Нова "битка" за Тетово
Многу тетовски "битки" се случија во оваа сезона во нашата најдобра фудбалска лига. На ред е уште една, нова, в недела. Лидерот Шкендија ќе се обиде да ја сруши традицијата и за првпат сезонава да го победи тимот на Тетекс, кој во претходните два натпревари се покажува како доста незгоден кога игра против "црвено-црните"
Ќе "врие" утре под Шара, каде ќе има многу публика на тетовскиот стадион и нова интересна пресметка за бодови меѓу ривалите.
Единствен тим кој останал непоразен во дуелите со Шкендија е токму Тетекс. Лидерот на табелата смета дека дојде денот конечно да биде срушена таа за нив непријатна традиција и, конечно, "штофарите" да паднат и да бидат освоени бодовите против нив. Сепак, "црвено-црните" и покрај тоа што се желни за триумф против нивниот ривал, сосема претпазливи во изјавите. Знаат дека си имаат работа со многу незгоден противник и дека нема нималку да биде лесно во утрешниот дуел.
ШКЕНДИЈА - ТЕТЕКС
Градски стадион во Тетово. Капацитет: 12.000. Почеток: недела, 16 ч.
Главен судија: Димитар Мечкаровски. Помошници: Душко Милошески и Игор Ширилов (сите од Скопје).
ШКЕНДИЈА: Зендели, Елмазовски, Никитовиќ, Бериша, Цуцули, Усеини, Мустафи, Нухији, Емини, Аломеровиќ, Сали.
Тренер: Ќатип Османи
ТЕТЕКС: Мар. Јовановски, Д. Наумовски, Мишковски, Дан. Јовановски, Симовски, Мир. Јовановски, Захариевски, Алии, Г. Наумовски, Клечкароски, Глигоровски.
Тренер: Тони Јакимовски
-
AJMOOO SHKENDIJA
))))))))