Галичка свадба

[Олимпија]

Секој Петровден, 12-ти јули, е ден на раскошните носии, езгиите, величествените обреди и ритуали на единствената Галичка свадба, чие пошироко значење своја круна добива со влегувањето во ризницата на духовни вредности на човештвото што се под заштита на УНЕСКО.
Порано свадбарските церемонии траеле пет дена, а традиционално свадбата се одржувала на Петровден. Секој ден од свадбата има посебни обреди што се изведуваат по утврдени обичаи.

Во деновите на свадбата, пиштат зурлите и ечат тапаните „од Галичник до Река“, со сиот подземен и надземен екот кон каменот на Бистра и небесниот свод. Тие придружници на печалбарите на овој крај на Македонија, секогаш ја најавуваат Галичката свадба која е со најмногу сватови.

Галичката Свадба во своето опстојување придонела да се негуваат единствените свадбарски обичаи и ритуали, на жителите од овој крај, да се сочувааат изворните песни, ора, и надалеку познатата галичка носија-изработена со филигранска прецизност и точност на терзиите.

Чекањето на тапаните, свекрвино оро, носењето на невестата на вода, поставувањето на свадбарскиот бајрак, канењето на мртвите, бричењето на зетот, земањето на невестата, замесувањето на лебот, венчавањето во црквата „Св. Петар и Павле” се дел од обичаите за Галичка свадба.

Галичката свадба е туристички настан и вистинска свадба, за која секоја година се избираат двајца млади кои ќе се венчаат на тој ден. Еден од предусловите е барем еден од младите да потекнува од галичко семејство.

Годинава на Галичка свадба традиционалните ора "Тешкото" и "Невестинско" ќе ги изведе ансамблот за народни игри и песни "ФОЛКЛОРНИ БИСЕРИ" од Скопје.

Бил ли некој од вас на Галичка свадба?

 

[Simonaaaaa]

Јас секоја година со моите идеме,викаат дека дека ќе ме местеле за Галичка Свадба само да пораснам

 

[Crazy in Love]

Ја обожавам Галичка свадба. Најомилениот македонски традиционален настан. Се ежам само кога читам, којзнае какво е чувството да присуствуваш. Не сум присуствувала, но огромна желба ми е, дури потајно сакам да бидам една од тие кои имале Галичка свадба.

 

[arakenx]

.....секој Македонец барем еднаш треба да ја посети Галичката Свадба.....секоја година луѓе од сите краишта на светот доаѓаат да бидат дел од оваа манифестација....а само ние на неа гледаме како на застарен селски обичај

бев на Галичка свадба 2010 и 2011....лани за жал не успеав

2011 бев со шатор кај игралиштето на влезот на Галичник...на отприлика 1км пред селото....најголем впечаток ми оставија Мајовци....почнаа да свират некаде околу 4 часот попладнето во официјалниот дел.....па продолжија пред селската продавница...се вративме кај кампот околу 2 часот по полноќ...тапаните сеуште чукаа....си легнав околу 4 а тапаните сеуште ечеа....утрото околу 8:30 повторно почнаа да свират на официјалниот дел од свадбата.....само да го носиш тапанот по угорниците низ Галичник бара огромна сила, кондиција и пред се воља, а толку долго да лупаш и да го носиш тапанот треба натчовечка сила

Околу Галичник има убави места што може да се посетат...ако продолжите после хотелот Неда на околу 45 минути пешачење ќе стигнете до карпите над Јанче......многу убаво место со убава глетка и можност за добри фотки за мераклиите на фотографија

Ако пак пред влезот на Галичник свртите лево има едно уbаво патче што води низ убава природа (плус многу шумски јагоди и диви цреши) од каде има убав поглед на Галичник, а ако продолжите понатака и едно место од каде се гледа Дебарското езеро

На неколку километри пред Галичник е и местото викано Тони-вода....карстно поле

Но доколку одите во Галичник за Галичката свадба не го пропуштајте играњето на тешкото
О тешкото! Зурли штом диво ќе писнат,

​

штом тапан ќе грмне со подземен екот -
во градиве зошто жал лута ме стиска,
во очиве зошто навирува река
и зошто ми иде да плачам ко дете,
да превијам раце, да прекријам лик -
та гризам јас усни, стегам срце клето,
да не пушти вик.

 

[Смрт за зони и пајак воз.]

Дали некој знае од кога датира овој обичај?

 

[Sungerot Bob]

Прекрасен Македонски традиционален обичај, само многу ми е криво што ниту еднаш не сум присуствувал на Галичка свадба

 

[Anco]

Колку би било добро-убаво кога би имало некоја снимка од Галичка свадба,
ама од времето на Манаки и порано 18-19 и почеток на 20 век. А тогаш негде сум
читал се правеле повеќе,десетина свадби тој ден а не една како сега.
Имав една книга за овој настан,не можев сега да ја најдам и да прочитам за
историјата на истото (обичаите ги знаеме и сега така се тераат)
Мислам годинава да одам и ќе сликнам некоја фотка и од околината.

 

[Олимпија]

Оние кои сакаат да одат на Галичка свадба може да ја ѕирнат понудава
http://www.voskopje.com/index.php

 

[Олимпија]

Ќе оди некој од вас годинава на Галичка свадба?

 

[nekojtamu]

Ќе оди

 

[Acid]

Јас одам. Повик и до останатите форумџии да се приклучат на овој прекрасен настан.
Верувам во професионалноста на „Фолклорни Бисери“ затоа што имам гледано повеќе нивни настапи и знам дека ќе приредат вистинско уживање за очи и душа

 

[Acohipmk]

Во сабота или недела е главната церемонија? Кога да одам, сабота или недела?

 

[Олимпија]

Во сабота или недела е главната церемонија? Кога да одам, сабота или недела?

Ние одиме утре сабајле бидејќи има обичаи што се прават во сабота, а главната церемонија е во недела Така да како сакаш, ако имаш кај да спиеш во Галичник убаво е двата дена да си присутен

Друг некој од форумов ќе оди ли? Да пиеме некое пивце на сред село

 

[Acohipmk]

Ние одиме утре сабајле бидејќи има обичаи што се прават во сабота, а главната церемонија е во недела Така да како сакаш, ако имаш кај да спиеш во Галичник убаво е двата дена да си присутен

Друг некој од форумов ќе оди ли? Да пиеме некое пивце на сред село

Би сакал и двата дена да сум таму, ама нема да можам. Како за првпат ќе се задоволам само со недела.

 

[Sungerot Bob]

Ние одиме утре сабајле бидејќи има обичаи што се прават во сабота, а главната церемонија е во недела Така да како сакаш, ако имаш кај да спиеш во Галичник убаво е двата дена да си присутен

Друг некој од форумов ќе оди ли? Да пиеме некое пивце на сред село

Олимпија баш би сакал да одам, ама зафатен сум деновиве... Убаво помини си и раскажи се како поминало....... и некоја слика да ставиш не ќе е лошо