Сите напредни мислители, сите луѓе кои го сваќаат божествениот план ја посакуваат и планираат солидарноста на човештвото; а патриотот, во ограничената и разбеснета смисла на тој збор, е предавник на вистинските интереси на човекот.
Може некогаш да е потребно да се брани еден локален дел од човештвото од агресија; но дури и ова мора секогаш да се прави со ментална резевираност: "Нека ова биде војна доилка на поцврст мир; нека води оваа расправија кон подобро разбирање; нека води оваа поделба кон повозвишено единство".
"Најголеми човекови непријатели се неговите домашни", и налошите непријатели на секоја нација се нејзините ништожни патриоти. "Патриотизмот е најголемото прибежиште на кукавицата".
Намерното антагонизирање меѓу нациите е најбудалест криминал. Кај нациите кој војуваат, печатот ги разгоре страстите на неуките и ја вовлече Европа во војна. Ако беа луѓето едуцирани и нашетани, тие немаше да ги слушаат тие харписки пискотници. Неделото сега е направено и останува на нас да го поправиме најдобро што можеме. Ова треба да биде нашето мото: "Човештвото пред се".
Сите луѓе кои генерализираат околу нациите: "Сите Германци се убијци" - "Французите сите се прељубници"- "Англичаните се снобови" - "Русите, сите се пијаници" итн, мора да се замолчат. Треба да одбиеме да го слушаме секој оној кој несваќа дека цивилизацијата е на клада, дека дури и сега Европа може да биде толку ослабена, што ќе падне жртва на силите на атавизмот, дека по војната ќе следи банкротство, револуција и глад, и дека дури и во наше време Кулата на Вековите може да се распадне во непрепознатливи руини.
Мораме да одбиеме да го слушаме секој оној кој одлучно не ги отфрлил ограничените интереси, сите национални страсти, кој неможе да гледа на ранетото човештво со широк, јасен поглед, ладно а сепак сочувствено, како хирург, или оној кој не е цврсто решен да го спаси животот без обзир на тоа што ќе загуби одреден екстремитет.
Препород на Магиката - Човештвото пред се
Алистер Кроули.
...
