Е па, кога ги нема мажите да излезат голи во знак на протест против радикалниот ислам, секако дека жените ќе го направат тоа, секоја им чест на девојките, иако лично не верувам дека нивниот протест ќе има некаков сериозен ефект врз државите со мнозинско муслиманско население.
Мене не ме плаши моментот дека во Саудиска Арабија денес е најстрашно да се родиш како жена, бидејќи знам кога тогаш и во тој радикален свет ќе дојдат промени, дали милум или силум ќе дојдат. Исто како што се случи Арапската пролет, ќе се случи и тој пресврт во тие земји.
Мене она што ме плаши денес најмногу е враќањето кон религијата и широк замав на религиозните фанатици ширум земјите. Намето да се движиме напред кон еднакви права и слободи, голем дел потпаѓаат под радикалниот ислам и се враќаат пет века наназад. Тој радикален ислам е најстрашното нешто што може да се случи во Светски рамки, бидејќи прифаќајќи го него сама ќе се забулиш и покориш пред Шеријатските закони.
Идеме назад во процесите, тоа не смее да го дозволиме. Додека ние немо гледаме што се случува и тоа во нашата земја, они ловат нови жртви. Нема потреба да гледаме подалеку од себе си нели? Дали видовте жена на радикалните протести кај нас? Дали вие воопшто видовте жена да им коментира по социјалните мрежи? Јас познавам муслиманки доволно да кажам дека се далеку од вера и религија, али што е со мнозинството? Зошто се понашаат како да се во Саудиска Арабија?
Чекај малку, ти всушност позитивно гледаш на таканаречената Арапска пролет ?
Е па, не треба воопшто да гледаш позитивно на таа таканаречена Арапска пролет, чие што вистинско име е Арапска зима, бидејќи секаде каде што поминала, со себеси има донесено се и сешто, освен слобода и демократија.
Во тазе "демократизираниот" Тунис, исламистички муфтии повикуваат на стерилизација на еврејските жени, во тазе "демократизираниот" Египет се палат коптски христијански цркви и се убиваат коптски христијани, во тазе "демократизираната" Либија се вршат апсења на секој кој на било каков начин го едуцира населението на религија која нема никаква поврзаност со исламот, најтазе пример се американски граѓани кои беа уапсени бидејќи делеле бесплатни примероци од Библијата, додека истовремено во државата беснее граѓанска, племенска и секташка војна помеѓу таканаречената демократска влада на Либија која го собори и го масакрираше Моамер Гадафи откако тој се предаде, и либиските племиња и секташки групи, но и таканаречените борци за слобода и демократија кои западот ги поддржуваше, финансираше и вооружуваше, а сега испаѓа дека покојниот Гадафи бил во право кога за нив говорел дека не се поранешни политички затвореници, туку се поранешни криминалци, убијци, крадци, шверцери, силувачи, педофили и што ли уште друго не.
Ќе ме извиниш, но јас лично не верувам дека со вакви луѓе еден народ може да се избори за слобода и демократија, а со тоа по автоматизам и за реформи и за еднакви права и еднаква застапеност за жените на исто ниво со мажите во општеството и во општественото уредување.
Во Сирија, во која на власт е тој брутален диктатор Башар ал Асад, кој не кренал рака врз неисламското население во Сирија, меѓу кои добар дел се Евреи, таканаречените борци за слобода и демократија веќе имаат упатено предупредувања до неисламското население дека откако ќе дојдат на власт, за немуслиманите нема да има место во "демократизираната" Сирија.
Но настрана политиката и религијата, во овие држави тазе "демократизирани" од страна на таканаречената Арапска пролет, која во реалност е Арапска зима, бидејќи секаде каде што поминала, со себеси донела се и сешто, освен слобода и демократија, забрането е за жена да излезе на јавно место без да биде придружувана од страна на маж, кој мора да биде муслиман по религија и мора да биде во роднинска врска со жената.
Во Египет, војниците имаат право да ја тестираат девственоста на жената која ќе се осмели сама да излезе на улица, а да не биде покриена во бурка од глава до пети, а како капак на се, е немажена. Тестот на девственоста се состои од пикање на рацете на војникот во меѓуножјето на жената за да се открие дали сеуште е девица или не, бидејќи спротивно е на исламистичкиот шеријат немажена жена да ја изгуби девственоста.
Сето ова се случува со амин на САД, западноевропските држави, како и на Саудиска Арабија, која крваво ги задушува протестите и немирите во Бахреин и во други места кои не се дел од нејзината територија. Додека во Египет се палат коптски христијански цркви, се убиваат коптски христијани и се вршат таканаречените тестови на девственоста, САД одвоија кредит од 1 милијарда американски долари за египетската влада предводена од страна на радикалното исламистичко движење наречено Муслиманско Братство, кое беше нелегално за време на владеењето на поранешниот претседател на Египет, Хосни Мубарак, донираат американски борбени авиони за египетската воена авијација, а случајно или не, египетската влада има нарачано 2 подморници од Германија чија што вредност изнесува приближно 1 милијарда американски долари.
Освен Бахреин, веќе има протести и немири во тазе "демократизираните" Тунис и Јемен, но истите се задушени од страна на полицијата и војската, а западот едноставно си молчи, од веќе познати причини - западот никогаш не го интересирало ширењето на слободата и демократијата во државите во кои нема слобода и демократија, од секогаш го интересирало, го интересира и ќе го интересира само профитот кој ќе го оствари од соработката со тамошните влади, без разлика како тие влади ги третираат сопствените граѓани и малцинствата.
