И Охрид плаче за „Детонатор“
Изнуди, уцени, демолирани кафеани, подметнати бомби, дрога, фалсификувани евра, нелегални коцкарници и испрани стотици илјади евра излегоа од Пандорината кутија што ја отвори МВР со акцијата „Детонатор“. Она што со години беше јавна тајна, дека криминалците имаат заштита од поединци во полицијата и во судството, се потврди по полициската акција во Kочани и во Kрива Паланка.
Според познавачите на состојбите, сликата е слична и во другите градови во земјава каде што агенции за обезбедување земаат „легален“ рекет, а локалните силеџии и криминалци, кои наместо да ги бројат деновите поминати во затвор, бројат евра од лихварењето и од изнудите. Нивните жртви се сопственици на локали, колонијални продавници, бизнисмени, обични граѓани во Битола, Тетово, Охрид, Велес, Гостивар...
Екипа на „Дневник“ беше во Охрид, град во кој во изминативе две години често се случуваат инциденти и тепачки, а за кои охриѓани велат дека се предизвикувани од локална мафија.
Во градот под Самуиловата тврдина малкумина сакаат јавно да зборуваат за тоа дали биле жртва на рекет или на друг облик на криминал, но тврдат дека организиран криминал постои. Никој не е сигурен дали е во толку голем обем како на истокот од земјата.
- Сите се поврзани. Бадијала по инцидентите вербално се пресметуваат во медиумите кој е виновен за состојбата во градот кога се знае дека имаат заеднички интереси. Не може активни полицајци да работат како обезбедувачи, а криминалците кои се во затвор секој викенд да излегуваат и да прават тепачки - ни вели локален бизнисмен.
Тој е особено револтиран од тоа што насилниците постојано добиваат кривични пријави, но ретко има судски завршници, а и кога има, силеџиите се повеќе на слобода отколку зад решетки. Друг охриѓанец смета дека партиите им даваат заштита на локалните силеџии, а за возврат тие им вршат разни услуги за време на изборите, од рекет до полнење гласачки кутии.
- „Детонатор“ нема во Охрид, но постојат рекет и лихва. Не е како во Kочани бидејќи работите се посредени. Тепачките ги предизвикуваат членовите на неколку криминални групи, кои најчесто се тепаат меѓусебно - вели нашиот соговорник.
Охриѓани велат дека во изминативе неколку месеци безбедноста во градот е подобрена, но стравуваат дека инцидентите, по кои нивниот град стекна негативен публицитет и во соседните земји, ќе се повторат и годинава.
Причината за тоа ја гледаат во тоа што едни исти насилници прават проблеми во градот, но никој ништо не презема за да ги спречи. Обвинуваат дека насилниците се добро познати, но никој не презема ништо за тие да се најдат зад решетки.
Освен што предизвикуваат тепачки, тие учествуваат во изнудување пари за лихварите, а и самите ги рекетираат помалку имотните граѓани.
- Охрид врие од луксузни спортски автомобили, а ги возат луѓе кои не работат ништо. Од каде им се толку пари? Од убавина не се сигурно, иако со парите се спастрија и си купуваат убава гардероба - вели охриѓанец.
Извори од охридската полиција велат дека во градот дејствуваат неколку криминални групи, кои секоја на свој начин се заштитувани од поединци во некоја од институциите.
- Во градот имаат влијание неколку криминални групи, повеќето составени и водени од лица од македонска националност, кои најчесто се занимаваат со лихва и рекет, а нивна цел се коцкарниците и обложувачниците. Една група е водена од охриѓанец од албанска националност. Во Струга и во Струшко криминалот го држат криминални групи од Велешта – тврди соговорникот во МВР.
Добрите познавачи на состојбите велат дека во Охрид допрва ќе се случуваат инциденти околу концесиите за објектите на плажите.
Игор Шегавиќ
Vreme e da se prezeme nesto skoro sekoj nedela ima po nekoja tepacka
? не не не СЕРИОЗНО 
селективна правда апсат во Кочани партали праат а криминалот во Тетово ќе го премолчиме , криминалот во Чаир ќе го премолчиме акооо акооо 
?Турски слуги едно друго.... користење на привилегирана позиција како муслимани за да се доселите на овие простори .. Убаво знаеш бе другарче дека до пред 200 години ни во Косово чак ве немаше а не па Битола , Битола се имате доселено како слуги Турски откако им ја прифативте верата 
.