Amnaesiac
Paranoid Android
- Член од
- 9 декември 2008
- Мислења
- 1.818
- Поени од реакции
- 43
Казнувајте, буџетот е празен Организирани во смени, инспекторите од различни инспекторати се растрчаа по фирми, дуќани и по кафеани за да пишуваат казни и да ја полнат државната каса. Сопствениците на фирмите се револтирани велејќи дека во последно време не можат да работат нормално затоа што инспекторите им се на врата и по повеќе пати во текот на една недела. - Секој ден ми доаѓа различна инспекција. Еден ден пазарна инспекција, друг трудова, трет ден тоа се инспекторите на Дирекција за храна, четврт ден ми доаѓаат инспекторите на МВР за гласна музика и петтиот ден тоа се инспекторите на Управата за јавни приходи. И другата недела пак се се случува одново. Изгледа ги нервира што не можат ништо да најдат, па секоја недела повторно ми доаѓаат. Во ова време, подобро би ми било да ги изнајмам кафеаните, отколку секој ден да бидам под стрес - се жали еден сопственик на повеќе скопски ресторани. Упатените тврдат дека инспекторите добиле задача да казнуваат по секоја цена, па дури тоа и да не е законски издржано. Така, на пример, центрите за хомологација ги казнуваат дека не го почитуваат правилникот за висина на трошоците за идентификација на возилата и покрај тоа што станува збор за две различни работи. - Според закон, хомологација на возила е различно од идентификација на возила. Идентификација се прави врз основа на документи за возилата, а хомологација врз основа на проверка на возилото. Но и покрај ова, пазарната инспекција кога ни го побара ценовникот за хомологација, ни рече дека не сме го почитувале Законот за висина на трошоците за идентификација поради што следува казна “ велат од еден центар за хомологација. Од пазарна инспекција велат дека контроли мора да има бидејќи само така ќе се стави крај на девијантните однесувања. - Зголемени контроли има за продажбата на алкохол бидејќи е забележано дека се продава и по 19 часот. Дивите пазари, исто така, се под зголемена контрола, а истото се однесува и на кафеаните бидејќи е забележано пречекорување на дозволеното работно време. Сега имаме и нов правилник за течни горива и мора да контролираме дали се применува. Кај туристичките агенции проверуваме дали имаат сертификат за работа и дали се почитуваат договорите со клиентите за туристички аранжмани, а кај автомобилските куќи најчесто ги прегледуваме декларациите - ни наброја нашироко Сашо Акимовски, директор на Државен пазарен инспекторат. Акимовски вели дека и свеста на граѓаните сега е поголема, па така, за разлика од порано, сега за секоја ситница се јавуваат на телефон да поднесат жалба за измама. - Во овој квартал прекршочната комисија има изречено 900 казни, а 1.200 казни ќе бидат изречени допрва. Казните се движат од 500 до 1.500 евра за мандатни казни и над 1.500 евра за сите други “ информира Акимовски. Од Дирекција за храна велат дека имаат зајакнати контроли поради здравјето на луѓето бидејќи во летниот период има зголемен број труења. Вчера единствено од Управата за јавни приходи не можевме да добиеме одговор за зачестените контроли.
http://www.vreme.com.mk/DesktopDefault.aspx?tabindex=3&tabid=1&EditionID=1747&ArticleID=117007
Така е кога се има премиер економист прилепски дипломец.
http://www.vreme.com.mk/DesktopDefault.aspx?tabindex=3&tabid=1&EditionID=1747&ArticleID=117007
Така е кога се има премиер економист прилепски дипломец.