Чисто сакам да го слушнам како ти би ги решил гужвите во центар и дали имаш солуција за проблемот. Ако си заложник на тоа да нема никаков ред и да биде башибозук тогаш имаме два дијаметрални ставови и нема што повеќе да дискутираме.
Најнапред, во принцип во центарот на секој град, има и треба да има голема посетеност. Секој кој купил дуќан во центарот или плаќа кирија за дуќан во центар на некој град, плаќа повеќе за да има повеќе посетители - купувачи.
Сега за тоа како да се избегнат прекумерните гужви?
Прва мерка е стручна и одговорна изработка на генералните урбанистички планови. На пример во Скопје ( инаку Скопје има извонредни планери урбанисти ), во Скопските населби е изградена мрежа на локални трговски центри, како што се Лептокарија во нас. Карпош, Бисер во нас. Аеродром, Беверли Хилс во нас. Капиштец и многу други. Цел на изградба на вакви центри е да дел од купувачите ги задоволат своите потреби во населбите каде што живеат.
Втора мерка е строго придржување и деталните урбанистички планови. Во Република Македонија на сила е Правилник за урбанистичко планирање, во кој, меѓу другото е пропишано колку паркинг места е неопходно да се планираат за секој изграден објект. На пример за секој изграден стан, во зависност од големината, е предвидено дека толку и толку паркинг места мора да се обезбедат. За секој изграден дуќан, локал, административен објект и се друго, во зависност од големината и намената е пропишано колку паркинг места минимално мора да се обезбедат.
Одобрубањето на урбанистичките планови и нивна реализација се во надлежност на локалната самоуправа. Локалната самоуправа издава градежни дозволи, дозволи за пренамена, адаптација и се околу ова и тука, речиси, никаква надлежност нема Централната Власт.
Ако се исполнети овие услови, одговорна изработка на плановите и строго придржување кон истите, односно издавање дозволи само ако се задоволени урбанистичките услови, никакви проблеми не можат да настанат.со паркирањето.
Но општинарите ( кои некој ги нарекуваат - општински лешинари ) не го прават тоа, често свесно ги кршат плановите за свои лични интереси. На пример: На многу места во Скопје според плановите е предвидена и изградена куќа со два стана за која се обезбедени на пример четири паркинг места. Општинарите издаваат дозвола, куќата да се сруши и на нејзино место да се изгради повеќе катница со 30 стана за која се потребни 40 паркинг места, а нема услови за такво нешто. Еве друг пример, постои стан за кој се обезбедени 1,3 паркинг места, а општинарите издаваат дозвола тој да се пренамени во административен простор за кој се потребни на пример 8 паркинг места. Еве уште еден пример од Скопје, до Рамстор беше предвидена една цела катна гаража со 600 паркинг места, а таа во гаража во целост е пренаменета за административен простор. А за катните гаражи кои сега се градат веќе делумно се претворија во дуќани и друго Има и многу дуги примери, но мислам дека ме разбра. Ако постои недостиг на места за паркирање, тоа се должи на неодоворноста на општинарите.
Но и во ваква ситуација не е се изгубено. Тие можат да обезбедат нови паркинг места со изградба на катни гаражи и планирање на сообраќајот. Но тие ништо од тоа неправаат туку воведуваат некаква наплата на паркирање.
Како резултат на оваа наплата, просторите на кој е предвидено зонско се празнат, а на на соседните паркинг простори се создава уште поголема гужва, бидејќи бројот на расположиви паркинг места и нивната искористеност е намалена.
На твоето последно прашање, дали сум за ред, одговарам и тоа како сум за ред, но нередот го прават општинарите и тој неред уште повеќе го зголемуваат и комплицираат со наметнуванје на незаконска наплата на паркирање.
Се надевам дека си задоволен и се надевам дека ќе продолжиме со дискусијата.
