Бјорн - конкретно Кроули не бил член на нерегуларна ложа која води потекло од регуларна.За останатото се согласувам.
И пак истотo твое размислување...
Денешните „нерегуларни“ носеле иста наметка како вас и не почитувале одредени правила... и тие „нерегуларни“ денес, се стари масони
Не се денешни... да не зборуваме на памет.
Тие што биле регуларни масони, не ги знаат тајните на масонеријата? Зарем не можат да создадат нов иницијаторски систем, подобрен од вашиот со воведување на промени кои се проверени и функционираат? АКо гледам дека нештото пропаѓа и останува приземјено ( не покажува вистинска иницијација), не мислиш дека треба промена?
Ако не ве учат во масонеријата дека промената е добра, тогаш мислам дека или ти или јас не знаеме што е масонерија...
Тајните на масонеријата, како впрочем и на повеќето иницијатски друштва, не се состојат само во зборови. Односно, тоа што некој знае одредени зборови, знаци, симболи, не го прават да биде вечен масон. Ако решат да создадат нов иницијаторски систем - тоа е нов систем и не е масонерија. Масонеријата ниту пропаѓа, ниту е приземјена. Промената е присутна во масонеријата во се, освен во ритуалот. Кога некој решава да го менува масонскиот ритуал, за да одговара на неговите моментални идеолошки потреби, тогаш тој отстапува од масонството, а не обратно. Повеќето случаи на отстапувања од масонеријата се случиле, затоа што луѓе со многу цврсти ставови за тоа што е масонерија и каква треба да е масонеријата (ставови кои ги имале пред да се зачленат), се зачленуваат и гледаат дека масонеријата воопшто не е тоа што тие имале во својата глава. Наместо да го прифатат тоа, тие велат "вие сте отстапиле од вистинската масонерија, вие сте заборавиле што е вистинска масонерија, јас сега ќе ја возобновам". На тој начин создаваат нови, измислени учења, најчесто базирани или на лични визии, или на политички потреби и тврдат дека тоа е изворната масонерија. Малку посериозно проучување, покажува дека масонеријата никогаш не била тоа, што тие тврдат дека е. Обично одговорот на тоа е дека масонеријата отстапила од вистинското иницијатство, и дека не може да ја разбере вистинската езотеричка длабочина на тоа што тие го нудат... ова се повторува на секои 50-тина години, од најразлични организации. Повеќето од тие организации изумираат по 20-30 години, некои траат и повеќе (како ОТО).
Јас имам впечаток дека оние што вие ги нарекувате „нерегуларни“ ве надминуваат со своите поголеми можности за експериментирање во своите науки (имаат разновиден избор на личности, дури и од спротивен пол), науки кои ти еднаш ми рече дека не ги практикувате и јас заклучив дека сте станале само филозофи и правници кои се грижат само за својата јурисдикција на земјата, кои обвинуваат и кои заборавиле многу од старите занаети. Види ја книгата на Алберт Пајк: Book of the Words... Зарем не е полна со кабалистички зборови, кои даваат многу објаснувања за ритуалите, кои сепак не се американски или англиски (шкотскиот ритуал не е од Шкотска), нели
Денес во масонеријата кога се започнува со кабалата? 28 степен? До тогаш ритуалите ви се само правила?
Што значи тоа "надминуваат" во своите науки?! Секој член е слободен да се занимава со какви сака науки и во масонеријата има многу странични здруженија (на пример Розенкројцерите или таканаречените Придружни Степени), кои се занимаваат со голем дел од науките кои ти ги спомнуваш. Зарем Пајк не беше регуларен масон, и тоа доста строг приврзаник токму на правилата кои тука ги критикуваш...? Како тоа му попречи да се занимава со кабала? Патем, многу масони се занимаваат со кабалата, која не почнува да се изучува во 28-иот степен - официјално, не се изучува во рамки на степените.
Имаш многу погрешно разбирање за тоа како функционира масонеријата, а за жал, имаш идеја дека перфектно ја разбираш... Пред се, имаш погрешно разбирање за целта на масонеријата.
Не знам дали е претходно одговорено ова прашање:
Зошто жената не треба да се иницира? Кој имал проблем со жената и иницијацијата?
Зошто иницирањето на жена ќе смета да постои ложа? Толку моќ има една жена?
Или да барам сам да најдам дел од ритуалот па да го прокоментирам тука?
Две причини - традиција и ритуал. Ритуалот треба од корен да се промени ако се примат жени. Нема потреба од тоа. Има организации каде што може да членуваат жени - си постојат сосема слободно.
Кажи ми за Орденот на Мемфис и Мизраим - се масони или не се?
Тоа е еден од најспорните моменти во масонеријата. Основачите на орденот тврдат дека откриваат тајни Египетски манускрипти, кои содржат масонски тајни, но сепак излегува дека не е ништо повеќе од типичната Западно Европска фасцинација со Египет и нивната култура од крајот на 18тиот и почетокот на 19-тиот век. При малку посериозно читање на ритуалот на Мемфис/Мизраим, се гледа дека е измислен ритуал. Ритуалот во регуларната масонерија изумира и повеќе не постои. Пред извесно време се појавија нови групи кои тврдат дека го возобновуваат, но тоа повторно, се нерегуларни групи (во случајов, возобновуваат неавтентичен ритуал).
Знаеш, сево ова со нерегуларноста ми доаѓа како дирекна последица од мешањето на јурисдикциите на различи масонски ордени, со кои не можете да се разберете... Ваш проблем, мислам дека сепак грешите... Не се разбирам во правните работи на Земјата.
Воопшто не е така. Има регуларност и има признавање. Регуларноста зависи од следењето на античките правила, а признавањето има врска со јурисдикцијата. Една ложа може да е регуларна, но да не е призната.
П.С. Провери историјата на О.Т.О. од каде доаѓа, па потоа такви изјави. На нет ќе пронајдеш извори и дека не постои О.Т.О. воопшто, но и дека има врска со многу масонски ордени
П.П.С. Еве и линк до книгата на Пајк, за да видат и другите, за да не бидат излажани од „нерегуларните“ :
http://www.hermetics.org/pdf/masonry/Albert_Pike_-_The_Book_Of_The_Words_raw.pdf
Знам дека ОТО постои, знам и доста детаљи за нивното учење и историја. ОТО никогаш не било поврзано со ниедна регуларна масонска организација. Во својата основа - содржат сосема спротивставени идеи и нема ни како да бидат поврзани.
--- надополнето: Nov 17, 2011 5:09 AM ---
...........................................................................................
Во повеќе текстови на интернет се дава голема важност на француската масонерија, па еве и вие со некоја доза на почит коментирате за нивното потекло. Иако се нерегуларни сепак уживаат голема почит,а и по бројот на членови може да се увиди нивното влијание и важност во светот. Мислам дека на википедиа има податок за нивните членови, односно за бројка од еден милион членови(што секако е за респект), сепак англиската масонерија е далеку пораспространета со бројка од околу 4 ипол милион членови ширум светот( фантастична бројка ).
Grand Orient de France, има нешто помалку од 80,000 членови во Франција, и не повеќе од 20,000 низ светот. Ни оддалеку не може да станува збор за бројка од милион. Вкупниот број на нерегуларни членови на масонски и квази-масонски организации во светот не надминува бројка од 600,000 во моментов, при што најбројни се LDH, со околу 300,000 членови.
Големиот Ориент почнал како легитимна и регуларна ложа. Во втората половина на 19тиот век, решиле да отстапат од регуларноста и со тоа престанува нивното постоење како регуларна ложа. Од нив се произлезени други Големи Ложи, од кои две се регуларни, а една е призната (Големата Национална Ложа на Франција).
За шарлатантот од Србија (Чеда Вукиќ), многу ме заинтересиравте и пребарав на нет, па има еден куп интервјуа со него во повеќе угледни весници во Србија и ниту еден демант од страна на друга регуларна ложа во Србија. На српските форуми се пишува дека станува збор за човек кој има огромен број на членови за една балканска држава, околу 950 членови(во Србија и Македонија), а и како што прочитав од нивната страна ( од ложата на тој Чеда Вукиќ) има членови кои се декани,доктори,генерали,адвокати,директори.....и сл. на угледни институции и јавно се изјаснуваат за припадници на масонеријата. Зарем тие угледни и едуцирани личности не се вистински масони!?
како еден плус кој додека го пишував текстов, пишува дека е Knight Templar po redot na York Rite(od USA) со огранок во Манхајм(Mannheim) Германија.
Чеда Вукиќ го пишува по весници, затоа што трча насекаде за да дава интервјуа, за разлика од другите масони во Србија, кои се доста повоздржани (иако имаат и тие доста јавни изјави). Тоа што има угледни личности, значи дека тие угледни личности биле доволно наивни и неинформирани за да се зачленат кај него. Во моментов има неколку судски спорови против Вукиќ, а како што реков - човекот дебело го наплаќа тоа што го прави. Не е никаков Темплар, тоа е чиста глупост. Не може да биде темплар, а да не е ни член на регуларна ложа, особено не на регуларен York RIte. Повеќе од 90% од тоа што го изјавува во интервјуата не е вистина и заради тоа и има законски проблеми со многу луѓе.
Кога сме кај Германија, таму постојат повеќе различни големи ложи кои со текот на времето се соединиле во еден сојуз Обединети Големи ложи на Германија, зарем такво нешто не е возможно во Србија па и во Македонија, зашто да не се искористи сиот тој потенцијал на масонски ложи да се соберат под една капа?
Не е баш така... Обединетите Големите Ложи на Германија се формирани на тој начин, затоа што за време на нацистите, масонеријата била забранета. Кога повторно се формира, веднаш по војната, се формира од различни странски ложи, но и од оние кои биле претходно членови. Проблемот е што Германија во тоа време не постои како држава, туку е поделена меѓу окупационите сили, што доведува до формирање на различни Големи Ложи. Неколку години подоцна, тие Големи Ложи (од кои речиси секоја води потекло од различна традиција), се обединуваат под една капа. Во однос на масонското право и комуникација, единственото правно признато масонско тело во Германија се Обединетите Големи Ложи на Германија, а поединечните Големи Ложи работат во нејзин склоп. Разликата меѓу нив и Србија или особено со Македонија е тоа што тие сите имале легитимно потекло, регуларен статус и постоечко взаимно признание од други регуларни признати и регуларни ложи, кои потоа го пренесуваат признанието на обединетото тело. Во Македонија и Србија, освен ГЛМ и РГЛС, сите други ложи се нерегуларни и соодветно - не се масонски. Соодветно, не може да постои обединување, затоа што на тој начин, регуларните би ја изгубиле својата регуларност.
Па и самата Англија и требало долго време за да се обедини околу еден правец, и таму имало повеќе масонски редови кои потоа се здружиле (иако тоа било пред 200 години)
Повторно случај на регуларна ложа која се разделува на две крила, и при тоа и двете задржуваат регуларност. Спорот е околу тоа која од античките традиции да се следи, а не од аспект на јурисдикција, регуларност и слично. На крај, кога се воспоставува договор, ложите од двете традиции продолжуваат да постојат непречено.
Сум читал за различни сојузништва во масонски ложи и ме чуди твојата негација на ваквата појава за соединување на регуларни со нерегуларни ложи.
Нема пример на нерегуларна ложа која да стане регуларна. Непризната ложа може да стане призната. Признавањето и регуларноста се две сосема различни прашања. Призната ложа, мора да е регуларна. Регуларна ложа, не мора да биде призната. За да се регулира една ложа, членовите не е доволно да преминат од една јурисдикција во друга, мора повторно да поминат низ целиот процес на иницијација. Тоа на пример се случува масовно во Србија, каде што членови од различните нерегуларни ложи, преоѓаат во регуларната, но почнуваат од почеток.
Исто така ме интересира што знаат членовите во форумов за Бугарската масонска ложа(знам дека биле формирана од масонската ложа на Југославија, па се појавиле големи проблеми), како функционираат денес,
Во Бугарија има една регуларна Голема Ложа која се формира од Обединетите Големи Ложи на Германија и единствена призната во тоа време. Подоцна, дел од таа ложа се одделува и продолжува да работи непризнато, дел продолжува да работи признато. Во исто време, Големата Ложа на Југославија (во тоа време сеуште регуларна, на почетокот на 90-тите), формира друга Голема Ложа, која е регуларна по потекло, но непризната од другите Големи Ложи, а наскоро ГЛЈ се растура (што е сосема друга приказна). Подоцна, признатата Голема Ложа на Бугарија се соединува со регуларната, но непризната Голема Ложа формирана од ГЛЈ, и формираат Обединета Голема Ложа на Бугарија. Ова е случај на две регуларни ложи од кои едната призната, едната непризната, се соединуваат. Сосема различно од тоа регуларна и нерегуларна да се соединат. Во моментов функционираат доста добро и масонеријата во Бугарија е многу активна и многу силна. Непризнатата ложа (која се огранува од првата Голема Ложа), сеуште постои, но многу членови преминуваат во признатата...
исто така ме интересира и за Грчката Масонска Ложа која била комплетно згасната во деведесетите поради мешање во спорот меѓу Кипар и Турција, и потоа повторно била формирана,
Големата Ложа на Грција не згаснува, туку признавањето и е одземено од страна на Англија, а набргу потоа и од сите други Големи Ложи во светот, заради јавно мешање во политика, што е забрането. Не ја губат регуларноста, но губат признание. Не престануваат да постојат! Голем број на ложи се одделуваат од таа Голема Ложа и формираат нова Голема Ложа, која добива признание и од УГЛЕ и од многу други ложи во светот. Во моментов, има две Големи Ложи - една призната, една непризната (речиси згасната).
исто така ме интересира и за Ложата во Италија која поради одредени криминални дејности била комплетно затворена и друга нерегуларна ложа била призната за регуларна и ја наследила во работењето...
Не е заради криминални дејности. Италија е еден од најинтересните случаи - има две регуларни Големи Ложи, од кои едната е призната од УГЛЕ и од одреден број Големи Ложи, додека другата е призната од друг број на исто така регуларни и признати Големи Ложи. И двете функционираат сосема добро и до сега не се случил проблем во меѓународни рамки во врска со овие ложи.
(повторно - станува збор за признавање, не за регуларност!)
Доколку некој има повеќе време и познавања околу масонството би сакал да ми одговори на сите поставени прашања, многу интересна тема, ја проучувам повеќе од четири години.
Познавања доволно, време не толку... Кога ќе можам, ќе пишам. Претпочитам да поставуваш по едно прашање во пост, па кога ќе се одговори на тоа прашање, да преминеме на следното, затоа што инаку настанува хаос...
