Море за такви ко тебе и ноќната евтина тарифа да ја укинат и струјата 500 % да ја покачат, а ако живееш у куќа да те тераат да плаќаш парно.
Приготвив една поздравна порака до Организаторите на Протестите во вторник.
Со оваа порака сакам не само да ги поздравам, туку да им дадам податоци кои можат да ги искористат во формулирање на барањата. Меѓутоа не знам како да им ја испратам.
Затоа замолувам ако некој може да им испрати порака да им је пренесе следнава моја порака:
________________
Поздравна порака со која Смрт за зони и пајак возила, Член на Форумот „ Кајгана “ ги поздравува Учесниците и Организаторите, на протестите „ Протестите за струја, парно, бензин, воздух .... на 14. 08. Вторник “
Ве поздравувам и Ви посакувам секое е добро. Посакувам и успех на Протестите на кои и јас, како и многу други граѓани, ќе се приклучам со единствена цел да ја принудиме Регулаторната комисија за енергетика да си поднесе оставка. Регулаторната комисија е номинално независен орган и неа не може да ја смени ниту Собранието, ниту Владата. Но таа е далеку од независност, бидејќи своите активности ги подреди, не на интересите на граѓаните на Република Македонија, туку на интересите и профитите на претпријатијата од кои според нејзините надлежности требаше да не заштити. Единствен начин да се ослободиме од неа е да ја принудиме да поднесе оставка. Нека одат каде сакаат, само што подалеку од нас.
Регулаторната комисија за енергетика во својата досегашна активност направи многу злосторства, но на крајот на јули оваа година направи две злосторства кои го предизвикаа Вашето и моето огорчување и не принудија да дигнеме глас и да се спротивставиме на угнетувањето кои тие го прават.
Тие сосема неосновано ја зголемија цената на електричната енергија за речиси 19% ( укинувајќи ја ефтината тарифа од 13 до 16 часот ) и ги донесоа Правилата за снабдување со топлинска енергија со кои ги принудија „ исклучените “ да и плаќаат на Топлификација при тоа не добивајќи ништо за возврат.
Со покачувањето со цената на струјата и делумното укинување на ефтината тарива направено многу големо злосторство, бидејќи со него се оштетени сите граѓани на Република Македонија. Но она што тие го направија кон корисниците на услугите на Топлификација е многу по гнасно злосторство и ако со тоа злосторство се засегнати многу помал број граѓани.
Бидејќи со години наназад ги следам случувањата околу Топлификација, во наредните редови ќе ги образложам овие случувања.
Во есента 2007 за затплување на станот од 72 м2 во кој живеам, Топлификација наплатуваше 1952,50 денари месечно. Сега за затоплување на истиот стан Топлификација би наплатувала 5833,50 денари месечно. Што значи Топлификација сега наплатува три пати повеќе за затоплување на истиот стан.
Секој стан, секоја година ќе потроши потполно иста количина на топлинска енергија. Тоа е природна законитост и сега секој ќе се запраша од каде ова зголемување од 300%
Цената од 1952,50 денари е добиена кога 72 м2 се помножени со 22,97 денари колку тогаш се наплатуваше за еден метар квадратен затоплувана површина и на тоа се додадени 18% ДДВ.
Ако сметате дека тогашната цена била многу ниска – грешите. Таа цена беше претерано висока.Така да интервенираше Уставниот суд на Република Македонија и донесе две Одлуки. Тоа се Одлуките У.бр 56/2008 и У.бр. 91/2008 со кои се намалени високите цени на Топлификација.
За да ја надомести оваа „ загуба “, Топлификација почна да го користи начинот на мерење на потрошената топлинска енергија наречен „ мерење со калориметри “. Тој начин на мерење, не е точен и постојано покажува плус во корист на Топлификација. Од друга страна, овој начин на мерење не е предвиден со закон или друг пропис, односно Топлификација, без било каков правен основ, самостојно го наметна.
Ова незаконско наметнување на овој начин на мерење, беше должна да го спречи Регулаторната комисија за енергетика. Во член 19 од Законот за енергетика од 2006, ова е наведено како надлежност на Регулаторната комисија за енергетика. Но таа не превзема ништо.
Првата година кога е користен овој начин на мерење ( тоа е грејната сезона 2007/2008 ), граѓаните речиси да не го почуствуваа. Топлификација, според Одлуките на Уставниот суд, беше во обврска да враќа пари, па покачувањето со начинот на мерење се „ компензираше “ со тоа враќање.
Но, веќе следната грејна сезона 2008/2009, граѓаните ги почувствува наметнувањето на овој начин на мерење. Почнаа да добиваат сметки и за 100 и повеќе посто повисоки од претходните. За тоа опширно известуваа медијумите
Еве еден пример како во јануари 2009 година за тоа извести Алфа Телевизија
http://www.alfa.mk/default.aspx?mid=37&eventid=4268
Можете да прочитате дека граѓаните се жалат на високите сметки, а Регулаторната комисија и Топлификација за таквите сметки лажно ги обвинуваат „ диво приклучените “ ( во тоа време немаше „ исклучени “ ), кој наводно ја краделе топлината.
Можете да прочитате и дека граѓаните упатувале претставки до Народниот правобранител, Пазарната инспекција и Организацијата на потрошувачи.
Ова сцена ќе се повторува и наредните четири години. Граѓаните ќе добиваат повисоки сметки, ќе се жалат на Народниот правобранител, Пазарната инспекција и Организацијата на потрошувачи, но тој што имаше надлежност да го попречи овој начин на мерење, а тоа е Регулаторната комисија за енергетика нема ништо да направи и постојано лажно ќе обвинува други . Во прво време тоа ќе бидат „ диво приклучените “, а подоцна „ исклучените “. Во меѓу време илјадници граѓани ќе се исклучат од системот на АД Топлификација, за да се спаст од астрономските сметки предизвикани од овој начин на мерење.
Регулаторната комисија за енергетика не само што не превзема ништо да го попречи наметнувањето на овој незаконски начин на мерење, туку на крајот на март 2009, изврши „ легализација “, на овој начин на мерење и ако воопшто тоа не беше во нејзина надлежност.
И минатата зима се случи иста работа, граѓаните добија астрономски сметки, а Регулаторна повторно лажно ги обвини „ исклучените “
http://www.kanal5.com.mk/default.aspx?mId=44&eventId=85768
http://www.dnevnik.com.mk/default.asp?ItemID=CCD153E9F48389488F3CE01B2097F9C7
Можете да видите дека Председателот на Регулаторна ги повикува граѓаните да ги платат сметките и изјавува дека Топлификација не е виновна, дека начинот на мерење ќе се подобрел ако се постават некакви „ распределители “ . Наводно потребно е само граѓаните да си купат некакви „ распределители “ за цена од 250 евра.
Секој кој поседува малку логика ќе се запраша како може едно неточно мерење да стане точно со поставување на „ распределители “? Има ли тука било каква логика?
Во овие изјави Председателот го најавува она што на крајот на јули 2012 Регулаторната комисија за енергетика и го направи. Со донесување на Правилата за снабдување на топлинска енергија, со кршење на основните човекови права, Регулаторната комисија за енергетика наметна исклучените да и плаќаат на Топлификација. На тој начин, Топлификација ќе ги задржи своите приходи, а „ неисклучените “ сепак ќе добијат за околу 3%, пониски сметки, бидејќи дел од сметки сега ќе плаќаат „ исклучените “.
Инаку, Топлификација, воопшто не е во лоша финансиска ситуација, таа сеуште наплатува за своите бедни услуги барем три пати повеќе од колку што тие услуги вредат. Но сепак, Регулаторната комисија за енергетика, во Правилата кои ги усвои, со кршење на основните човекови права и обезбеди уште поголеми профити.
Затоа во вторник треба да се собереме и да им речеме, ОДЕТЕ СИ, долго бевте членови на Регулаторна, долго примавте огромни плати и ништо добро не направивте.
Со слични зборови како што Кромвел своевремено го разбркал Парламентот:
You have sat here too long for any good you are doing. Depart, I say, and let us have done with you. In the name of God, go!
За крај уште еднаш Ве поздравувам и ќе се видиме во вторник пред канцелариите на Регулаторна.
Смрт за зони и пајак возила
(Имам помешани емоции не знам дали да плачам или да се смеам вистинска траги-комедија е случајов)