Партизан тргнува по Пандев
Партизан успеа да обезбеди пласман во групната фаза на Лига Европа, а раководството им вети на фановите дека ќе ангажира неколку сериозни засилувања до крајот на преодниот рок.
На „црно-белите“ им требаат повеќе освежувања пред се и поради заминувањето на Урош Ѓурѓевиќ, а денеска „Новости“ излегоа со вест дека спортскиот директор Ивица Илиев се обидува да го доведе Горан Пандев на „Хумска“.
Македонецот е член на Џенова и денеска беше стартер против Јувентус, но Партизан веројатно ќе се обиде да го убеди да се пресели во Белград. Во прилог на вакво сценарио оди и информацијата дека српскиот шампион веќе го договорил пристигнувањето на Зоран Тошиќ кој би требало да биде големо засилување за средниот ред.
Во ЛЕ, Партизан е во група со Динамо Киев, Јанг Бојс и Скендербеу.
http://derbi.mk/partizan-trgnuva-po-potpisot-na-goran-pandev/
Многу имиња се спомнуваат после жрепката. Антонов, Бамби, Стоиљковиќ, Рајкович, сега и Пандев. Ќе видиме која „бомба“ ќе ја донесе Илиев
