Лесна победа, 4-0 само ние знаеме да победиме со толку лежерна игра како вчера против Виган. САФ си го оствари тоа што го планираше, да ги одмори играчите од репрезентативните активности и да пушти посвежа крв за да се фит останатите против Галатасарај и Ливерпул. Искрено не ми се допадна играта многу и мислам дека Виган беше преслаб вчера и овие 4-0 не смеат многу да не занесат зошто имаме 2 сериозни тестови пред нас.
Битнер имаше одлично деби, одличен е во офанзивните задачи додека во дефанзива не беше нешто којзнае што но му беше прв натпревар и ако продолжи вака САФ ќе го направи во одличен лев бек. Сепак има уште да јаде фурни леб за да го стигне нивото на Евра, но под палка на САФ многу ќе напредува. Битнер многу ќе придонесе во иднина за тимот. Евра нема да се занесува многу и ќе понуди многу посериозен пристап и подобри партии, а исто така ќе може и да одмара некоја утакмица знаејќи дека влегува во тие години. Од друга страна исто и Холанѓанецов ќе може да стане важна алка во тимот и САФ сигурно ќе прави многу ротации по таа страна оваа сезона.
Пауел ќе биде играчиште во иднина. Уште од порано го имав истово мислење зошто дечково на 18 години има солидна градба, голем потенцијал, дрскост и дисциплина. Последен таков играч кај нас беше Роналдо и се надевам дека Пауел ќе го надмине во иднина.
Сега не следуваат 2 тешки натпревари. Треба да се заборави вчерашниот меч зошто наредните 2 се сосема различни од тоа што го гледавме вчера и мора да се има сериозен пристап во двата меча.
Турциве се многу опасни и под водство на Терим играат преродено во изминатиов период. Се надевам дека против нас ќе имаат лош ден и лесно ќе си дојдеме до 3те поени. Ливерпул можда не е во форма од почетоков на сезонава но секогаш против нас играат како да им е последен меч и да не се мамиме со тоа што го гледаме од нив во изминатиов период.
....
а за ова што викаш ќе го даунлоадирам натпреварот и јас ќе направам анимација, само да искочи на добра снимка 
