Драга,
Замисли вчера прв пат го гледав An officer and a gentleman. Го немав гледано до сега затоа што не знам од кај таа идеја, но мислев дека е со Чарли Шин, а него со пиштол на глава да ми седиш па не можам да го гледам. Добро, освен како мускетар, ама затоа што тој филм го сакам од мноооогу одамна. И ти велам, арно што го начекав од почеток, па видов дека е со Ричард Гир, па се израдував и го изгледав. По репутацијата што го прати тој филм, мислев дека е подобар. Не ми беше нешто посебно, а можеби тоа е резултат на мојата крајна заљубеност во Top Gun. Сите слични филмови на него ми се гола вода. Не сум јас крива, крив е Том Круз и моторот негов најубав, мамата.
Иначе денес пак уживав покрај езеро и сфатив конечно зошто ги сакам сите годишни времиња. Водата е заедничкото нешто! Ја сакам ма, ја сакам во секаков облик... во дожд, во снег, во езеро, во море... како во вода родена сум целата.
Шлаг на убавиот ден ми беше темата за тебе некогаш и сега. Се навратив на многуте прекрасни години поминати со тебе и уште сум таму. Не сум баш кафански човек или некој турбофолкер, но во чест на една од првите и најлуди твои журки, денес ќе те поздравам со едни два големи хитови кои сме ги одземале од слушање и играње и пеење! Секогаш ме потсеќаат на тебе, мамата. А не морам да кажам дека под "тебе" се подразбираат Кајганџиите, нели?
и секако
*пијаносмајли*
