Владата, по се' изгледа, подготвува терен за воведување ригорозни услови за абортус, со кои практично и ќе се забрани прекинувањето на несаканата бременост. За оваа новина се планира нов закон. Како што дознаваме неофицијално, законот ќе биде со толку радикални критериуми што жената практично и сама ќе се откаже од прекин на бременоста и ќе нема потреба од забранување на абортусот. Колку ќе биде радикален овој закон, според неофицијални извори, покажува и тоа што се размислува меѓу условите за абортирање да се стави и одредба каде што и мажот ќе се прашува дали жената ќе смее да ја прекине бременоста. На ваквите радикални промени за прекин на бременоста, како што велат добро упатени владини извори, инкогнито работи група пратеници, затоа и ништо конкретно не може да протече во јавноста.
Засега, никој од надлежните не сака да потврди дали се подготвува толку ригорозен закон за абортус. Од Министерството за здравство велат дека се' уште нема никаков пишан материјал или работна верзија за посебен закон за абортус. Но дека, сепак, се крчка закон за воведување ригорозна забрана на абортус се потврдува со тоа што на седница на Владата била изнесена информација како е решено прашањето со абортус во земјите на ЕУ.
Таа е насловена како „Осврт на правните практики во Европа и светот, релевантни за регулирање на абортусот“, што е во прилог на донесување современ закон за прекинување на бременоста во Македонија.
Министерот за здравство, Бујар Османи, ни потврди дека на владина седница била изнесена компаративна анализа за состојбата со абортусот во земјите на Европската унија. Но, Османи тврди дека се' уште нема никаков пишан материјал со кој се планира да се забрани абортусот. „Се' уште немаме поставено ни насоки за негово изготвување“, ни изјави Османи, кој призна дека се планира посебен закон за абортус со тоа што условите за прекин на бременоста ќе бидат дадени прво на стручна и јавна расправа.
Иако, министерот Османи вели дека засега нема ни насоки за новиот закон за абортус, компаративната анализа, сепак, содржи правни одредници и препораки за абортусот како од Советот на Европа, така и од СЗО. Во неа се вели дека Македонија е во категоријата на земји со најлиберални услови за абортус.
А, сомневањата дека Владата планира построги услови за абортус уште повеќе се разгоруваат со тоа што во Скопје повторно осамна анонимна кампања со плакати дека „абортусот е убиство“. За половина година ова е трета по ред анонимна кампања со која се осудува абортусот. Како и во првите два случаја, така и сега Владата и Министерството за здравство тврдат дека немаат никаква врска со оваа кампања. „Апсолутно не сме поврзани со кампањата“, категоричен е Османи.
Кој стои зад оваа кампања, никој не открива. Се шпекулира дека во прашање е невладина американска организација. Но, на ваквата кампања немаат реакции ни од Владата ни од Министерството за здравство, ниту пак дали ја осудуваат или одобруваат. Како и во првите две акции никој од надлежните не се потруди, ниту пак направи истрага кој и зошто ги лепи овие грозоморни плакати. Тоа што се толерира ваквата кампања, неофицијално се зборува дека иако зад неа не стои Владата, со пораките од плакатите се опипува пулсот на јавноста околу прашањето за забрана на абортусот, како спас за опасно намалениот наталитет во земјава. Посебно што податоците говорат дека бројот на раѓањата се' повеќе се доближува до бројот на абортусите.
Како и при првите две кампањи, така и за оваа жестоко реагираат невладините женски организации кои сметаат дека со забранувањето на абортус не само што се крши слободата на изборот на жената, туку тоа се коси со сите меѓународни стандарди и конвенции за човекови права.
Утрински Весник
Засега, никој од надлежните не сака да потврди дали се подготвува толку ригорозен закон за абортус. Од Министерството за здравство велат дека се' уште нема никаков пишан материјал или работна верзија за посебен закон за абортус. Но дека, сепак, се крчка закон за воведување ригорозна забрана на абортус се потврдува со тоа што на седница на Владата била изнесена информација како е решено прашањето со абортус во земјите на ЕУ.
Таа е насловена како „Осврт на правните практики во Европа и светот, релевантни за регулирање на абортусот“, што е во прилог на донесување современ закон за прекинување на бременоста во Македонија.
Министерот за здравство, Бујар Османи, ни потврди дека на владина седница била изнесена компаративна анализа за состојбата со абортусот во земјите на Европската унија. Но, Османи тврди дека се' уште нема никаков пишан материјал со кој се планира да се забрани абортусот. „Се' уште немаме поставено ни насоки за негово изготвување“, ни изјави Османи, кој призна дека се планира посебен закон за абортус со тоа што условите за прекин на бременоста ќе бидат дадени прво на стручна и јавна расправа.
Иако, министерот Османи вели дека засега нема ни насоки за новиот закон за абортус, компаративната анализа, сепак, содржи правни одредници и препораки за абортусот како од Советот на Европа, така и од СЗО. Во неа се вели дека Македонија е во категоријата на земји со најлиберални услови за абортус.
А, сомневањата дека Владата планира построги услови за абортус уште повеќе се разгоруваат со тоа што во Скопје повторно осамна анонимна кампања со плакати дека „абортусот е убиство“. За половина година ова е трета по ред анонимна кампања со која се осудува абортусот. Како и во првите два случаја, така и сега Владата и Министерството за здравство тврдат дека немаат никаква врска со оваа кампања. „Апсолутно не сме поврзани со кампањата“, категоричен е Османи.
Кој стои зад оваа кампања, никој не открива. Се шпекулира дека во прашање е невладина американска организација. Но, на ваквата кампања немаат реакции ни од Владата ни од Министерството за здравство, ниту пак дали ја осудуваат или одобруваат. Како и во првите две акции никој од надлежните не се потруди, ниту пак направи истрага кој и зошто ги лепи овие грозоморни плакати. Тоа што се толерира ваквата кампања, неофицијално се зборува дека иако зад неа не стои Владата, со пораките од плакатите се опипува пулсот на јавноста околу прашањето за забрана на абортусот, како спас за опасно намалениот наталитет во земјава. Посебно што податоците говорат дека бројот на раѓањата се' повеќе се доближува до бројот на абортусите.
Како и при првите две кампањи, така и за оваа жестоко реагираат невладините женски организации кои сметаат дека со забранувањето на абортус не само што се крши слободата на изборот на жената, туку тоа се коси со сите меѓународни стандарди и конвенции за човекови права.
Утрински Весник
.
