СДС го кандидираат ЉДФ кој има неверојатни 0% за поминување во втор круг а камолу победа на претседателските избори. Зошто би играле на таа карта кога знаат дека со сигурност губат?Во исто време пак, додека собираа потписи за ЉДФ, во општинските комитети на СДС, собираа и за Љубе Бошкоски.
Е тука веќе почнува логика и математика...Како тоа СДС да собира потписи и во исто време да го поддржува и него покрај свој кандидат, а овој пак да е член на ривалската партија, оној кој Бранко Црвенковски го нарекуваше „елементарна непогода што оди на две нозе“.?
Екстремниот „брат“ Љубе кој до пред заминувањето во Хаг беше „херој над хероите“, човек кој во едно интервју изнесе дека Ванчо Михајлов е неправедно оцрнет од Македонската историја и дека треба да го рехабилитираме(?!), а по доаѓањето од Хаг изјави дека не треба да им се инатиме на Грција и дека треба да се најде компромис, изјави дека законот кој го бараат бранителите треба да биде заеднички проект со поранешните војници на ОНА. Значи Љубе, не е истиот кој беше.
Не сакам да го напаѓам, ама имам неколку прашања:
Кој му ја финансира кампањата на Љубе?
Зошто Љубе по враќањето од Хаг ги смени ставовите за 180 степени?
Кој му ја спреми програмата?
Да потсетам, неговата кампања предвреме почна уште од Септември кога беше на обиколка и посета на секој град во Македонија и присутен на секоја свинска слава во селата.
Значи, некој толку многу сака да го види како претседател, ама реалната причина не е „патриотизмот“ на Љубе. Тоа е само маската. Бузле во Ресен веќе апла почна да агитира за Љубе заедно со неговите активисти.
Кој е уделот на Грција во овие избори? ЉДФ добро им служи ама народот не го сака.
А дека Фрчко си го има на ти - дај ми со грците, потврдува и она ќоравоно, Киро Глигоров.
Па, која е новата грчка политичка инвестиција во Македонија?
