Вашите паралели не се соодветни, затоа што сите добро знаеме дека Сонцето и ѕвездите воопшто не се единствен извор на светлина. Во Библијата не пишува дека светлината која Бог ја создал на почетокот била „Сончева светлина“. Да пишуваше дека Бог прво ја создал Сончевата светлина, а потоа Сонцето - тоа ќе беше научно-логичка противречност. Но, за воља на вистината, не пишува така.
До сега, само во материјалниот свет, науката има откриено повеќе извори на светлина како што се: лимунинсесија, биолимуненсенција, флуоресценција, фосфоросценција. Знаеме дека при премин на електронтите во атомот од повисока кон пониска орбитала исто така се емитира електомагнетен бран кој понекогаш може да биде и во спектарот на видливата светлина. Знаеме дека и сите материјали на одредена температура зрачат и видлива светлина (пр. усвитено железо, волфрам) итн. А кој знае колку други извори на светлина постојат што науката се уште ги нема откриено.
Понатаму, во библиската книга „Откровение“ на пример пишува вака:
„Ноќ нема да има веќе и не ќе им биде потребна светлина од светилка, ни светлина од Сонцето, зашто Господ Бог ќе ги осветлува, и ќе владеат во веки веков.“ (Откровение 22:5, Библијата)
Има и други примери во Библијата каде што кога Бог или ангели се јавувале бил придружени со светлина. За Бог на пример пишува дека Тој живее „во непристапна светлина“ (1 Тимотеј 6:16, Библијата)
Оттука гледаме дека светлината може да извира и од Бог, и од духовната димензија, а не само од материјалниот свет.
Не можам да си дозволам базични работи одново да повторувам.
