курдоколенко, ајде објасни како тоа "Петар не е МПЦ"?? Петар е од МПЦ.
За жал, Петар е владика на МПЦ, иако според своите морални квалитети не заслужува да биде ни клисар во црква. Во Уставот на МПЦ постои механизам за да се отстрани некој кој згрешил (како на пример во случајот на Вранишковски), но кога е во прашање Петар, архиереите од Синодот “мудро“ молчат на секоја документирана поплака за неговите недела. Не велат “така е“ ниту “не е така“ туку едноставно - молчат како гробница.
Зошто велам дека Петар не е МПЦ? едноставно, заради тоа што под Македонска Православна Црква се подразбираат сите православни христијани кои ја исповедаат својата вера во македонските храмови. Така е и во православните канони и догматика - “Црквата е заедница на луѓе ...“. Свештениците и владиците се служители, а не императори и деспоти во оваа заедница. Но, подбеснатите и опијанети од моќ и пари владици и попови денес се обидуваат да ги искриват и испревртат овие основни христијански вредности и се прогласуваат себеси за Црква, а на верниците гледаат како на стока која служи само за стрижење.
Уште една забелешка:
Ако горенапишаното е вистина, никако не држат обвинувањата дека се работи за приватни компании!!
Реков дека финансиското работење на религиозните институции е подложно на директна контрола од јавното обвинителство на државата. За пример, токму од тие причини, во судскиот процес на Петар против МПЦО Света Петка од Рокдаел, во списокот на обвинетите е и Јавниот обвинител на Нов Јужен Велс, како институција одговорна и задолжена да ги спречува евентуалните неправилности во црквата. Што значи тоа? - дека јавното обвинителство располага со сета судска документација за спорот кој трае веќе 12 години, а во тоа спаѓаат и најситните детали од финансиските документи на Света Петка. Доколку имало податок за тоа дека некој ја користел црквата за сопствени даночни бенефиции, одамна би бил во затвор. Но за такво нешто на судот досега не станало ниту збор. Знаејќи ја манијата на Петар за тужби и судови, сигурно е дека досега тој би пикнал во затвор многумина - доколку би располагал со докази за она што го дрдори. Но бидејќи нема докази, сета расправија останува на ниво на едно долно чаршиско оговарање, ширење и подбуцнување на омраза едни против други. Приказните на Петар не заслужуваат сериозен човек да им посвети сериозно внимание.
Но прашав, пак да прашам
Дали тебе нешто лично ти сторил? нешто лошо? Пошто за да наречам некого психопат треба нешто многу да направи во негативен смисол да ми наштети.
Мојата личност не е предмет на дискусијава, но кога веќе инсистираш, ќе ти дадам насока кон одговорот - во рамките на топикот, разбира се. Во еден твој поранешен пост на истава тема ја имаш допрено суштината:
Што се нервираш Питерс, овде кај нас сите плукаат по сопствена црква, сите други им се добри. Овде кај нас се најлошо што се десило е ради МПЦ, сите криминали ги направи МПЦ. Гледаш, очигледно е диригирани напади врз МПЦ. А никако да им текне дека
македонското православие е тоа во што нивните дедовци верувале и нивните претци опстоиле низ вековиве. Ама има право
theMac3donian, кој да слуша.
Македонското православие е една од најстарите гранки на Христовата вера. Тоа не е само збир на традиции и ритуали, туку и одредница на целокупниот поглед кон животот, на сите највисоки вредности според кои еден човек живее.
Ако си посветен во православната христијанска мисла, нема да има потреба да ти објаснувам ништо. Самиот ќе знаеш дека бедата и моралната мизерија она што го прави “МПЦ“ (доколку под тоа свето име го подразбираш психопатот сокриен под мантија) нема апсолутно никаква допирна точка со величествената и безмерна вредност на Христовото Слово.
Она што лично ме повредува е валкањето на светото име.
Да го споредам Петар со Ванчо Михајлов. Параноик и психопат од слична класа, за кој “борбата за Македонија“ се состоела од само едно - ништење и убивање Македонци. Историски факт е дека Ванчо Михајлов и неговото “ВМРО“ немаат убиено ниту еден Србин, ниту еден Грк, ниту еден Бугарин. Исклучиво Македонци. Исто како и Петар денес - сабјата му е насочена кон македонските, не кон непријателските гнезда.
Да речеш дека “Петар е МПЦ“ за мене е исто како да си рекол “Ванче Михајлов е ВМРО“ или “Љубче е ВМРО“.
Да речеш дека исзнесувањето податоци за криминалот на разбојниците сокриени зад владичка мантија е “плукање по МПЦ“, за мене е исто како да си рекол дека зборувањето за психијатриската дијагноза на В Михалов или Љ Георгиев е “плукање по ВМРО“.
Нема потреба водата да се мати толку многу.
