За греота ми се сите оние ликови од Анима Дунди и слични такви здруженија кои се прават светци и паметњаковичи.
Кај за животни мрчеа глупи теории, ама во последно време преку таквото доаѓаат со оние „веган“ теории, лекции и слики.
Кои се тие да спроведуваат кампањи и да ни кажуваат што да јадеме?
Очигледно немаат појма што е ланец на исхрана, и како функционира истиот.
Ама пред се, јас би ги прашал...
Тие кучиња што ги имаат дома и што толку си ги чуваат и сакаат... со што ги ранат? Сигурно не со трева и листови од орев. Сите купуваат храни за кучки, мачки, и тоа се храни направени од говедско и „рибешко“.
Тие што не купуваат храни, им фрлаат салами и слични меса и паштети.
Не се ли греота тие животинки што се убиени, со цел да се направи храна за вашето милениче? А?
Така да не може некој да ме убеди дека на кучето дома му дава супа од босилек и варени костени за ручек и вечера.
Тие се секташи. Само колку да се најдат у муабет и да се направат паметни. Поединците им се претставуваат како високо-емоционални луѓе со неизмерна љубов за животни и живи суштества...
Прикажуваат грижа и љубов, абе ќе си речеш луѓево на мрава не газат.
Ама во приватниот живот и праксата и не биле баш такви бе...
Инаку, тие во Вевчани на карневалот беа луѓе - пример за прави болесници. Тоа е чиста сељачана. Тоа не го ни коментирам. Неизживеани простаци што треба казнети да бидат за тоа што го правеа над кутрите животни...
Не е фората насилен да бидеш, и да малтретираш и тепаш животни зашто ти е „ќеф“.
Тоа е греота, тоа е криминал и треба да биде казнето!
Е сега разликата во муабетот е тоа што овие таканаречени „здруженија“ како Анима Мунди те прават насилник и малтретирач. Ти билдаат потсвесна вина дека си убиец доколку јадеш месо, (као наводно демек ти си го усмртил кутрото животинче со цел да го изедеш).
Па добро бе, се слушате ли бе вие луѓе што зборите?
Дали имате грам акал во главата?
Просто солзи на очиве ми доаѓаат од тага во врска со тоа колку е глуп и забеган народов од година у година.
До кој степен дојдовме бе.
Анима Мунди смета дека тепање на куче за забава е подеднаков грев со јадење чорба дома за ручек за да преживееш.
Не знам за вас, ама за мене, сите такви типови на искази произлегуваат од луѓе кои апсолутно немаат врска што зборат...
Кој ќе му суди на лавот во џунглата што јаде газели, или на волкот по селата што ги јаде овците? Што не јадат трева тие? Немаат ли тие емоции? Хммм...дискутабилно нели?
Јас сум прв против насилство врз животни!
Проблемот со луѓето од тоа здружение е што не прават разлика помеѓу ланец на исхрана и насилство врз животни поради забава. Идиотски е да ме убедуваат дека не треба месо да јадеш затоа што не е здраво и затоа што некое кутро животинче „страдало“.
Потребни состојки за човечки организам се учат во прво одделение насекаде во светот и се поделени и класифицирани во различни групи, со што би се задоволила целосната потреба на човечкиот организам за да функционира нормално.
И деца од градинка знаат дека најголем извор на протеини, масти и енергија е месото. Месото е уствари основа на човечкиот организам.
Работата на Анима Мунди е да заштитува, згрижува и вдомува животни на кои им треба помош.
Тие се здружение за заштита на животни, а не нутриционистичко здружение.
Нема потреба да отвараат теми за вегетаријанство кога е тоа сосема различна гранка од нивната работа.
Лично членови од тоа здружение ме имаат убедувано дека ако сркам чорба од телешко дома јас сум „убиец“ на животни и дека ги тероризирам. Тоа ли е дигање на потсвест? Тоа ли е начин да се укаже дека исхраната не ми е коректна? Тоа ли е реторика за поздрав? Тоа е чиста реторика на идиотизам проследена со набивање на одреден вид на „кривица“.
(во смисла да се срамам што јадам зготвено животно
)
Како што имаат право така да ми зборат, така и јас имам право да го оценам и нивниот „метод“ на работа од моја гледна точка за кој сметам дека моментално е катастрофално очаен.
Не се доволно информирани, немаат ништо читано, зборуваат на празно, и познавањето од биологијата им е на многу ниско ниво.
Барем да се поведуваа од некој вид на логика ќе беше добро, а вака 50% од работите што ги лупаат им се на празно и неосновани од веродостојни аргументи.
Викаат сум ги разбрал погрешно нив, и нивниот метод на работа и правата кои ги застапуваат?
Како да разбереш некој човек-член на такво здружение што ти вика „Немој да јадеш веќе месо, греота е животното, вие сте убијци и ги тероризирате?“
Тоа и да сакам, не можам да го сфатам погрешно. Каква е таа реторика на друштво што се обидува да влијае позитивно на одредена група на луѓе? Тоа ли е позитивност и добра идеја?
Човекот стотици илјади години живеел со храна од животинско потекло и масти кои во суштина претставуваат градежен основен материјал на човечкото тело. Тоа е научно докажано, а воедно и потврдено низ историјата на човечкото постоење.
Земјоделството и житариците се развиени многу години подоцна како паралелна гранка.
Човечкиот организам можеби не е исти како на лавот (пример) да јаде само месо, но сепак поднесува и месо и житарици и овошја и зеленчуци. Компатибилен е да прими повеќе видови на храна за разлика од Лавот кој не јаде трева, туку јаде само месо.
Тоа значи дека организмот му дозволува на човекот да јаде одреден тип на храна (во овој случај-месо).
Да бил човечкиот организам направен и изграден само за да јаде овошје и зеленчук, месото ќе ни беше одбивно (дури и во преработена форма). Тоа е чиста логика.
Нормална исхрана е да балансираш од се. Месо, јајца, путер, зеленчук, овошје итн.
Доколку го храниш организмот со одреден тип на храна (само месо или само овошје и зеленчук) го доведуваш до шок на одредени полиња и не може да функционира нормално.
Земете јадете само овошје и ќе видите што ќе ви се случи со нивото на шеќер исл. Земи јади само месо и ќе видиш што ќе се направиш со маснотии...
Проблемот е што се генерализира. Тие викаат : „Еј не јадете месо затоа што не е здраво и не чини“.
Се слагам, има месо со многу преработки кое не е здраво за да се јаде, но има и квалитетно месо кое е задолжително во човечката исхрана.
Ако е така, и ако се поведуваме по тие работи, ќе нема крај. Еве и јас ќе треснам дека сојата ствара стерилност кај машкиот пол... и до каде ќе стигнеме со аргументи?
Единствената џанк храна која треба да се одбегнува е пијалоци како кока-кола, смоки, чипсови, џанк колачиња и слични ствари кои не се основни елементи за исхрана и кои не му требаат на човечкиот организам за да функционира нормално.
Тоа е веќе лична одлука на човекот дали ќе сака да внесува такви храни во организмот, и секој одговара за себе. Никој нема право да ти кажува дали сакаш да внесуваш такви храни или не.
Нема што тие тука нас да ни се мешаат и да ни кажуваат што да јадеме. Јас ги внесувам, затоа што така ми се сака и затоа што ми е убаво, и не смее никој да ми дроби врз глава зошто го правам тоа, а камо ли пак да ми набива одреден вид на „вина“.
Инаку, сите знаеме дека основниот баланс на нормална исхрана вклучува месо, зеленчук, овошје, житарици.
Јас лично познавам луѓе од Анима што се декларираат како вегани, а дома сркаат тегла со мед и јадат благо во Малага во Центар
. А се прават дека знаат што е тоа веган, а не ја разбираат до крај суштината и значењето на зборот.
Нити веган знаат што е, а нити пак вегетаријанство.
Тоа е доказ дека не го разбираат правилно значењето на некои работи, малку читаат, а зборуваат на празно колку да се каже и да се промрчи нешто. Со еден збор, незнаат што со себе во моментот и понатаму. Не знаат кои се и што застапуваат...
Некои ќе ми речат дека подолго ќе живеам ако сум веган...
Епа драги мои, за подолг живот, нема правило. Човечкиот век зависи од различни фактори (не само од исхрана), иако голем дел од луѓето денес страдаат затоа што јадат нездраво месо т.е. претеруваат со јадење на истото. Имам личен пример и за вегетаријанец (млад дечко) кој почина на 36 години, така да...ќе речеш здраво се хранел а ништо не дочека да види од животот.
Така да и тука мое лично мислење е дека нема правило.
Што се однесува до варење на месото, по ново ми рекоа дека човечкиот организам не можел да вари месо, и дека човечкиот организам бил сличен со оној на кравата (99% ист)
Ова беше реално најголемата глупост која сум ја прочитал во последниве месеци. Да бев јас со организам на крава, ќе повраќав и ќе си ја јадев повраќаницата, а да не можеше организмот да ми вари месо, до сега ќе бев во болница на 1000 операции за да ми ги извадат „кнедлите“ од месо...
Кога се вари месото кај човекот, тоа веднаш се дроби во дигестивен систем со помош на киселина и дигестивни ензими. Потоа се разложуваат протеините во аминокиселини. Така да организмот е совршен за варење на месо, и овој факт ги демантира сите веган и анима-дунди теории.
Топ 3 факти за анима мунди и нивните поддржувачи:
1. Кога ќе им ја кажеш вистината ги боли....
2. Кога ги демантираш со факти и докази исчезнуваат
3. И покрај тоа што тресат зелени, упорно продолжуваат да ги тресат, па и на крај тебе те прават мутав...