Да се вратиме на Хазарите и информациите кои дава за нив самиот каган. Во т.н. Cambridge Document каганот кажува како народот му станал силен, со кои народи војува, кои народи му плаќаат даноци и какви се териториите на неговото царство.
Почетокот. Хазарската хегемонија во северноцрноморските степи и Кавказ.
Во страната во која јас живеам пред тоа живееше народот В-н-н-тр (главното племе на Бугарите) Нашите предци Хазари војуваа со нив. В-н-н-тр (Уногундурите) беа многубројни како песок во морето, но не можеа да издржат пред Хазарите. Оние (Бугарите) оставиле своите земјишта и избегале, а тие (Хазарите) ги прогонувале дотогаш додека стигнале до реката Дунав. До денес оние се наоѓаат на Дунав во близина на Константинопол, а Хазарите живеат во нивната земја.
Хазарската моќ. Народите под власта на каганот и границите на хазарската држава.
Ти упорно ме праша за мојата земја и кои се границите на моето царство. Јас ти соопштувам дека живеам на реката Итил (Волга) во нејзиниот крај каде се влева во Г-р-гана (Хирканско - Касписко море). Почетокот на оваа река е на исток на оддалеченост четири месеци пат. На оваа река се наоѓаат многубројни народи во села и градови ,некои во отворени предели, а други во укрепени со ѕидови градови. Таму (на реката Волга) се Бур-т-с (Буртасите), Бул-г-р (Бугарите), С-вар (Суварите предци на Чувашите), Арису (непознати), Ц-р-мис (најверојатно предците на угро - финскиот народ Черемиси), В-н-н-тит (не е многу сигурно кои се), С-л-виjун (најверојатно Словени). Одделните народи е тешко да се опишат, тие се безбројни. Сите тие ми служат и ми плаќаат данок. Оттука границите на мојата земја завиваат кон Хорезм (Khwarezm, античка Chorasmia) до Каспиското Море. Сите кои живеат на брегот на ова море на еден месец пат ми плаќаат данок. А уште на јужната страна С-м-н-д-р (средновековниот град Семендер), на крајот Т-д-лу (непознат регион), кон вратата Баб-ал-Абваб ( средновековниот Дербент во денешен Дагестан), кој се наоѓа на брегот на морето. Оттука границите на мојата земја влегуваат во планините. Азур, на крајот страната Б-г-да, С-риди, Киту и, Ар-ку, Шаула, С-г-с-р-т, Ал-бус-р, Ухус-р, Киарус-р, Циг-л-г, Зуних (непознати области) во високите планини, сите алани до границите на Аф-кана (Абхазија), сите живеат во земјата Каса народот (Касоги) и сите племиња Киjал, Т-к-т, Г-бул (непознати народи) до границите на Црното Море во должина од два месеци пат сите народи ми плаќаат данок. Ш-р-кил (средновековниот Саркел), См-к-р-ц, К-р-ц (Керч), Суг-раj (средновековниот Сугдаг), Алус (Алушта, Крим), Л-м-б-т, Б-р-т-нит (Партенит, Крим), Алубиха, Кут, Манк-т, Бур-к, Ал-ма, Г-рузин (Херсон). Овие области се на брегот на Црното Море на неговата западна страна. Оттука границите тргнуваат на север во правец кон земјата Б-ц-ра (Баџна, Пацинакиja, териториите на Печенегите). Тие живеат во отворени области кои немаат ѕидови (односно живеат во црноморските степи). Тие скитат во степите додека не стигнат границите на Унгарците. Овие народи се многубројни но ми служат и ми плаќаат данок. Знај дека јас живеам во делтата на оваа река (Волга) и чувам ја и не пуштам Русите кои доаѓаат на бродови на пат кон муслиманските земји на југ.Сите нивни непријатели (на муслиманите) минуваат низ ''Вратата'' (Дербент). Јас водам војна со нив. Aко ги оставам во мир дури и за еден час тие би можеле да уништат сите муслимански земји до Багдад.
http://www.bibliotekar.ru/hazary/56.htm
П. С Топонимите и етнонимите се испишани со вообичаеното за еврејското писмо испуштање на вокалите.
