поигруваат со граѓаните и ништо не може околу тоа да се направи.
