The King of Clay
Модератор
- Член од
- 28 јануари 2012
- Мислења
- 5.037
- Поени од реакции
- 3.623
Internazionali BNL d'Italia е целосното име на турнирот, турнир со голема традиција кој се одржува уште од далечната 1930. година, со пауза од 1936-1949. На почетокот овај турнир се играл во Милано, подоцна се префрлил во 1935 во главниот град на Италија. Од 1990. година претставува турнир од АТП Мастерс серијата. Мечевите се играат на спортскиот комплекс Форо Италико кој покрај тениските терени содржи и олимписки базен, голема кошаркарска арена како и прочуениот стадион Олимпико. Централниот терен е реновиран пред 2 години (2010.) и сега има капацитет од 12500 седишта. Од минатата година на календарот на АТП го замена местото на Мадрид кој се одржуваше покасно, сега Рим е последниот мастерс на земја. Исто така од минатата година, тенис на овој турнир ќе гледаме во двете конкуренции во една недела, а не како што беше до 2010. во две различни последователни недели.
Најмногу титули има Рафаел Надал кој славеше 5 пати тука, 3 пати во низа (2005,2006,2007) и во 2008. година беше поразен уште во второто коло од Фереро и беше прекината неговата серија, таа година Новак Ѓоковиќ беше шампион тука, победувајќи го Вавринка во финалето во 3 сета. По таа 2008. година уште 2 години со ред Рафа успешно го играше турнирот, уште 2 титули тука но сепак не успеа да направи уште една низа од 3 турнири во низа тука бидејќи беше поразен од Ѓоковиќ минатата година во финалето (6-4 6-4).
Еве ги сите финални натпревари на овој турнир:
Официјалниот сајт на турнирот.
Победниците од минатата година :
Novak Djokovic и Maria Sharapova
Според светските кладилници и според мене, главен фаворит е Рафаел Надал аналогно на тоа што се игра на неговата омилена подлога. Како и секоја година, така и оваа се очекува да забележи најдобри резултати на земја и после изненадувањето во Мадрид се враќа во Рим на црвената земја со цел да го освои овој турнир по 6. пат.
Новак Ѓоковиќ овде ја брани титулата и верувам дека ќе ја покаже својата најдобра игра со која може да се надева на нова титула тука. Генерална проба за големиот Ролан Гарос, иста подлога како таа во Париз, многу важен турнир за него и секако мора да одигра што повеќе мечеви како би бил поподготвен за Ролан Гарос.
Роџер Федерер треба да дојде до полуфинале во најмала рака. Во голем налет е Швајцарецот и од него се очекува да ја прекине доминацијата на Рафа и Ноле од 2005. година во Рим. Од утре ќе е повторно втор на светот, но многу е лесно да ја загуби таа позиција веднаш после овој мастерс,а секако ќе настапи како трет носител бидејќи жребот е веќе направен.
Од Британецот Енди Мареј и не очекувам премногу бидејќи и тој не знае дали е доволно спремен за нови предизвици, после повредата ќе биде добро да се види Енди како ќе реагира во Рим.
Останува да видиме дали можат Раонич,Иснер и Дел Потро да им ги помешаат бизнисите на големата тројка, а тука се и Бердих и Ферер кои секогаш е добро да се избегнат како можни противници.
Своето учество од овој турнир го откажаа :
Мерди Фиш
Кеи Нишикори
Енди Родик
Робин Содерлинг
Жулиен Бенето
На нивното место ќе истрчаат :
Томас Белучи
Доналд Јанг
Јарко Ниеминен
Михаел Лодра
Хуан Карлос Фереро
Давид Налбандијан
Лукаш Кубот
Специјална покана од организаторот (WC) добија :
Кај мажите ---> Фоњини,Воландри,Стараче и Лоренци. (секако, сите од Италија)
Кај жените ---> Венус Вилијамс,Брианти,Кнап
На следниот линк може да го видите жребот во машка конкуреција, а на овој од женска.
Најинтересни мечеви во историјата на овој турнир :
2005 Финале : Nadal - Coria 6-4 3-6 6-3 4-6 7-6
2006 Финале : Nadal - Federer (6-7 7-6 6-4 2-6 7-6)
И за крај, финалните натпревари од машка и женска конкуренција од 2011. :
Тоа е тоа што би требало да се каже за мастерсот кој почнува веќе од утре, очекувам интересни надополнувања и од вас, и најважното, одлични мечеви во наредните 7 дена
