Дел Пјеро го сруши сопствениот рекорд
Дека Алесандро дел Пјеро во својата 34-та година можеби ја игра најдобрата сезона во својата кариера покажува рекордот кој капитенот на Јувентус го сруши на неделниот натпревар со Аталанта. Имено, со голот против тимот од Бергамо, Дел Пјеро постигнал вкупно 28 гола од јануари 2008 година, што е најголем број голови во една календарска година, во неговата долгогодишна кариера, подобрувајќи го својот претходен рекорд од 24 гола постигнати во 2002 година.
Поголемиот број голови се постигнати во Серија А, поточно 20, а останатите се во Лигата на шампионите и Купот на Италија.
Волшебна ноќ популарниот "Пинтуричио" имаше на 5 ноември, кога во рамките на Лигата на шампионите постигна два прекрасни гола на Сантијаго Бернабе, во победата на неговиот Јувентус против Реал Мадрид.
Моментно го дели второто место на листата најдобри стрелци во Лигата на шампионите со четири постигнати гола, а во Серија А моментно има постигнато шест. Минатата сезона беше најдобар стрелец во Италија, со 21 постигнат гол ја делеше првата позиција со својот соиграч Давид Трезеге.
Очигледно дека капитенот на Јувентус ја доживува својата втора младост во дресот на клубот во кој ја помина целата своја професионална кариера, и е вистински предводник на новата генерација млади играчи на Јувентус кои во досегашниот дел од сезоната изненадија многумина скептици кои се сомневаа во клубот од Торино дека некогаш ќе може да се врати на старите патеки.
eve edna ubava statija za kapitenot.FORCA JUVE
а Жирков не ми праи мерак
