11 Октомври-Вардар 30.07.2011
Одлично прво коло, како на трибината, така и на теренот. Вардар го победи 11 Октомври со 1:0.
Во Прилеп отидовме 3 преполни автобуси и неколку коли . Бевме вкупно над 200 луѓе, што е одлична бројка за овој период од годината кога повеќето се на одмор.Исто така треба да се има во предвид дека станува збор за викенд пред празник. Два автобуса тргнаа од Скопје и еден од Охрид. Во Скопје тргнавме во 14:30 часот, па поради тоа доцневме на натпреварот 30тина минути. Доцнењето беше и поради малото кружење додека да стигнеме до стадионот, кое беше предводено од страна на полицијата.
Што се однесува до другиот автобус од Охрид, мора да се напомене дека неможе да помине натпревар , а Чкембари да не помислат на своите идоли. Изгледа нивната парола "Каменковци" се однесувала за самите себе. Кога автобусот поминуваше од Битола истиот беше каменуван од нивна страна. Но нивниот "храбар" потег тука и заврши. Кога се симнавме да се пресметаме, нив ги снема веднаш. Штом избегаа во нивниот град, тогаш што останува кога ќе бидат во Скопје или на некое неутрално место ?
Што се однесува до Прилеп, сонцето не беше пречка за одличното навивање. Како секоја сериозна група , навивањето беше проследено и со кореографија. Кореографијата беше наменета за земјотресот во 1963 год. Прво имаше едно-минутно молчење па следеше песната "Поплави земојтореси, Скопје го рушеле, Скопје пак се изгради.. .." На нашата кореографија Мајмуни пееа против Скопје т.е за негово рушење. Само за потсетување, ние бевме меѓу единствените што извадивме парола во чест на починатите војници во 2001 од Прилеп. Но сепак, неможе да очекуваме сите да бидат едуцирани и да имаат барем малце памет. На 10 миниути пред крај прилепската полиција не избрка. Тука имаше провокации од обичната публика и мал инцидент надвор со полицијата.
Следната недела играме против Работнички во ноќен термин .Да се собереме во голема бројка и да одиме во поход на вторите 3 бода.
Слики и видео ќе следат наскоро.
www.komiti.org
