не знам кај да го поставам прашањево, се надевам овде е добро. Значи ме интереснира што милите за класични студии?
дали некој од форумов студира? или познавате некој што студира? тежок е многу? колку студенти се запишуваат годишно од прилика? (знам дека малку)
На смерот класични студии ова години се запишаа во првиот круг мислам само 2-ца, што се однесува на наставниот кадар е стварно квалитетен и професионален. Доколку стварно толку многу те интересира античкиот период т.е. стариот век, тогаш не се двоуми. Инаку на смерот класични студии има доста интересни предмети: античка култура, антиката и европската култура, античка митологија, античка реторика и други. Но доколку се запишеш на овој смер и предлагам втор семестар да одбереш како изборен предмет историја на стар век 2, поради тоа што тој предмет го предава еден од најдобрите професори на античкиот период.
Само да ти кажам дека античкиот период не е баш толку многу проста работа, туку претставува доста многу сложен систем, но доколку те интересира многу, го учиш тоа што го сакаш и со сопствен труд ќе достигнеш до целта.
--- надополнето: 7 февруари 2013 во 23:01 ---
Дечки ајде помош.Отсекогаш сум сакала да студирам историја и сега се двоумам меѓу чиста историја и историја на уметност.Ми кажуваат дека на уметност било добро па ајде да чујам вие што мислите
Историја - институт за историја
Историја на уметност - институт за историја на уметност и археологија
Што се однесува до првиот смер, морам да кажам дека смерот „Историја“ е многу интересен и во него се опфатени сите периоди од историјата на човештвото. Значи во овој смер се учат работи од сите области и периоди од историјата.
Прва година - Од „Неолитската револуција“ па се до пропаѓањето на Западното Римско Царство во 476 година
Втора година - Од пропаѓањето на Западното Римско Царство до периодот на ренесансата, до околу крајот на XV почетокот на XVI век
Трета година - Од ренесансниот период па се до почетокот на Првата светска војна во 1914 година
Четврта година - Од почетокот на Првата светска година па до ден денес
Додека во смерот историја на уметност, како што кажува и самото име повеќе внимание се обрнува на уметноста. Имаш многу предмети од античка уметност, значи уметност на народите на Блискиот исток - Сумерците, Акадците, Бабилонците, Египјаните, Хетите, Хебреите, Феникијците и други, потоа има хеленска уметност, римска уметност, средновековна уметност, хуманизам, ренесанса, барок, класицизам, романтизам, просветителство, модерна уметност, современа уметност и други.....
Што се однесува до тежината на факулетот, како најпрво да напоменам дека многу предмети не се учат на македонски јазик, туку главно се користат книги напишани со српско-хрватски јазик, но сепак во нив ги има сите информации што ти се потребни при студирањето. Некој предмет понекогаш има и повеќе од една книга, но сепак доколку го учиш тоа што го сакаш, верувај дека ќе немаш големи проблеми, туку само треба сите обврски да ги решаваш со време. Што се однесува до оценувањето кај некои професори тоа потешко оди, но тоа го има на сите факултети. Исто така и дватта институти располагаат со професионален наставен кадар, од кој што ќе можиш да научиш многу работи, па дури и без да прочиташ нешто од книга. Предавањата обично траат од 2 до 4 часа најмногу на ден. Но секоја година имаш неколку задолжителни и изборни предмети, од кој изборните ќе си ги одбереш по свој вкус.
Од една страна само да ти кажам дека немој да мислиш дека факултетот е лесен, туку си има своја тежина. Доколку не учиш, не би требало да бидиш разочарана доколку не поминиш, но доколку учиш верувај дека трудот ќе ти се исплати.
