За Вардар тоа беше главна причина. Долгови кон клубови и долгови кон фудбалери. Долгови кон фудбалери не од типот на плата, туку придонеси и осигурување.
Условите на УЕФА за лиценца поделени им се во неколку групи A,B, и C.
Првата група услови „А“ е најлесна ама мора да се исполни во целост. Тоа е минимум што мора да се направи и нашите клубови најчесто одат на тој минимум. И тоа не е ништо сложено претежно се административни работи, ама знам како тоа кај нас во ФФМ заедно со клубовите кои аплицираат го „шминкаат“ за да изгледа правилно. Буквално ради-реда колку да има нешто. Годинава добија опомена од УЕФА, па затоа мислам дека наредното лиценцирање ќе биде построго, дури не е исклучена можност во комисијата за лиценци УЕФА да прати и нивни претставник. Ова не ми се информации од Македонски Спорт, туку од вработен во ФФМ, еден од младите кадри што знае англиски и што е вклучен во ваква коресподенција со УЕФА (сигурно со УЕФА директно не контактираат Хари, Јофков, Бунгуров, Беџети ... тие не знаат ни „живели“ да кажат на англиски).
Инаку околу критериумите за лиценца, тие ги има и на сајтот на УЕФА.
Секоја сезона има нов прирачник со зголемени услови. Дел од минималните услови за оваа сезона што веќе се игра беа:
- Одобрена годишна програма од УЕФА за младински категории, програма за медицинска грижа за истите;
Ова е лесна работа, само некој треба да седне да ја смисли, да ја напише и да ја прати до УЕФА на потпис. Ама и за тоа треба човек што ќе го сработи.
- Клубот да има финансиски менаџер, главен менаџер, секретар, одговорен за безбедност, одговорен за медиуми, координатор за младински школи, доктор, тренери итн итн .....
Овде се мисли на вработени луѓе на тие позиции, а не некој што се мота со семки во уста и со лента на рака „Редар“. Тука нашите ги пеглаат работите така што за две или три позиции пријавуваат исто лице. До сега поминуваше тоа.
-
За нас најтешките:
Ревизорски финансиски годишен извештај, финансиски извештаи за тековната година, финансиска програма и гаранција за наредната година !
Овде падна ФФМ оваа година, што му дозволи на Милано да игра без ништо од горе споменатото.
Цела оваа постапка е рутинска и лесна работа за некој клуб што работи исправно. Кога можеше ФК Севојно од Србија да добие лиценца, зошто да не може и било кој од кај нас?
Проблемот е што голем дел од клубовите наши немаат таква филозофија на водење клуб и ќе биде тешко за една година да го сменат начинот на раководење. Помош од ФФМ мислам дека ќе нема, „шминкањето“ заврши.
Одам на Металург многу одамна. Во сите лиги ги имам гледано. Од градска, општинска па до прва лига.
Од друга страна како секој од Скопје, така и јас го сакам Вардар. Сега Вардар и Металург играат во иста лига, мал конфликт
Не знам чив фан сум. Секој го сакам на посебен начин. Не сум навивач со шал и знаме што оди на утакмица, обичен симпатизер сум или како што вика некој - семкар
Во Металург мислам дека од сега се спремаат за таква лиценца. Сите што се во просториите на клубот се вработени и пријавени со придонеси. Од минатиот месец дури и кабинерите (домаќините - економите) се пријавени. Сега редат столчиња на трибина. Дали ќе биде џабе тоа, ќе видиме во наредните 29 кола. Нов предизвик во недела кај вас :smir:
