Феноменот: "Дете од фамилија"

[zmej gorjanin]

Не знам што има тука за бунење.Се знае кои бракови се најсреќни оние кај кои и машкото и женското имаат сличен социјален статус.Неможе некое девојче било малце поубаво да му замачка очи на дете од фамилија.Со кој памет тие фирмашите би седнале со другиве да наздрават за своите деца, или кога ќе одат едни кај други.
Замисли како би било тоа девојче растено во такво семејство одма на коњ да се качи,какво ќе се однесува,дали нејзе ќе и пријатно таа да живее таков а нејзиното семејство друг живот.
Сега знам ќе се нафрлите застарени мислења ова она,ама мислам тоа е реалноста.

Да беше тоа рецептот за успешен брак многу лесно ќе беше

 

[methMKD]

пааааа не тоа толку за финансиската состојба колку што е за табиетот , наследните болести и слично значи прашувале од која фамилија аа од таа тие лоши се вакви такви и слично ...

 

[Chemical Angel]

Прво ова не е комунистичко, од стари е останата мислата, Куче да е од фамилија да е. Затоа што денешните моми кога ќе ги видиш, намерисани, дотерани ќе речиш ту изгледа многу добро, ама има нешто скапано во неа или како што баба ми кажуваше од надвор мирише, у натре шмрде (со чести исклучоци).
Тие мисли на старите не се за џабе кажани и пренесувани од колено на колено биле перципирани и после одредено време сето тоа наблудување се собира во мисла, две кое се пренесува од поколенијата. Тоа ги научил животот и да не ги тргат истите маки нивните поколенија му ги пренесувале, што е сосема човечки.

 

[Беркут]

ја каа че се женам, че гледам мене женската да ми одговара.......
ич на гз не ги ставам другите шо че речат

 

[Hank Moody]

Во денешно време колку што пратам околу мене оваа појава постои ама модифицирана е некако.Не само родителите тука самите машки или девојки бараат нешто слично на она што се .Познавам девојка која сега веќе е во брак но со човек како она го нарекуваше од нејзината елита ,за неа не сфатливо беше Цитирам "како е можно јас позната во мојата професија да се омажам за некој никаков без кариера некој што едвај ќе преживее" .Има и такви кој по наредба на родителите само за доброто на семејството се втурнати во брак но дел од нив кој ги познавам се разведени.

Мене не ми делува тоа нормално партнер според мене се бира по други критериуми не по елита,професија и општествени кругови ,хипотетички да зборам за моите деца неможам зашто ги немам и незнам како би се поставил ,секое време носи некој чудни работи.

 

[arakenx]

...."од фамилија" ...денес асоцира на матријална состојба и слично....но порано тој израз имал многу подруго значење....односно главен фактор бил генетското наследство......доколку во фамилијата имало случаеви на ментални заболувања, деформитети, наследни болести и слично....претпоставувале дека тоа може да се одрази врз идните поколенија.....
....затоа било важно да се познава фамилијата (пошироката фамилија) на брачниот партнер.....
....денес бракот и проблемите се само на брачните партнери односно секој сам за себе...фамилијата како поим го изгубила значењето...но порано фамилијата не подразбирала само крвно сродство...неуспехот на било кој член од фамилијата подразбирал срам за целата фамилија...односно промена на опшествената состојба на сите членови од фамилијата

 

[PurplePuma]

Од моите родители дирекно - не. Имуни се на малограѓанштина.
Од поширока фамилија да.
Како решив?
Им реков дека за мојот живот одлучувам јас и само јас, и дека вредноста на нивното мислење е во минус влезена.

 

[RocknRolaa]

Претпоставував дека повеќето ќе ја поврзат темава со туѓа материјална состојба. Иако тоа е дел од проблемов, јас повеќе сакав да дискутираме за другите видови дискриминација што спаѓаат под ова прашање. Пример, мал физички деформитет, дете на разведени родители, дете на самохрана мајка, дете на човек кој е во затвор. Страшно е колку децата може да ја носат вината и судбината на своите родители без никаква своја вина. Ако некој одрасне со алкохоличар покрај себе зарем треба да биде отфрлен на таа база? Што е некој виновен што татко му се претворил во монструм? Или зошто некој би требало да плаќа за тоа што мајка му останала бремена, а татко му ја оставил?

Патем, децата од дом мислите дека се третирани како што треба, најнормално како останатите? Пред некоја година слушнав приказна за локалниот свештеник кој чествува тука во црквава каде живеам, која ме воодушеви од човечки аспект. Неговата ќерка се заљубила во дете од дом за деца без родители. Човекот го прифатил дечкото како свое дете и тоа јавно го објавил на нивната свадба.
Некако не ми се верува дека денес сите го имаат истиот капацитет како него. Јас ви зборувам за комплетно нечовечен третман, дискриминација по основ на туѓа или непостоечка вина.

 

[Lyon Bold Italic]

не ми е битно од кај е ниту од која фамилија потекнува, битно е да е вистинската

 

[indigo child]

Друг муабет е сега ова ( :
Мислам дека оваа ствар најчесто се дешава поради генерализациите..
Не секое дете кое изглегло од фамилија со татко алкохоличар е добро воспитано, на правилен начин. Најчесто таквиот татко физички ги малтретира сите членови во фамилијата, децата немаат услови за правилен психо-физички развој.
Не секое дете кое излегло од дом за сирачиња е чесен човек. итн итн.
Секој родител си го гледа најдоброто за своето дете и не сака да ризикува утре ден среќата на неговото дете да биде уништена.
Не е никаква гаранција дека ако ќерката се земе со некој од „добра фамилија“ врската ќе им опстои и ќе бидат среќни и животот ќе им биде хармоничен, ама ете, иди објасни им на стариве.
Имам пример од блиски, каде мајката и таткото на девојката им ја забранија свадбата на младенците (и покрај тоа што девојката беше бремена) само заради тоа што дечкото немал факултет и неговите родители биле „прости“.
Се дешава.
Јас се надевам нема да имам такви предрасуди како родител, иако имам тенденција (поттикната од моите дома) да барам влакно во јајцето и да им наоѓам маани на луѓето. Се молам да немам.

 

[The Goddess]

Друг муабет ама пак истиот. Не мора да значи дека ако таткото бил пијаница и синот ќе биде ама тука голема улога игра мајката. Ако мајката е стабилна нормална личност голема е веројатноста дека децата ќе бидат многу различни од таткото. Значи муабетот е барем еден од родителите да биде стабилен за децата да израснат во нормална средина. Тоа е тоа, иначе сите знаеме дека беспрекорно среќни семејства не постојат, во секое семејство има по некоја мана ама прашањето е дали таа маана е пресудна.

Забрани чисто врз база на етикетирање не оправдувам, ама ако моите родители ги познаваат неговите родители и ми забранат од некои X-причини тогаш ќе се подразмислам малку. Истото и јас би го направила, знам со какви луѓе сум раснела и со какви живеам и утре кога ќе дојде ред детето мое да бира многу јасно дека ќе му нагласам "Еј, чекај, пази што правиш, овој вака и вака.." ... и тоа

 

[PurplePuma]

Претпоставував дека повеќето ќе ја поврзат темава со туѓа материјална состојба. Иако тоа е дел од проблемов, јас повеќе сакав да дискутираме за другите видови дискриминација што спаѓаат под ова прашање. Пример, мал физички деформитет, дете на разведени родители, дете на самохрана мајка, дете на човек кој е во затвор. Страшно е колку децата може да ја носат вината и судбината на своите родители без никаква своја вина. Ако некој одрасне со алкохоличар покрај себе зарем треба да биде отфрлен на таа база? Што е некој виновен што татко му се претворил во монструм? Или зошто некој би требало да плаќа за тоа што мајка му останала бремена, а татко му ја оставил?

Патем, децата од дом мислите дека се третирани како што треба, најнормално како останатите? Пред некоја година слушнав приказна за локалниот свештеник кој чествува тука во црквава каде живеам, која ме воодушеви од човечки аспект. Неговата ќерка се заљубила во дете од дом за деца без родители. Човекот го прифатил дечкото како свое дете и тоа јавно го објавил на нивната свадба.
Некако не ми се верува дека денес сите го имаат истиот капацитет како него. Јас ви зборувам за комплетно нечовечен третман, дискриминација по основ на туѓа или непостоечка вина.

Не смеат да дискриминираат во никој поглед и никој случај.
Можат да мислат што сакаат, не смеат мене да ме замараат со тоа.
Зошто најмногу што ќе добијат, е да ги избришам од животот.
Не зошто тој ми е повреден од нив, туку зошто тие не почитуваат мое мислење, кое е единствено релевантно во мојот живот.
Татко ми на времето нешто ми мрчеше не сакал јас со муслиман никогаш, се друго се прифаќало. Јас убаво му објаснив дека ако јас решам да бидам со муслиман, тој може само да гледа, или да ме поддржи. Ама јас да испочитувам такво идиотско мислење нема.

 

[beneamata]

Со една од Драчево што се бафтав (пред 156 години) ми рече дека дома и рекле „од кај сакаш фаќај дечко, само немој од Драчево“. Јбг... секакви има.

Инаку, ако дозволувате вашите да ви се мешаат во врските и да ви кажуваат со кого да бидете или со кого да не бидете, подобро седете си дома и бидете само со вашите.

Потполно ист случај и кај мене, само не беше од Драчево

 

[Рудници и]

Се е до генерализации и ништо не е фиксно.Се е променливо.Зато ако нешто ви се продават филм од дома спремајте си ги совреме дека важноста на нивното мислење намалила на вредност кога се мешаат во вашиот личен живот.И супер после се.А за околината не се замарајте ,вака или онака сонцето утре пак ќе е од исток излезено.

 

[Vespertine]

ја сум феноменот “Дете од Фамилија“. И брига ме.