Употребата на албанскиот јазик во правосудството
07 АВГУСТ
Судовите и јавните обвинителства се дел од институциите кои најмногу ќе треба да работат за да се прилагодат на новите одредби од предлогот на Законот за употреба на јазиците. За разлика од претходно, кога право на употреба на друг јазик освен македонскиот беше резервирано само за осомничените, приватните тужители и сведоците, сега се предвидува тоа право и за судиите и за обвинителите.
„Новина во предлог законот за употреба на јазиците во однос на судските постапки е тоа што за разлика досега како што беше странката учесничка во постапката имаше право за употреба на нејзиниот јазик со тоа што ќе и биде обезбеден превод, сега во секоја судска постапка, извршителска, обвинителска и друга постапка доволно е еден од учесниците во постапката, дали било тоа судија, дали обвинител или странка во постапката, има право на примена на својот јазик, односно службениот јазик кој го зборуваат најмалку 20% граѓаните во Република Македонија.“ – изјави Булент Салиу, Министер за правда
Но, дали ваквото решение ќе може да профункционира во пракса со оглед на фактот дека употребата на јазикот е регулирана и во други закони? За пример, во Законот за кривичната постапка кој е на сила, пишува дека е загарантирано правото на употреба на друг јазик освен македонскиот за странките во постапката, но не и за судиите или обвинителите. А тој закон се носи со двотрениско мнозинство, што значи дека без подршка од ВМРО-ДПМНЕ не може да се смени во Собранието. Можно ли е, кога ќе се донесе законот за употреба на јазиците, да има два закона со различни одредби што утврдуваат една иста проблематика? Министерот Салиу вели „НЕ“.
„Значи, согласно предвиденото во предлог законот за употреба на јазиците, во завршните и преодни одредби е предвидено во рок од една година, сите закони во делот на јазичните одредби треба да се усогласат со овој закон. Исто така, законот предвидува доколку тоа не се случи сите институции се обврзани да го применуваат овој закон во делот на јазичните одредби“ – вели Салиу
Освен правните толкувања, проширената употребата на јазикот во правосудството секако ќе донесе и практични предзивици. На пример, очекувано е да бидат потребни голем број судски преведувачи и техничка опрема за да нема одложување на судските рочишта и постапки. Сите овие трошоци ќе паднат на товар на буџетот на судовите, но засега не се открива колку точно ќе чинат.
http://www.alsat-m.tv/mk/употребата-на-албанскиот-јазик-во-пра/
ПС. Закон донесен (евентуално) со просто мнозинство од 61 пратеник автоматски ќе стани поважен и доминантен врз Закон донесен со 2/3 мнозинство................демокраЦија
