Чавиќ понуди да му купи костим на Фелпс, па постави рекорд!
На Милорад Чавиќ ми е доста да слуша како Мајкл Фелпс мора да се натпреварува во наводно инфериорен пливачки костим. Затоа Србинот кој е роден во Анахајм, Калифорнија, дури понуди да му купи еден од последните модели ако тоа е потребно да се израмнат двајцата пред нивниот ри-меч на 100 метри пеперутка.
Коментарите на Чавиќ, дадени по лесните квалификациски трки во петокот наутро, поставуваат возбудлив дуел по нивната трка за историја на Олимпијадата во Пекинг, која Фелпс ја доби за 1 стотинка од секундата пред да освои рекордни 8 злата. Чавиќ, кој носи Арена Х-Глајд модел, вели дека е “вистинска лага” мислењето дека Фелпс морал да го носи Спидо ЛЗР Рејсер поради обврската кон спонзорите.
“Знам дека тој заработува добри пари од Спидо. Се работи за лојалност. Но, научив дека слободната волја е подарок со цена и како ќе решиш да платиш тоа зависи од тебе”, вели Чавиќ.
Спидо официјално изјави дека нивните пливачи се слободни да изберат друг костим ако мислат дека ќе имаат подобри шанси во Рим, но Фелпс, кој има договор со Спидо од тинејџерските денови и заработува милиони од компанијата реши да остане со ЛЗР.
“Ако Мајк сака Арена, само треба да каже. Ако сака Џејкд костим и тие не му го дадат без пари, јас ќе му го купам. Има оцпии, иако во медиумите се вели дека нема избор и мора да плива за Спидо. Тоа е целосна лага”, додава Србинот.
Чавиќ се уште мисли дека победил на 100 пеперутка на Олимпијадата, иако сите мерни инструменти и фотографии покажуваат дека Фелпс прв стигнува до целта. Чавиќ вели дека тој бил прв до ѕидот, но дека не направил доволен притисок и Фелпс бил забележан како победник.
Дека Чавиќ не се шегува покажа и во полуфиналето во петокот, откако го сруши светскиот рекорд на Фелпс, со фантастични 50.01 секунди, подобро од 50.22 времето на Фелпс од Американскиот Шампионат на 9 јули. Фелпс победи во второто полуфинале со 50.48.
