Во технолошко-индустриската развојна зона Бунарџик денеска беше пуштен во употреба новиот производствен објект на руско-македонската фармацевтска компанија Продис. Инвестицијата е вредна околу пет милиони евра од кои веќе 3.800.000 се вложени. Во објектот од 5.000 м2 првично се вработени 45 лица, а нивниот број до крајот на годината се очекува да се зголеми на 80 луѓе. Предвиден за изградба е дополнителен производствен објект од 4.000 м2. Во фабриката ќе се произведуваат конвенционални и органски производи: чаеви, корнфлекс и мусли, витаминско-минерални препарати, хомеопатски лекови и хомеопатска козметика.
Рускиот бизнисмен Вадим Сергеевич Јакунин сопственик на рускиот гигант Протек груп (со обрт од повеќе од четири милијарди долари годишно) на денешното свечено сечење лента во Бунарџик рече дека за неполна година од празно земјиште со несебична поддршка на владата и домашниот партнер направиле функционирачка фабрика.
„Без разлика на сите проблеми со кои се соочивме успеавме на земјава да ѝ подариме нешто ново, да ѝ подариме работни места, нови производи и извоз“, рече Јакунин. Во делот на хомеопатското производсто Продис е прва фабрика од ваков тип на Балканот, а производството покрај во земјава ќе се извезува во земјите од регионов и во поранешните советски републики.
„Октомри 2012 дефинитивно е месец на инвестиции. На последниот негов ден ја пуштаме четвртата фабрика по ред која покрај што ќе обезбеди работни места и извоз, ќе обезбеди и пласман за органските производи од македонските чисти региони“, рече Груевски.
Продис е петта фабрика која функционира во технолошко-индустриската развојна зона Скопје 1 (Бунарџик).
http://www.kapital.mk/mk/makedonija...otreba_novata_farmacevska_fabrika_prodis.aspx
јадачи ќе си има, не им се нервирајте, сепак ова е МАКЕДОНИЈА, и на добро и на лошо важно да се јаде
сега зема книшка или од старата гарда си?