Последен гледан филм со кратка рецензија

[TheFrisb]

Може предлог за некој документарен филм во врска со вселената како Американците слетале или не слетале едноставно уживам кога гледам такви филмови.

 

[Mark Renton]

Killing me soflty (2002)
http://www.imdb.com/title/tt0250468/

this movie made me fucking horny.. Али најозбилно.. Го гледав во перфектна атмосфера
Драма,мистерија и тешка романса.. Преубави секс сцени од кои ќе ви застане здивот.. Дефинитивно би применувал некои од тие пози =)
Девојка што го напушта тогашниот дечко, за да биде со друг кој и нуди прекрасен секс и за многу брзо време стапува во брак иако незнае ништо за него.бла,бла,бла... Многу расплети и преплети, добар соундтрак..

Оцена - 10/10.. Доста еротичен филм

 

[Koko Roko]

X-Men: First Class
Дејството започнува во 1944г. во Полска каде што Нацистите ги откриваат способностите на Eрик како мало момче, додека од друга страна Чарлс ја запознава Мистик.
Во подоцнешните години доаѓа до средба помеѓу Чарлс и Ерик каде што се здружуваат и почнуваат да регрутираат мутанти со помош на ЦИА..
Филмот не баш како што очекував но излезе доста добар иако има и по некоја лигава сцена.
Според мене 7/10

 

[bucio]

PRIEST.


Попот намерно не го гледав со камера квалитет ама добро што го нашол некој со R5 Xvid формат да го стави, не се разбирам многу ама добра снимка беше.
Па добро се живее во биполарен свет помеѓу вампири и луѓе, и меѓусебните војни и уништување и во средина на приказната се поповите кои што се специјализирани за убивање на вампири. Акцентот нормално дека се става врз еден лик и околу него се врти цела приказна. Добри ефекти добра приказана и добро филмче.

 

[Iceboy]

Hanna

Дочекав убава снимка и не зажалив за чекањето. Одличен ми беше филмов мене. Добра приказна, добри актери, добра глума, добра приказна.
Се работи за Хана, девојче кое своето детство го живее во шумата заедно со својот татко. Мајка и е мртва, а во шумата татко и ја тренира да може во секое време да се одбрани од секоја опасност и ако е потребно да убие се што и стои на патот. Во еден момент ќе реши дека е спремна да оди во бруталниот свет каде што е на задача да ја најде Мариса - агентка која порано работела со татко и.
Супер беше претставен ликот на Хана. Прво нејзината снаодливост во шумата, а потоа и во вистинскиот свет каде што мораше да прави се и сешто за да успее да преживее. Освен таа Хана беше претставена и тинејџерката, која сепак сака да си најде другарка, сака да има некој со кого ќе може да разговара и да си ги подели тајните. Се направи една одлична релација помеѓу тие две Хани. А и девојчево која што ја глумеше сетоа тоа го одглуми феноменално, уште толку си го издигна ликот погоре.
Е сега филмов си имаше свои мани и некои многу чудни сцени кои им беа стварно пропусти, ама да не навлегувам во нив.
Кога ќе собереш и одземеш се на се, филмов е одличен.
8/10

 

[Violent Femme]

Suburbia-(1984)
Eван бега од дома и оди во едно сиромашно и фрагментирано општество каде што се здружува со панкери и скинери и сите тие живеат заедно се додека не се случи една трагедија која ги разделува.

 

[Figaro]

Modigliani 2004

Ремек дело е филмов , дури пред некој ден го гледав . Приказната е за двајцата сликари Модиљани и Пикасо , нивното ривалство . Несомнено и двајцата имаа голем талент , но Пикасно за разлика од Модиљани усепал многу во тој бизнис ,неговите дела се однапред продадени , додека Модиљани е посветен на пиењето алкохол и нема многу клиенти и едвај преживува . Расплетот почнува кога ќе биде објавен конкурс за најдобра слика кој се одржува во Париз. Модиљани го глуми Едни Гарсија , кој според мене феноменално одглуми. Од мене филмов има 10/10

 

[Eddard Stark]

Citizen Kane
Филм кој веројатно на поголемиот дел од вас им е познат, од многумина сметан за најдобриот некогаш снимен филм. Е сега од тоа не произлегува секогаш нешто добро, бидејќи кога со толку големи очекувања се одлучуваш да гледаш одреден филм, големи се шансите да бидеш разочаран. Затоа најдобро е да се тргнат сите тие работи на страна, и со ладна глава да се проследи филмот. Токму тоа јас и го направив со CK.
Да почнам прво со тоа колку револуционерен е овој филм, кога станува збор за филмските ефекти. Снимен е во 1941 година, и претставува режисерско деби на големиот Orson Welles. Начинот на кој филмот е сниман и иновативните визуелни ефекти нема да ве остават рамнодушни, дури и за денешни стандарди претставуваат нешто посебно. А тоа што го направило филмот уште попривлечен за тогашната публика е главниот лик Charles Foster Kane, кој што по многу работи е сличен со вистинскиот медиумски тајкун William Randolph Hurst (оние поупатените знаат за кого станува збор, пионер на сензационалистичкото новинарство...).
Филмот започнува со смртта на Kane, и последниот збор кој што излегува од неговата уста - Rosebud.
Уредникот на еден весник е убеден дека позади тој збор, се крие нешто многу важно и на своите репортери им дава задача да го дознаат вистинското значење на тој збор. Како што напредува истрагата на еден од репортерите, толку повеќе дознаваме каква всушност била животната приказна на овој медиумски магнат. Со оглед на популарноста на зборот Rosebud, дури и ако не сте го гледале филмот веројатно претпоставувате каква е позадината, и која поука се извлекува на крајот.
Морам да напоменам дека не е нешто особено забавен филм (времетраењето на филмот е 2 часа) и не е многу лесен за гледање, но остава прилично добар впечаток (се разбира, in the end, токму тоа и го сакаме од филмовите).
Морам да признаам дека иако не би можел да го сместам во моите најомилени филмови, имам огромна почит за CK, со оглед на тоа што е еден од највлијателнитe филмови во кинематографската историја.
Мојата конечна оценка за Citizen Kane е 8/10

 

[kalimer0]

Sisanje / Skinning (2010)

Српски филм во кој се зборува за српските скинхеди.
Новица е младо момче, добро во математика и има другар скинхед. Неговиот другар ќе го навлече во својата организација и така една ноќ додека е пијан, Новица брутално ќе претепа еден ром до смрт. Тој се кае за тоа но подоцна почнува да се бори за своите идеали.
Во филмот исто е прикажано како полицијата прави зделки со мафијата.

 

[Violent Femme]

Биографска приказна за Sid Vicious - басистот на британската панк група "Секс пистолс" и неговата девојка Ненси. Кога Sex Pistols се распаѓа по катастрофалната турнеја во САД Сид е во канџите на хероинот. Едно утро, Нанси е пронајдена избодена до смрт и Сид е уапсен за нејзиното убиство.

 

[babarabatin]

vkusovite se zaebana rabota..pred dva dena go gledav,,Hanna,, i ekspresno se probi na vtoro mesto na mojata lista na najloshi filmovi...ke pishuvav za da ve spasam od zaludno zagubeni saat i polovina od zivotot no se otkazav so nadez deka ke mi e polesno znaejki deka i nekoj drug ja doziveal istata maka.Ako od ljubopitnost veke reshite da go gledate,mal tutorial...play..prvata recenica...fastfwd...poslednata recenica..eject...end of story,nishto ne ste ispushtile,a i najvaznoto ste go videle.Iskreno,probajte go ovoj nacin,a posle ako sakate gledajte go cel,ke razberete sho mi beshe muabetot.Takvi dupki vo prikaznata,nelogicnosti,malata od kraj na kraj na svetot patuva ko jas od dnevna do spalna.So seta moja dobra volja i vklucen ,,science fiction mode,, na gledanje filmovi,nemashe logika.Na vasha odgovornost,da ne kazete deka ne sum ve predupredil...ke zaboravev,prv e ,,Resident evil-Afterlife,,

 

[Eddard Stark]

The Royal Tenenbaums
Филмов претставува совршен микс на драма и комедија (but not a laugh out loud comedy).
Чуден...е епитетот кој морам да му го дадам на овој филм. Приказната е за една фамилија која што е многу повеќе од 'само' дисфункционална. Фамилија исполнета со чудаци, но истовремено гении и многу успешни луѓе. По многу години тие се повторно заедно под истиот покрив, но наместо да ги подобрат своите односи, тие се повеќе ги влошуваат истите. Она што следи понатаму навистина заслужува пофалба, како за сценариото на Owen Wilson и Wes Anderson, така и за начинот на кој филмот е режиран од страна на вториот.
Филмот има и многу добра актерска екипа, од која морам да ги издвојам изведбите на Gene Hackman и Luke Wilson, премногу добро си ја завршиле својата работа. Мислам од Hackman и се очекува таква глума, но Wilson Junior баш пријатно ме изненади. Но и другите актери не заостануваат нешто особено, напротив филмов изобилува со одлични изведби.
Мислам дека после второто гледање уште повеќе ќе ја ценам оваа dark комедија.
Засега, мојата оценка е 8/10

 

[RocknRolaa]

The Departed

Доообар филм. Римејк да ти бил ( ова Иосоно ми го кажа..), и баш се чудам како тоа на Скорсезе конечно му дадоа Оскар и тоа за римејк. Троа непријатно, да не речам брука, зашто сметам дека вака голем режисер заслужил за сопствена креација да добие Оскар, ама пошто му го должеа едно 40 години, му го дадоа за овој филм. Нејсе. Скосрсезе добро си ја завршил работата.

Друга работа. Кога ќе ги прочитате имињата на актерите, човек ќе си помисли дека фали уште Бред Пит ( ( значи ги имате, Мет Дејмон, Џек Николсон, Лео Ди Каприо, Мартин Шин. Марк Валберг, Алек Болдвин плус додајте го режисерското име) Сите блоксбастерски фаци се собрани на еден куп, и или ќе гледате филм што се вади на популарни актери како Џек Николсон и Ди Каприо или ќе видите врвна изведба. Јас Мет Дејмон не го сакам нешто многу. Страшно крут лик е и фацијалните изрази ги нема сменето никогаш во ниеден филм, некаде тоа подобро лежи некаде не. Ама аман човече погледни ја изведбата на Ди Каприо. Ја довел речиси до перфекција. Има и страв и паника, лице кое се грчи. Мене ме воодушеви. Мислев дека после Што го мачи Гилберт Грејп, Лео немал улога во која си го покажал полниот потенцијал. Ама ете ми потврда дека можел да биде стариот.

Инаку во филмов, најсимпатичен лик ми беше оној на Марк Волберг. Само што ќе го видев се смеев, пцовки на сите страни, стил уби боже и реплики да умреш од смеа. Фризурчето само го рпави додатниот ефект. Браво за изведбата.

Ова е филм во кој немате поим кој колку и зошто лаже. Кој стои во редот на законот, а кој го прекршува. Буквално е каша попара од такви ликови. Имате два ликови, Били (Ди Каприо) и Колин кои се на две спротивставени страни иако имаат иста стартна позиција - полициска академија. Били ги има сите предиспозиции да се измеша меѓу криминалците и да стане инсајдер, а Мет Дејмон е обработен уште како дете да му стане најдобриот информант на најголемиот криминалец кој го ловат одигран од Николсон.

Морам да признам дека филмот ми се допадна во 90 % од прикажаното, единствено јас крајот не би го одиграла така.

Спојлер

Знам дека е Холивудско клише добрите момци да победат се живо на крајот, но во случајов не ќе беше лошо Ди Каприо да го оставеја жив[/spоiler]

 

[Figaro]

Middle men (2009)

Одличен крими-драма филм,на моменти со примеси на комедија. Текот на филмот и начинот на снимање и во стилот на Гај Ричи . Приказната е вистинска , се работи за двајца забегани другари кои први ќе го воведат плаќањето преку интернет со картички,едниот е програмер и ќе ја направи програмата која е до ден денес работат сите компании со платежни картички , а на другиот ќе му текне целата идеја . Расплетот на филмот станува интересен кога ќе се сплеткаат со руската мафија на чело со Раде Шербеџија

 

[Ендорфиниус]

She's out of my league

​

Кирк - (под)Просечен дечко од Питсбург, вработен како обезбедување на аеродром, има проблем со неговата самодоверба и пристапност кон девојките. Смета дека во себе нема доволно квалитети за да биде good enough за девојка по негов вкус .. Се додека не се до ПОЈАВАТА НА МОЛИ на аеродромот каде тој работи.

- Опуштена и интересна романтична комедија, со солидно застапени муабети и реплики кои насмеваат. Сепак, мана најдов во тоа што е измислен и конструиран лик (мислам на Моли) кој што всушност не постои и не може да се најде во реалниот свет во кој денес живееме. Да беше пореално прикажана, можеби и јас ќе се затрескав во неа, ама вака облините не беа доволни. Пети многу повеќе ми се допадна .. Concrete, direct and tough Mmmmmm !!