Nonteizam: целосно си ја утнал работата, се надевам не по партиска линија бидејќи тоа што си го напишал се големите “аргументи“ на опозицијата кои ги слушаме деновиве.
Прво, извештајот е ПОЗИТИВЕН. Тој е за малку подобар од извештајот минатата година кој пак беше најдобар досега. Значи во старт ти паѓаат тезите.
Второ, Мирка Велиновска и многу други реагираат на (напумнаните) делови во тој извештај кои се користат да извршат притисок да го смениме името. Tреба да си слеп за да не приметиш каков беше односот и како ни се обратија Фуле и Александра Кас Грање, а тој однос да го оправдаш со тоа што ќе кривиш некој друг.
Трето, ЕУ ја достигна точката на кршење. Сегашната финансиска криза во ЕУ се должи на класична состојба на системска несинхронизација. ЕУ не е еден систем, туку збир на запчаници што би требало да се вртат синхронизирано. А тоа не се случува управо заради тоа што на различни страни и начини ги навиваат, како на пример со Јунанистан против Македонија. И затоа мораа да зарибаат гадно. Ова што го гледаме сега со извештајот е симптом на зарибаната, дволична и корумнпирана политика на ЕУ. Македонците со право реагираат, како впрочем и многу други народи во земји кои се членки во ЕУ.
Како може извештајот да биде позитивен ако во секое поглавје е нагласено дека е направен „многу мал“, „недоволен“ или „неуедначен“ напредок? Како може извештајот да биде позитивен ако Македонија е оценета како земја со „многу мал“ напредок?
Фразите на Латас од типот „ова е најдобриот извештај досега“ се манипулација и извртување на вистината.
Не треба да сме многу политички едуцирани за да го разбереме речникот на Фуле:
мал прогрес - значи дека земјата не соработувала добро со ЕУ,
извонредниот напредок на Србија - значи дека мора да се осврнат на прашањето со Косово (ситуација во која се наоѓавме пред 3 години), а
вистинскиот прогрес на Црна Гора е мотив за земјата дека е на правиот пат.
Треба ли да се правиме слепи и да премолчиме дека се она што беше усвоено како европски закон е далеку од спроведувањето на терен? Треба ли да се правиме мутави и да не признаеме дека „штанцаните“ европски закони не успеваат да профункционираат во пракса? Па дај да не се лажеме, малиот прогрес е поради тоа - но би бил многу многу поголем доколку се вложел барем мал напор ова да профункционира на терен.
„Малиот прогрес“ на Филе значи дека земјата глуми европеизација, додека се повеќе ја враќа земјата наназад - кон загрозување на демократијата, кон дерогирање на правото, кон владеењето преку страв и кон антиквизацијата на културата.
Најпосле, извештајот во делови е и премногу благ - изборите се оценети како успешни - додека во практиката имавме избирачки список од 1 милион и 820 илјади гласачи и брутален притисок кон државната администрација да гласа за партијата која им обезбедила работно место или услуга. Нема везе.
Кои се тие напумпани делови од извештајот кои ги изнервираа Груевски и Мирка (и дел од јавноста очигледно)? Партизираната гаргантулска администрација? Корумпираното судство? Партиските медиуми?
Што ги возбуди од тоа?
Треба да се лажеме помеѓу себе? Зарем критиките во овие области се „напумпани“? Секој ден имаме фрустрации од неспособната администрација, од неможноста да ги оствариме своите права и од тоа што сме селективно информирани... можеби некој е задоволен со тоа, јас, извини, не.
Во третата поента, се сложувам со тебе. Но ЕУ е жива материја. Тоа што не функционира се менува, запчаниците што чкрипат се подмачкуваат (морално или неморално - тоа е тоа), политиката на ЕУ секогаш ќе биде најпрво насочена кон својот интерес и заштита на истиот, па дури потоа кон земјите кои се кандидати за тоа членство и кои секогаш се во второстепен приоритет (за мене потполно разбирливо). Затоа е подобро да си внатре отколку надвор. Затоа е подобро да бидеш еден од оние кои ќе одлучуваат и кои ќе дискутираат за европските проблеми, отколку да бидеш изоставен и да одлучуваат за тебе.
Најпосле, дали ние мислиме дека Европа ќе не милува и ќе не гали цело ова време? Дипломатијата е немилосрдна... додека ги имавме на своја страна извештаите беа позитивни и реални, сега кога ги изгубивме одеднаш истите се „напумпани“ со негативности...
Специфичниот тон на Европа е поради тоа што постојано правиме глупави чекори, што постојано правиме тоа што не треба да го направиме.
Устите на власта беа полни со Европа и интеграциите кога бараа гласови и кога се шеткаа по прогресивниот свет, сега одеднаш тој изгледа толку злобен кога ќе ни акне шамар бидејќи цело време им пркосиме и ги провоцираме.
Треба веќе да разбереме дека ЕУ не не моли нас, туку ситуацијата е обратна... и треба да се свеснеме дека со неа неможеме да си поигруваме, како што се прави тоа со домашното „јадно“ население.
Тоа ти е како кога сакаш да смуваш убава женска, некогаш ќе мора и да истрпиш и мали понижувања и критики за да бидеш со неа - затоа што ти си заинтересиран, не таа.
П.С. За моите ставови кои се подудараат со тие на опозицијата (иако тоа повеќе ме навредува со оглед на „квалитетот“ на опозицијата)... веројатно е така затоа што Власта е одговорна за сево ова. Одговорноста неможе да се префрла. Власта носи одлуки во име на народот и јас лично не сум задоволен со одлуките кои таа ги носи... дали тоа ме прави опозиционер? Да! Дали тоа ме прави СДСМ-овец? Не!
Јас неможам да го оправдам тоа што сме се подалеку од НАТО и ЕУ, неможам да го оправдам тоа што премиерот вчера арогантно и дрско се конфронтираше со Европа без основана подлога, неможам да ги проголтам медиумските манипулации и неможам да преминам преку срозувањето на демократијата... Сепак, очигледно е дека мнозинството може да замижи на сево ова - така да „владеењето на народот“ ме победува како и да ја вртиш работата.
