Разбирам и ми има смисла делот вториот дел каде што може личниот успех да се протолкува поинаку и да има последици по индивидуата која се декларирала како масон, но ова исто може да биде и позитивно од друг аспект ако претпоставка некој од претпоставените е симпатизер на масонеријата.
Сепак - ризикот е сериозен и токму затоа е оставено на секој да реши сам дали јавно ќе се декларира како член на организацијата или не.
Не дека имам многу прочитано за масонеријата, но за мене ова е сосема ново дека има такви екстремистички групи кој оперираат низ светот чива главна цел е уништувањето на масонеријата.
За жал, има. Обично се тоа религиозни екстремисти, како и про-фашистички и анти-еврејски организации (кои упорно мислат дека масонеријата е еврејска организација).
Аналогно на тоа дали масонските ложи превземаат некакви правни мерки против тие групи, дали има потегнато тужби против истите, би ми било интересно ако посочиш некое име на тие екстремистички групи за да се прочита нешто за нив или пак евентуално линк.
Освен во случаи на конкретно насилство или нанесена материјална штета врз самите објекти, што е кривичен акт (во кој случај, државата е таа што поднесува кривична пријава), не - масонеријата не се занимава со таквите групи. Занимавањето со нив нема да доведе до ништо добро, така што е подобро да се прифати ситуацијата и да се внимава.
Нема проблем малку му е парадоксално тоа и сега ќе ти објаснам зошто. Мене ми е јасно дека имало комунисти кој си биле религиозни, но скоро сите до еден кога пристапувале во партијата потпишале дека се откажуваат од Бог (шпекулирам овде ама мислам дека било така, барем во минатиот век)
Од друга страна пак ако се религиозни и компатибилни за масонеријата кршат уште едно масонско правило, а тоа е дека се лажговци кој од личен интерес потпишале документ со кој се откажуваат од Бог.
Мене ме интересираше ако имаш некаков податок, како масонеријата гледа на тие луѓе кој ете од некоја лична или професионална потреба треба да се декларираат во јавност атеисти или пак нешто друго што не е прифатливо за масонеријата, додека во суштина и по лично убедување се нешто друго.
Доколку некој лаже за да влезе во масонеријата - тогаш тоа е на неговата совест. Реално, таквите не траат долго, и рано или касно излегува вистинското лице на видело.
Тапетарот многу пати спомнува како сум рекол дека имаме "bullet proof" систем против зачленување на такви. Напротив - беспрекорен систем при зачленувањето не може да постои. Но... постои "bullet proof" систем во однос на злоупотреби на масонеријата. Не постои начин некој да злоупотреби со ложата, сериозно да злоупотреби со браќата, да ја злоупотреби масонеријата на било кој начин. Прво - затоа што нема како. Второ - може да подведе некој брат да му помогне еднократно, но на тоа ќе се заврши. Трето - заради системот на комуникација кој го имаме - тој човек нема да може да влезе во ниедна ложа никаде во светот повторно. Четврто - нема реално со што да злоупотреби.
Нека да го објаснам овој елемен малку подетално. Што би биле практичните елементи на злоупотреба на некој поединец во однос на ложата или на братството? Пари, контакти, помош при постигнување на одредена цел. Ако на некој му текне друг елемент на злоупотреба, нека додаде, ќе разгледаме и такво сценарио.
Пари - ложата располага со одредени средства. За некој да ги подигне средствата од сметката на ложата, потребни се потписи на неколку различни членови на ложата - двајца од кои се секретарот и сметководителот (treasurer - не сум сигурен точен превод како би било, кофчежник?!). И секретарот и сметководителот се луѓе кои се обично долги години членови на ложата, кои изградиле долготрајна доверба кај останатите членови и се избираат по пат на гласање. Освен нив, треба потписи обично и на мајсторот на ложата, а многу често и на ревизорот. Сите трошоци што ложата ги прави, за да се исплатат, мора целата ложа да гласа. Ова е дури понекогаш проблематично, доколку треба на брзина да се исплати некоја сметка, затоа што самиот внатрешен систем е многу бавен. Но, токму затоа што е бавен, не остава можност за злоупотреби. Во минатото, кога ложите чувале пари во сеф, во дом на некој од членовите, би постоела можност за злоупотреба. Денес, кога парите се во банкарска сметка, и кога неколку луѓе од ложата имаат увид во таа сметка - дури и да се случи источување на средства, тоа ќе биде криминал и полицијата веднаш ќе биде вмешана. Значи - парични злоупотреби, нема како да постојат со самата ложа. Доколку се собираат пари за донации - повторно, тоа обично се прави преку регистрираната фондација на самата Голема Ложа, а не преку индивидуални фондови, што повторно значи доста гломазен систем на проверки и на сигурност. Кога се прават лични донации, обично не се собираат пари на куп, туку се препорачува на секој член што сака да донира, да го направи тоа од лично име, директно за донацијата за која се бараат средства.
Во крајна сметка - дури и да се случи некоја злоупотреба (имаше таков случај токму во Србија пред години, кога заради проблематичната состојба со банките во тој период и заради хипер инфлацијата, голема донација од странска ложа беше дадена директно на човек, наместо да биде префрлена на сметка), човекот се исфрла од ложата и тоа е крај за неговото масонско членство. Самиот масонски систем, не дозволува да се толерираат такви пројави и веднаш следи исклучување.
Втор елемент на злоупотреба би биле контактите. Да, човек стекнува доста контакти за време на своето членување во ложата. Но... доколку се обиде да злоупотреби со макар еден од нив - тоа ќе биде прв и последен пат. Повторно, системот за внатрешна комуникација веднаш ќе го "елиминира" тој човек од секаква можност понатаму да се претстави пред друг масон како добар човек, на добар глас. Во минатото, ова бил малку побавен процес, заради методите на комуницирање. Денес е прашање на неколку секунди и кликање на копче.
Трет елемент - помош при постигнување на некаква цел. На пример - некој сака да се кандидира за член на парламентот и бара помош од браќата. Прво - браќата ќе му помогнат доколку сакаат, а не се обврзани да го сторат тоа. Односно, му помагаат како приватни лица, граѓани, а не како масони и ложата не смее да биде инволвирана по никаков начин во тоа. За да го сторат тоа, треба да го познаваат тој член доволно добро, и не е доволно некој да ти пристапи и само затоа што и двајцата сте масони, да побара од тебе да работиш за неговата кампања. Тоа едноставно нема да се случи.
Или - доколку има законски проблеми и бара помош од браќата. Може да му помогнат само во рамките дозволиви од законот. Доколку некој се обиде да го наруши законот за да му помогне, ќе го изгуби и сопственото членство. Дали има луѓе кои го сториле тоа до сега? Да, сигурно. И го изгубиле своето членство заради тоа. Има конкретно случај во Канада, кога полицаец е доста немарен во својата истрага против еден од осомничените, само затоа што се и двајцата масони, а излегува дека токму тој е виновникот. Тоа го чини полицаецот не само членство во ложата, туку и работата, а и тужба за кривична одговорност. Не смее да се дозволи некому да му се прогледа низ прсти, само затоа што е член на ложата. Со самото тоа се нарушуваат основните масонски принципи.
Беше спомнат случајот со Демирел. Искрено, не ми е познат, не сум прочитал доволно информација за конкретниот случај, но имам блиски браќа во Истанбул и ќе проверам што е нивната верзија на приказната. Моја претпоставка е дека доколку преценил дека животот му е во опасност, тогаш го негирал своето членство (што се разбира дека е дозволено). Имајќи во предвид дека во Турција на масонеријата никогаш не се гледало позитивно и до сега имало десетици атентати врз масони и масонски објекти - тоа ми звучи логично. Пак ќе речам, не се обидувам да оправдам ништо - бидејќи немам доволно информација. Кога ќе имам, ќе пишам повеќе.
.
