Талибанците убиле пет учителки за да ги спречат жените да се едуцираат
Во конзервативната провинција Кибер Пакхтунква, истиот регион во Пакистан во кој на одење во училиште беше застрелано во главата девојчето Малала Јусуфзаи, вооружени талибанци првиот ден од новата година нападнале возило со кое од работа се враќале вработени во основно училиште и во соседниот медицински центар во градот Свабија, и убиле пет учителки и двајца здравствени работници, еден маж и една жена.
Напаѓачите биле на мотоцикли, а по нападот брзо избегале.
Одговорноста за овој инцидент засега никој не ја презел, но начинот на нападот се совпаѓа со досегашните напади од страна на талибанците во областа, кои имаат цел со заплашување и со насилство да го одвратат населението од едуцирање на женските деца, на што се противат радикалните исламисти.
Исламистите во оваа област веќе креваа во воздух и убиваа наставнички, за да ги обесхрабрат девојчињата што настојуваат да одат во училиште.
Овој, најнов напад уште еднаш го привлече вниманието кон опасностите со кои во тие области се соочени образовните, здравствените и хуманитарните работници, особено ако се од женски пол.
--- надополнето: 3 јануари 2013 во 01:58 ---
Бугарски митрополит ги отворил црквите за бездомниците
Митрополитот на Варна Кирил Ковачев наложил за време на студените месеци „кога температурата драстично ќе падне“ сите цркви во градовите и селата во оваа митрополија да бидат деноноќно отворени, за бездомниците да имаат каде да се засолнат од студот.
На бездомниците црквите треба да им понудат и храна, а во случај на потреба и облека, јавува бугарскиот портал Новините.
Како што пишува овој сајт, овој пример го следи и митрополијата Сливен.
Во градот Руса на Дунав црковните власти отвориле „топол дом“ за бездомниците, со капацитет за 75 луѓе. За нив биле обезбедени и бесплатни лекарски прегледи.
Реновирањето на просторот во зградата на поранешното училиште, затворено пред десет години, го финансирала католичката хуманитарна организација Каритас.
--- надополнето: 3 јануари 2013 во 02:00 ---
Во Мека во времето на Мухамед имало црква: откриена христијанска империја закопана под Јемен
Едно ново откритие во Јемен може да докаже дека таму постоела христијанската црква и имала влијание во Мека некаде околу времето на пророкот Мухамед, пишува Дејли мејл.
Пол Јал, археолог од Германија, во градот Зафар пронашол христијански лик изрезбан во камен и го датирал некаде околу 530 година од нашата ера.
Тој вели дека некои докази од други локации во Зафар укажуваат дека тоа било дом на огромна арапска племенска конфедерација, која ја владеела дури и Мека, која се наоѓа на околу 900 километри на север.
Мултикултурната конфедерација, која бил дом на Арапи, Евреи и христијани, цветала помеѓу 3 и 5 век и го управувала влијателниот пристаништен град Аден во јужниот дел на Јемен, вели Јал.
Но тензиите околу напредокот на христијанството предизвикале арапските цареви да нападнат една христијанска колонија во градот Најран во Саудиска Арабија, предизвикувајќи света војна со Византијците и Африканците, која завршила со победа на исламот во 7 век, јавува германскиот весник Шпигл.
Што се однесува на камената фигура, Јал вели дека најверојатно отсликува потомок на Африканците што пристигнале во 525 година за да го шират христијанството.
--- надополнето: 3 јануари 2013 во 02:15 ---
--- надополнето: 3 јануари 2013 во 02:25 ---
Muslim Leader found Jesus Christ....Dr Daniel Shayesteh
PRAYER OF SALVATION
Dear Jesus, I believe that you died for my sins, and you died on the cross and rose again. FORGIVE me all my sins. Come in to my heart, take charge of my life and make me the person YOU want me to be. Fill me with your Holy Spirit. Cleanse me with your precious blood. I confess you now as my LORD and SAVIOR. In Jesus name. Amen
itn itn itn
