Прво, не знам кој ви е филмот да ја мешате Македонија во муабетов, но онака колку да се каже нешто „паметно“. Споредувајте со Косово, со Крим, но да споредувате со Македонија е онака смешно. Патетично уствари.
Второ, денеска сведочевме на грубо кршење на човековите права во Шпанија. Не, не зборам за правото на самоопределување (за тоа нешто подоле), туку тепањето на граѓаните од страна на полицијата е чист пример за полициска бруталност. Не знам кој дал таква наредба во Мадрид, ама треба да се преиспита и да си дадат оставки тие ликови. Нема оправдување за тепањето на стотици луѓе, макар и го прекршиле законот. Си има соодветни постапки доколку некој го прекршил Уставот/законот.
Правото на самоопределување како институт во меѓународното право се' уште не е јасно дефиниран. Не е јасно кој има право да се повика на истото право, не е јасно што се' опфаќа. И можеме да дебатираме дали преовладува правото на самоопределување или територијалниот суверенитет (прашање е од каде потекнува суверенитетот, затоа што не заборавајте дека Русо зборува за народен суверенитет).
Според мене, жешки глави на двете страни. Јас сум сигурен дека можат да најдат некое решение кое би ги задоволило двете страни. Претпоставувам дека на Каталонците им смета распределувањето на финансиите - нека донесат промени автономните покраини да имаат поголема самостојност во финансиите (да не навлегувам во тоа, има начини како да се направи, има попаметни луѓе од мене за тој сектор од државното управување).
Што ако Каталонија прогласи независност? Прво, нема да биде широко признаена, но дури и да биде, никогаш нема да биде дел од ООН (и Косово е доста широко признаено, па не гледам дека во блиска иднина би влегле во ООН). Второ, нема никогаш да влезат во ЕУ затоа што ќе бидат блокирани од Шпанија. Согласно тоа, прашање е колку европските држави би сакале да влегуваат во било какви билатерални договори со Каталонија (затоа што би бирале Каталонија или Шпанија). Ќе бидат доста изолирани и не гледам како би проспрерирале.
Шпанци кај нас на лекции за демократија и човекови права.
