За дваесет години ќе има 32.000 помалку Македонци
За две децении земјава ќе има 103.660 повеќе жители, но од друга страна, пак, ќе има с` помалку Македонци и нивниот број до 2030 година ќе се намали за 32.000. Ова се проекциите кои може да се направат ако се анализираат податоците од публикацијата „Природно движење на населението во 2010 година“, што ја изработи Државниот завод за статистика. Според овие податоци, бројот на Македонци драстично се намалува во Прилеп и во Битола, а помалку припадници на доминантното население во земјава секоја година има во Скопје, Тетово, Велес, Гостивар, Охрид, Kуманово...
Зголемување на бројот на Македонци од поголемите градови има само во Струмица и во Струга, но тоа е незначително.
Според статистичките податоци на Државниот завод за статистика, најголем позитивен природен прираст во земјава има кај жителите од албанската, ромската и од турската националност, а освен Македонците, негативен прираст имаат и Србите во Македонија.
Нашите проекции за 2030 година покажуваат дека ако се задржи овој тренд, во Македонија ќе има 96.300 Албанци повеќе отколку во 2010 година. За период од 20 години ќе се зголеми за 26.980 бројот на Роми во земјава. Бројот на Турците би се зголемил за 12.600, а кај Србите има негативен прираст, па во 2030 година во земјава би имало 6.360 помалку припадници на српската етничка заедница. Мал тренд на зголемување има кај Бошњаците, па за две децении нивниот број би се зголемил за 2.000.
Професорот на Економскиот факултет и демограф, Славе Ристоски, вели дека проблемот е во тоа што државата нема популациона политика.
- Иако пописот не се реализира, се сомневам дека бројот на Албанците во земјава сега е поголем од 25 отсто, а можеби е и помал. Македонското население го има со 64 отсто од вкупното население. Но неблагодарно е да се прогнозира колку ќе н` има, на пример, во 2025 година бидејќи тоа зависи од многу аспекти. Неоспорно е дека има многу малку раѓања, и тоа само 1,3 дете на една жена. С` помалку од две деца е опасна ситуација - вели Ристоски.
Социјалниот демограф Амалија Јовановиќ вели дека во Македонија наталитетот опаѓа од Втората светска војна.
- Тоа што Македонките помалку раѓаат не е помодарство, туку е дел од еден таканаречен секуларен тренд. Тој почна во Европа, а кај нас дојде по Втората светска војна. Од 50-тите и од 60-тите години на минатиот век нагло опаѓа наталитетот по етничка и по верска основа. Наталитетот е помал кај македонското, влашкото и кај српското население, но опаѓа и кај албанското население, но и подоцна и побавно. Од албанското население дури 40 отсто се смета за младо женско население, што значи дека тие имаат добра основа за зголемување на наталитетот - вели таа.
Според неа, модернизацијата го зела данокот во наталитетот, па жените се вработиле бидејќи не се можело без женска работна сила.
- И самосвесноста и можноста да се избира дали да се раѓа или не имаат големо влијание врз демографскиот статус на населението - вели Јовановиќ.
Социолозите тврдат дека низ процесот на образование и работа жените имаат избор дали и колку ќе раѓаат, дури и прават избор дали ќе раѓаат деца во брак или ќе бидат самохрани родители. Многу табуа и предрасуди во меѓувреме се изгубиле, со што се намалува и наталитетот.
Според статистичките податоци, во 2010 година во Македонија се родиле 24.296 жители, а починале 19.113. Тоа значи дека во земјава таа година имало природен прираст од 5.183 жители. Ако се земе овој прираст и ако се направи проекција за наредните 10, па дури и 20 години, ќе се добие податокот дека во 2020 година следејќи го овој тренд, земјава би имала 51.830 повеќе жители, а до 2050 година - 207.320.
Но, од друга страна, пак, проекциите за оваа година не се толку оптимистички според анализата на Меѓународното биро за население, кое пресмета дека за четири децении Македонија ќе изгуби девет проценти од своето население и ќе има 145.000 жители помалку.
Александра Филиповска
Марија Тасев
Cita li nekoj od Portokalovava Prerodba Vesnici
, aj neka ni e nazdravje kosovizacija na Makedonija
Ali zato se jaca Borbeniot Duh so Konjanikot i Falangata
до пред 3 години беа 15 илјади Македонски на 9 илјади Албански незнам за што збориш
? жити мајка како 
