Во Австралија имав прилика да се сретнам со неколкумина од активистите на поранешен ДООМ (Движење за Ослободување и Обединување на Македонија). Моја лична проценка е дека, во споредба со нивниот водач Богдановски, повеќето од нив биле безопасни и како такви не биле предмет на оперативни обработки и конкретни дејствија какви што се преземаат кон поединци кои директно ја засегаат стабилноста на системот.
Панко Стамковски (мир нека му е на коските) придонесе доста за ширењето на идеологијата на Богдановски со редовното објавување на неговите написи во својот неделен весник “Македонија“. Мислам дека тоа е причината што Богдановски одлучил да се потпре на него за иницијална реализација на идејата ДПМНЕ. Панко беше запален патриот, присутен речиси во секоја македонска активност, бистар и луциден човек, но по природа индивидуалец и не многу соодветен за колективно дејствување. Од самиот почеток му беа многу јасни работите и во својот весник умееше да го оффели житото од куколот и да ги коментира “професионално изведените“ патриотски работи, почнувајќи од комитетите за човекови права, преку оснивачките собори на ДПМНЕ и Светскиот Македонски Конгрес на Петров, до црквата и владиците.
