Прво место на полусезона
Скор 7 од 7
Вистински драми се случуваа на двата последни меча во Пржино.
Во 5-тото коло се сретнавме со Текстилец кој дотогаш истотака немаше доживеано пораз. Дел од играчите им беа од Драчево, пошто они се нешто како втор тим на Драчево. Ама сигурно мутеа нешто, сто посто дел од играчите не беа нивни.
Многу балетански ова екипиве во четврта лига, се гледа дека никогаш не играле во трета лига и не знаат што е остар фудбал. Овие од Текстилец на секој старт плачеа. Нивниот капитен ја заостри цела ситуација, постојано само се караше и се закануваше дека не сме знаеле што не чека кога ќе одиме кај нив.
Славија беше доминантна на теренот. Во првото полувреме Арсовски, Гажевски, Наковски и Амза утнаа стопроцентни шанси. Во вториот дел шанси имаа и Даиловски и Костадинов, но резултатот и по 60 минути остана 0-0.
Текстилец се закани само еднаш. Нашата одбрана подзаспа па овие нивниот напаѓач излезе сам пред гол, но чекаше долго време и неговиот шут беше блокиран.
Тогаш по една акција на Рајков, најискусниот во екипата Мандаровски ја затресе противничката мрежа.
Гостите бараа некаков офсајд, па нивниот тренер беше исклучен.
Претходно наполувреметона барање од нашиот тим, делегатот им ги побара книшките и мечот беше во долг прекин. Они тоа го сметаа како провокација, па со бунењето за голот уште толку се крена тензија.
Нашите играчи правеа ситни прекршоци на средината на теренот за да ги прекинат нивните напади, па по еден таков прекин дојде до меѓусебно кошкање на дел од играчите.
А од тоа кошкање настана општа тепачка во која се вклучија скоро сите актери на теренот плус дел од публиката.
Највеќе го изедоа тие што се курчеа од гостинските играчи
Одамна не паднала ваква општа тепачка во Пржино.
По инцидентот Текстилец ја повлече екипата и Славија ја доби утакмицата со службени 3-0.
Но тоа не беше крај на комедијата. Од нигде никаде дојдоа еден куп дефендери со џандари, СПЕЦИЈАЛЦИ и неколку коли со алфи.
Комедии живи, мислиш војна почнала. Саат време правеа записници. Специјалциве кога изрипаа со пендреците, којзнае што им јавиле си рекле дека ќе дочекаат некоја којзнае колкава тепачка
Ние добивме неколку казнети играчи и како резултат на тоа моравме последните два меча да ги играме десеткувани.
Прво славевме против Вардар со 0-1 со голот на Неделковски, а потоа не очекуваше дербито на лигата со Ново Лисиче.
Ново Лисиче е новоформиран амбициозен тим, но за жал се покажа дека имаат уште многу да учат, пред се фудбалски правила
Околу 150 гледачи го проследија овој меч, а голем дел од нив беа дојдени од Лисиче. Како традиција станува дека кога се бориме за влез во погорна лига, противникот да биде од Лисиче
Овојпат за разлика од пред неколку години, СЛАВИЈА-Н.Лисиче 3-2!
Очекувв подобра игра од гостите, но скоро ништо не покажаа.
Славија нападна уште од почетокот, па по ден од првите корнери после нафрлувањето Даиловски ја закова топката во мрежата на Лисиче. После тоа имаше еден момент кога нашиот капитен му префрли нешто на судијата, а судијата Владимир Ризоски му покажа жолт картон. Гостите тоа го окарактеризираа како ВРШЕЊЕ ПРИТИСОК кон судијата и нигде не спомнаа дека судијата дал картон, што во понискиве лиги НИКОГАШ НЕ СЕ СЛУЧУВА. Ризоски како судија од трета лига, ми е еден од најнеомилените, но морам да кажам дека не потпаѓа под притисоци и е еден од ретките кој не се плаши да вади картони.
Мечот доби друг тек откако Рајков доби топка во длабочина, го претрчуваше последниот играч од одбраната на Лисиче, а овој во обид да се загради со лакт го мавна по лицето. Рајков сигурно ќе искочеше сам пред гол пошто беше побрз во дуелот и по сите правила ова беше црвен картон.
Нормално судијата додели црвен картон, а тоа наиде на ОГРОМНИ негодувања од гостите.
Сакаа даја повлечат екипата, му се закануваа на судијата (се е тоа снимено) и се случи и туркање меѓу нашиот капитен Мандаровски и нивниот тренер откако овој префрли дека се ова било по нечија сдиректива и сите мечеви службено сме ги земале. Па после се судијата им додели уште еден црвен на Лисиче ради навреди и црвен за нашиот капитен.
Мечот продолжи 10 на 9 во корист на Славија. Славија имаше уште две шанси до полувреме, особено беше добар волејот на Трајанов кој гостинскиот голман одлично го одбрани.
Вториот дел започна со уште ден гол на Даиловски. Добра акција на Гажевски по крило, нафрлување до осамениот Даиловски кој стрелаше за 2-0. Гостите првшут имаа во 60-та минута кога еден нивен играч шутираше од 10-тина метри, нашиот голман одби, а нивниот напаѓач даде гол. Но во моментот на шутот тој беш во офсајд и голот беше сосема оправдано поништен.
Уште толку почнаа да се бунат овие.
Во публика имаа некои пијандури старци, слични на оние на Горно Лисиче, кои го мразат Мандарот па не престанаа да го пцујат ни овојпат
Во овој период се повреди двојниот стрелец Даиловски. Од нигде никаде Лисиче се врати во игра. Единствен виновник беше голманот Наковски кој едноставно немаше свој ден. Прими гол откосо од 30-тина метри. Имаше некоја лоша проценка, веројатно мислеше топката не оди накај гол, ама од никаква шанса Лисиче дојде до 2-1.
Лисиче почна да притиска и имаа неколку слободни удари. По еден таков, сакаа да украдат по некое метро, и ја потшутнаа топката понапред. Судијата неколку пати ги истолерира но овојпат покажа дека слободниот е изведен. Па така ние добивме чиста контра и сто процентна шанса на Рајков сам со голманот. Но нашиот напаѓач биеше до стативата.
Некаде во 75-та минута ситуација слична на онаа од прво полувреме. Рајков сам во противничка половина со дефанзивец на Лисиче. Топката го прескокнува гостинскиот дефанзивец, а овој за да спаси чиста шанса ја мава со рака НАМЕРНО.
Судијата без двоумење му дава црвен картон.
На крај гостите и оваа ситуација ја искористија заплачење, демек како можело три црвенои да добијат.
Патем им прогледа тука еднаш низ прсти откако нивен фудбалер со намера го рогна
Трајанов откако и двајцата лежеа на тревата. Патем Славија покрај црвениот доби и 6 жолти картони, а Лисиче само 1 ако не се лажам, но и 3 црвени.
И одново како гром од ведро небо, уште еден буквално ист погодок на Лисиче. Без никаква шанса, со шут откосо од пола терен дојдоа до 2-2.
Беа во еуфорија и почнаа да напаѓаат. Во таква ситуација по една наша контра дојдовме до корнер. И како капак на утакмицата, Неделковски после корнерот биеше прецизно за 3-2!
Се тоа се случуваше негде во 88 минута. Имаше уште 5 минути во кои не се случи ништо поинтересно, а гостите приговараа ДЕКА МЕЧОТ ТРЕБАЛО ДА СЕ ИГРА УШТЕ НЕКОЛКУ МИНУТИ. Лично нивниот тренер со овие зборови му викаше на судијата.
За после мечот да направат СРАМНО соопштение и истото да го објават по неколку портали, кои без да проверат што се случувало го објавија на нивните сајтови.
Нема да го копирам, само ќе кажам дека се будеа за картоните, а насловот беше ФУДБАЛ СЕ ИГРРАШЕ ДУРИ СЛАВИЈА НЕ ДАДЕ ГОЛ.
Имаа пишано демек мечот се играл 98 минути а кога ние сме дале гол судијата свирнал крај.
Ништо не им помогна. Знам дека имаат големи амбиции, ама реално ништо не покажаа кај нас, а плус имаат и пораз од Текстилец во Лисиче.
Според наши извори мечот со Вардар 75 им е загубен службено, според нив не е така
Официјална табела нема никаде, ама се знае дека ние сме први со 21 бод од 7 меча, а Ново Лисиче се втори со 15 бода, или пак 12
Со други зборови огромни се шансите да одиме во бараж, особено што тимот уште толку се засилува за втора полусезона
